Musiqişünas-alim Ramiz Zöhrabovun xatirəsi anılıb

 

 

Mayın 22-də Azərbaycan Bəstəkarlar İttifaqında görkəmli musiqişünas-alim, Xalq artisti Ramiz Zöhrabovun anadan olmasının 80 illiyinə həsr olunmuş elmi konfrans təşkil edilib, həmçinin, "Milli musiqişünaslığımızın iftixarı" adlı kitabının təqdimatı olub.

Tədbiri Azərbaycan Bəstəkarlar İttifaqının sədri, Xalq artisti Firəngiz Əlizadə açaraq tanınmış alimin ömür yolu zəngin yaradıcılığından danışıb: "Bizim aramızda olmasa da, onun adı Bəstəkarlar İttifaqında həmişə xatırlanır. O qədər xarizmatik, çoxyönlü fəaliyyəti vardı ki, hamısını desəm, böyük mövzu ola bilər. Ramiz müəllim birinci növbədə musiqişünas-alimdir. Çox fəxrlə qeyd edirdi ki, kitabları müxtəlif ölkələrdə tirajlarda çap olunub. Rusiyada, Türkiyədə, İranda ölkəmizdə 25 kitabı çap olunub. Bu kitablar dolğun məlumatlarla zəngindir".

Azərbaycan Bəstəkarlar İttifaqının katibi, Əməkdar incəsənət xadimləri Zemfira Qafarova R.Zöhrabovun Azərbaycan musiqi elmində özünəməxsus yeri olduğunu vurğulayıb.

Tədbirdə çıxışlarda qeyd edilib ki, xalq professional musiqimizə, bəstəkarlarımızın yaradıcılığına həsr olunmuş çoxlu sayda monoqrafiyanın, dərsliyin 300-dən artıq elmi, populyar məqalənin müəllifi olan R.Zöhrabovun tədqiqatlarının başlıca obyekti muğamdır. Onun musiqi elminin bir sahəsi olan muğamşünaslığın inkişafında mühüm xidmətləri var. R.Zöhrabovun ilk dəfə olaraq, görkəmli xanəndələrin ifasından 100 təsnifi nota yazması onun əsasında təsniflərin janr xüsusiyyətlərinin musiqi dilinin təhlilini aparması, o cümlədən, 9 zərbi-muğamı xanəndə sazəndə ansamblının ifasından partitura şəklində nota yazaraq onların nəzəri əsaslarını öyrənməsi diqqətəlayiqdir.

Onun muğamın nəzəri əsasları ilə bağlı tədqiqatı fars dilinə tərcümə edilmiş, əvvəlcə hissə-hissə jurnallarda, sonra isə tam şəkildə kitab halında "Azərbaycan modal musiqisi" adı ilə nəşr olunub.

R.Zöhrabovun musiqişünas kimi elmi yaradıcılığının bir qolu da təhsil maarifçiliklə bağlıdır. Vaxtilə onun televiziyada müəllifi aparıcısı olduğu "Bəstəkarlarımızın portreti", "Sənətə həsr olunmuş ömür", "Poeziya musiqi", "Romans axşamı" xüsusilə "Xalq musiqisi inciləri" silsiləsindən "Muğam sənəti haqqında", muğam dəstgahlarına həsr olunmuş verilişləri tamaşaçıların yaddaşına həkk edilib.

"Milli musiqişünaslığımızın iftixarı" adlı kitabın tərtibçisi, mərhumun qızı Leyla Zöhrabova tədbirin təşkilatçılarına iştirakçılarına təşəkkürünü bildirərək nəşr haqqında öz fikirlərini bölüşüb. Bildirib ki, kitabda Ramiz Zöhrabovun müxtəlif illərdə həm ölkəmizdə, həm rus dillərində jurnal, məcmuə, qəzet kitablarda musiqişünaslar, bəstəkarlar, ifaçılar haqqında dərc olunan seçilmiş elmi-publisistik məqalələri resenziyaları əksini tapıb.

Tədbirdə, həmçinin, Əməkdar müəllim, professor Səadət Seyidova "Ramiz Zöhrabov - milli musiqişünaslığımızın iftixarı" kitabı haqqında", professor Cəmilə Həsənova "Ramiz Zöhrabovun elmi yaradıcılığı", Əməkdar mədəniyyət işçisi, sənətşünaslıq üzrə fəlsəfə doktoru Səadət Təhmirazqızı "Ramiz Zöhrabovun maarifçilik fəaliyyəti", sənətşünaslıq üzrə fəlsəfə doktoru Bənövşə Rzayeva "Ramiz Zöhrabovun pedaqoji fəaliyyəti haqqında" məruzələrlə çıxış ediblər.

Sonra tədbirin bədii hissəsində Xalq artisti Ağaverdi Paşayevin rəhbərlik etdiyi Azərbaycan Dövlət Xalq Çalğı Alətləri Orkestri bəstəkarın "Uşaq lövhələri" Süitasından "Tap görüm" adlı hissəni, "Qavalla rəqs"ini "Musiqi lövhələri" Süitasının birinci hissəsini ifa edib.

Tədbir iştirakçıları, həmçinin, Bəsti Qasımova Orxan Cəlilovun ifasında R.Zöhrabovun Bəxtiyar Vahabzadənin sözlərinə bəstələdiyi "Hər gün", o cümlədən, Beynəlxalq müsabiqələr laureatı Rövşən Qurbanovun (tar), Əməkdar artist Toğrul Əsədullayevin (kamança), Əlibala Rzayevin (piano) Amil Mustafayevin (nağara) müşayiəti ilə Muğam televiziya müsabiqəsinin laureatı Rəvanə Qurbanovanın ifasında "Məhəbbət yollarında" mahnılarını dinləyiblər.

Sonda R.Zöhrabovun ailəsi adından qızı Leyla Zöhrabova çıxış edərək tədbirin keçirilməsinə görə Azərbaycan Bəstəkarlar İttifaqının kollektivinə təşəkkürünü bildirib.

 

Şahanə MÜŞFİQ

 

525-ci qəzet.- 2019.- 24 may.- S.8.