Türkiyədə Nəsimi təntənələri  

 

TÜRKSOY-un ANKARADAKI QƏRARGAHINDA "NƏSİMİ İLİ"NİN AÇILIŞ MƏRASİMİ OLUB

 

 

Azərbaycan Respublikasının Prezidenti İlham Əliyevin imzaladığı sərəncamlara əsasən, Mədəniyyət Nazirliyinin təşəbbüsü ilə 2019-cu il TÜRKSOY tərəfindən "Nəsimi ili" elan olunub.

 

Martın 6-da "Nəsimi ili"nin rəsmi açılış mərasimi TÜRKSOY-un qərargahında gerçəkləşib. Əvvəlcə Azərbaycan Milli Kitabxanasının fondlarında mühafizə olunan mərasimdə nümayiş etdirilmək üçün Ankaraya aparılan Nəsimi əsərlərindən dahi şair haqqında kitablardan ibarət "İmadəddin Nəsimi-650" mövzulu geniş sərginin təqdimatı olub. Sərginin açılışını bildirən qırmızı lent kəsildikdən sonra Azərbaycan Milli Kitabxanasının direktoru Kərim Tahirov qonaqları sərgidə nümayiş olunan qiymətli kitablarla tanış edərək Nəsiminin XV əsrə aid əlyazmalarının surətlərini, dahi şairin 1844-cü 1881-ci illərdə Türkiyədə nəşr olunmuş ilk çap kitablarını, 1926-cı ildə Bakıda nəşr olunmuş ilk əsərini, Azərbaycan Prezidentinin sərəncamı ilə nəfis tərtibatla çap olunmuş 2 cildliyini başqa kitabları qonaqlara təqdim edib.

Sonra isə TÜRKSOY-un böyük konfrans zalında "Nəsimi ili"nin rəsmi açılış mərasimi olub.

Tədbiri giriş sözü ilə açan TÜRKSOY-un Baş katibi D.Kaseinov 2019-cu ilin türkdilli ölkələr üçün "Nəsimi ili" elan olunması haqqında qərarın Azərbaycan Mədəniyyət Nazirliyinin təşəbbüsü ilə ötən ilin dekabrında TÜRKSOY-a daxli olan ölkələrin Mədəniyyət Nazirləri Şurasının qərarı ilə Türkiyənin Kastamonu şəhərində qəbul olunduğunu bildirib. D.Kaseinov Nəsimiyə həsr olunmuş tədbirlərin 2019-cu il ərzində Azərbaycan Milli Kitabxanası ilə Bişkekdə, Astanada, Daşkənddə, Bakıda digər şəhərlərdə keçiriləcəyini diqqətə çatdırıb.

Azərbaycan Respublikasının Mədəniyyət naziri Əbülfəs Qarayev çıxış edərək 2019-cu ilin "Nəsimi ili" elan olunmasına görə Beynəlxalq Türk Mədəniyyəti təşkilatı TÜRKSOY-a Düsen Kaseinova ölkəmiz adından minnətdarlığını bildirərək, belə tədbirlərin uzun müddət biri-birindən uzaq düşmüş türkdilli xalqları daha da yaxınlaşdırdığını onların mədəniyyətini, ədəbiyyatını adət-ənənələrini daha da doğmalaşdırdığını bildirib: "Nəsiminin yaradıcılığı şəxsiyyəti Azərbaycanda çox yüksək qiymətləndirilir onun doğma xalqına yenidən qayıdışı xalqımızın böyük oğlu, Ulu Öndər Heydər Əliyevin adı ilə bağlıdır. Məhz 1970-ci illərdə Ulu Öndər Heydər Əliyev böyük Nəsiminin 600 illik yubileyinin ilk dəfə dövlət səviyyəsində qeyd olunmasına hətta bu yubileyin YUNESKO-da da layiqincə qeyd edilməsinə nail olub. Azərbaycan mədəniyyətinə, mili mənəvi dəyərlərimizə böyük önəm verən hörmətli Prezidentimiz cənab İlham Əliyev böyük Nəsiminin yaradıcılığına poeziyasına hər zaman yüksək dəyər verib, onun 650 illik yubileyinin dövlət səviyyəsində qeyd edilməsi, 2019-cu ilin Azərbaycanda "Nəsimi ili" elan olunması barədə tarixi sərəncamlar imzalayıb".

Daha sonra Ə.Qarayev Prezident İlham Əliyev tərəfindən Azərbaycan Respublikasının Xalq artisti fəxri adı ilə təltif olunan TRT Xorunun dirijoru Elnarə Kərimovaya fəxri adın vəsiqəsini təqdim edib.

Böyük şairin həyat yaradıcılığını əks etdirən film nümayiş olunduqdan sonra çıxış edən Türkiyə Prezidentinin baş müşaviri Yalçın Topçu, Türkiyə Mədəniyyət Turizm nazirinin müavini Ahmet Haluk Dursun, professorlar Nizami Cəfərov, Mustafa İsen Ahmet Bican Ercilasun Nəsimi yaradıcılığının Azərbaycan, türk Şərq ədəbiyyatının inkişafında rolundan danışıblar.

Tədbirin sonunda qiraət ustaları xanəndə Feyruz Səxavətin ifasında Nəsiminin qəzəlləri səsləndirilib.

"Nəsimi ili"nin açılışına həsr olunmuş proqram axşam saatlarında ədəbi-bədii tədbirlə davam etdirilib.

 

Şahanə MÜŞFİQ

 

525-ci qəzet.- 2019.- 7 mart.- S.7.