BDU-da Aşıq Şəmşirə həsr edilmiş tədbir

 

 

Bakı Dövlət Universitetinin (BDU) 100 illik yubileyi münasibətilə başlanan mədəni-kütləvi tədbirlər çərçivəsində dünən universitetdə XX əsr Azərbaycan aşıq poeziyasının görkəmli nümayəndələrindən biri, Əməkdar İncəsənət Xadimi Aşıq Şəmşirin yaradıcılığına həsr olunmuş tədbir keçirilib.

Tədbiri giriş sözü ilə açan BDU-nun rektoru Elçin Babayev deyib ki, Aşıq Şəmşir Azərbaycanın çoxəsrlik şifahi sənət ənənələrini layiqincə davam etdirərək meydana gətirdiyi rəngarəng poetik-bədii nümunələrlə milli folklor xəzinəsini daha da zənginləşdirmiş görkəmli söz ustalarındandır. Qədim saz havalarının dastanların mahir ifaçısı kimi tanınan el sənətkarı daim vətən torpağına bağlı olub, yaradıcılığı boyunca xalqın duyğu düşüncələrini, yüksək mənəvi keyfiyyətləri yurdun təbiət gözəlliklərini tərənnüm etmişdir: "Aşıq Şəmşir şifahi xalq ədəbiyyatımızın dərin bilicisi, mahir dastan ifaçısı olmaqla yanaşı, həm bədii yaradıcılığında Vətən sevgisini, torpağa, yurda məhəbbətini ön plana çəkib. Dədə Şəmşir qələmə aldığı qoşma, gəraylı, təcnis, bayatı, rübai, qəzəl müxəmməslərlə Kəlbəcər ədəbi mühitini, eləcə yazılı şifahi poeziyamızın ən vacib cəhətlərini ustalıqla mənimsəyən söz sənətkarı kimi öz məktəbini yaradıb. Onun 40-dan artıq şagirdi olub. Şəmşirin qeyri-adi səsi çalğısı saz-söz sərrafı olan Kəlbəcər ellərində yüksək dəyərləndirilib, ustad sənətkarın orijinal ifaçılığı şairliyi müqayisəedilməzdir. Nadir istedad fitrət sahibinin lent yazıları bu günümüzədək gəlib çatıb".

BDU-nun  kitabxanaçılıq-informasiya fakültəsinin dosenti, "Aşıq Şəmşir" Mədəniyyət Ocağı İctimai Birliyinin İdarə Heyətinin üzvü Ələmdar Cabbarlı isə deyib ki, 20-ci əsr Azərbaycan aşıq poeziyasının ən tanınmış məşhur simalarından biri Aşıq Şəmşirdir. Əgər 16-cı əsrdə Dirili Qurbani, 17-ci əsrdə Tufarqanlı Abbas, 17-18-ci əsrlərdə Xəstə Qasım, 18-ci əsrdə Abdalgülablı Valeh, 19-cu əsrdə Aşıq Ələsgər Ağdabanlı Qurban aşıq poeziyasına öncüllük edib sənətin zirvəsində dayanırdılarsa, 20-ci əsrdə Aşıq Şəmşir bu məqama çatmışdı. Aşıq Şəmşir yurdumuzun ən ucqar rayonunda, Kəlbəcər dağlarının dilbər güşəsi olan Dəmirçidam kəndində 1893-cü il mart ayının 15-də dünyaya göz açmışdı. Sonralar ailə Kəlbəcər rayonunun Ağdaban kəndinə köçüb Aşıq Şəmşirin bütün həyatı burada keçib. Aşıq Şəmşirin aşıq-şairlik şəcərəsi uzun əsrlərdən qaynaqlanıb gəlir. 1430-cu ildə Göyçə mahalının Sarıyaqub kəndində anadan olan, ulu babası Miskin Abdal Şah İsmayıl Xətainin yaxın dostu, müəllimi silahdaşı olub. 1515-ci ildə Şah İsmayıl Xətai Miskin Abdala öz möhürü ilə təsdiqlənmiş Şəhadətnamə vermişdir. Xətai öz dəsti-xətti ilə yazırdı ki, bu şair, yəni Miskin Abdal, öz ağlı kamalı ilə şahlığa layiqdir. Qədimdən müqəddəs ocaq kimi tanınan, yaşadığı Sarıyaqub kəndi isə Şax İsmayıl tərəfindən elə ocaq kimi təsdiqlənir ona bağışlanır ətrafdakı beş kəndin vergisi xüsusi fərmanla ona ayrılır. Hazırda Şah İsmayıl Xətainin imzaladığı həmin fərmanların əsli Göranboy rayonun Qaradağlı kəndində yerləşən, Miskin Abdal ocağında saxlanılır.

Şəmşir poeziyasının ikinci qaynağı atası Ağdabanlı Qurbanın öz yaradıcılığı, klassik ədəbiyyatla poeziya ilə onu erkən tanış etməsidir. Azərbaycan fars dillərini mükəmməl bilən, eləcə Şərq klassiklərinin şeirlərini, mütaliə edən Qurban, dövrünün sənətkarları arasında böyük nüfuz sahibi idi. Xüsusilə Aşıq Ələsgər onun savadına, bilik bacarığına yüksək qiymət verirdi. Bir-birlərinə yaxın dost olan bu el sənətkarları tez-tez görüşürdülər. Görüş məclisləri çox zaman Ağdaban kəndindəki Təkarmudun dibindən çıxan bulağın üstündə olurdu. Sonralar bu "Qurban bulağı" məclisi kimi formalaşdı. Aşıq Şəmşirin ilk ustadları da məhz atası Aşıq Qurban Aşıq Ələsgər olub. Aşıq Şəmşir sonradan onların yaratdığı "Qurban bulağı" ədəbi məclisinin gənc fəal üzvünə çevrilmişdir. Doğrudan da tez bir zamanda ozan-aşıq sənətində "Dədə" adını qazanmış bu ifaçı aşıq, həm geniş yaradıcılıq imkanlarına malik şair kimi xalq içərisində, ədəbi mühitdə şan-şöhrət sahibi olub: "1955-ci ildə onun həyatında dərin iz buraxan bir hadisə baş verir. Aşıq Şəmşirin həmin ilin yayında Kəlbəcərdə sevimli şairimiz Səməd Vurğunla görüşü tarixi bir hadisəyə çevrilir. Şairi qarşılayanlar arasında aşıq Şəmşir var idi. O, Səməd Vurğunu öz qoşma-şeirləri ilə salamlayır. Sonradan şairlər möhkəm dost olurlar Səməd Vurğunun təşəbbüsü ilə Aşıq Şəmşir Bakıya dəvət olunur Azərbaycan Yazıçılar İttifaqına üzv qəbul edilir. Səməd Vurğun aşıqdan xahiş edir ki, əlyazmalarını Bakıya gətirsin. Onun təşəbbüsü ilə Şəmşirin şeirlərinin külliyyatı hazırlanır. Saz-söz sənətində göstərdiyi xidmətlərə görə Aşıq Şəmşir, Əməkdar incəsənət xadimi fəxri adına layiq görülür, ordenlə təltif edilir".

Çıxışlardan sonra tədbir ədəbi-bədii hissə ilə davam edib.

 

S.QARAYEVA

 

525-ci qəzet.- 2019.- 15 noyabr.- S.9.