Qələmsiz yazılanlar
status-esseləri
İlham Əliyev Ermənistan rəhbərliyinə qarşı
bir həftədə ikinci dəfə sərt mövqe sərgilədi.
Bu dəfə MDB Dövlət
Başçıları Şurasının
iclasında çıxış
edən Prezident İlham Əliyev Ermənistanın keçmiş
rəhbərliyinin faşist
cəlladı Nijdeyə
6 metrlik heykəl qoymasını pisləyərək
Nijdenin kimliyi barədə rus mənbələrindən dolğun
sitatlar gətirdi, Ermənistanın bugünkü
rəhbərliyinin də
heykəlin götürülməsinə
biganə yanaşmasını
kəskin şəkildə
qınadı, MDB ərazisində
faşizmin qəhrəmanlıq
kimi təbliğinin yolverilməz olduğunu vurğuladı. Arqumentlər o qədər tutarlı,
çıxış o qədər
qətiyyətli oldu ki, dövlət başçılarının deyilənlərlə
razılaşmaması mümkünsüz
idi. Cənab Prezidentin hər fürsətdə Ermənistan
rəhbərliyinin iç
üzünü açıb
göstərməsi qətiyyətli,
əzmkar dövlət
başçısı imicinə
əlavə dividentlər
gətirməklə qürur
doğurdu.
***
Cənab Prezidentin son müşavirədə
söylədiyi "Mətbuat
bir növ daxili mübarizə növünə çevrilib"
fikri düşündürücü
və narahatlıq doğuran məsələdir.
Ayrı-ayrı məmurların media orqanları
yaratmaq istəyi geniş vüsət almasa da, əvvəllər
də olub. Keçmiş MTN-nin təsirində olan qəzetlər vardı. Onlarda dövlət məmurları,
nazirlər barədə
elə kompromatlar yayılırdı ki, oxuyan kimi bu
faktların media üçün
əlçatanlığı şübhə doğururdu.
Bu informasiyalarda xüsusi maraqlı dairələrin əl izləri aydın görünürdü. Mətbuat Şurası
bu qəzetləri
"qara siyahı"ya
salsa da, hansısa qüdrətli əl buna mane olurdu.
Yeni medianın
artmasıyla ayrı-ayrı
məmurların da sayt yaratması adi hala çevrildi. Çox da
böyük olmayan vəsaitlə yaradılan
bu yeni "media orqanları" sifarişçilərin
əlində çomağa
çevrildi. İndi,
az qala,
hər məmur özünə bir sayt açıb. Hadisələrə münasibətini özü müəyyənləşdirən
mətbuat orqanlarının
sırası daralıb.
Buna görə də cənab Prezidentin narahatlığını
bölüşür, məmur-oliqarxların
mediadan öz məqsədləri üçün
istifadə cəhdlərinin
məhdudlaşacağına ümid edirik.
***
Yalan olduğu
açıq-aşkar bilinən
xəbəri - dezinformasiyanı
yaymaq sənin özünə və ciddiliyinə şübhə
yaradır.
***
O, çox gözəl aldadırdı...
***
Kreativlik bəzən hoqqabazlığa
çevrilir.
***
Nuru Paşa
ilə Üzeyir bəy Hacıbəylinin missiyalarında oxşarlıq
çoxdur. Hər ikisini xatırlamaq
adamda qürur, güc və inam yaradır.
***
Bu filmin sonuna baxmışam...
***
Məcburiyyət sevgi yaradır?!
***
Bəstəkarlar İttifaqında Zemfira Səfərovanın "Azərbaycan
musiqi tarixi" çoxcildliyinin təqdimat
mərasimində bəstəkar
Sərdar Fərəcovla
görüşdük. Sərdar
müəllimi "Xalq
artisti" fəxri adı alması münasibətilə təbrik
edib, sevincimi bölüşdüm...
***
Nəvəm İpək iddialıdır!
Mənə mehribanlıq
göstərənə o dəqiqə
qətiyyətlə bəyanat
verir:
- ... Şad baba mənimdir!.. :)
***
Həmişə belə olub - tufandan, fırtınadan, tozanaqdan sonra sakit, təmiz hava gəlib. Dünənlə
bugün kimi...
***
Qonşudan piano səsi gəlir,
tanış musiqi dəfələrlə
təkrar olunur. Yadıma sala bilmirəm - bu dejavyumu, yoxsa uşaqlıqdan, ya hansısa bədii əsərdən, filmdən
beynimdə qalan səhnəmi?! Hər nədirsə hüzn yaradır...
***
Coşqu
genetikdir...
***
İnternetdə Uzeyir bəy Hacıbəylinin pianoda “Cəngi” ifa edərkən videosu yayılıb. Yeni tapıntı kimi
təqdim ediblər.
O gün AYB-də söz düşdü, rejissor Ramiz Həsənoğlu həmin
videonu Anar müəllimə göstərdi.
Anar müəllim gözucu baxıb dedi ki, bu
barmaqlar, bu çalğı Üzeyir
bəyin ifası deyil.
"Uzun ömrün
akkordları" filmini
çəkəndə Anar
müəllim videoxronikanı
çox araşdırıb
və Üzeyir bəyin musiqisinə də, ifaçılığına
da dərindən bələddir.
Anar müəllimin
fikri bu məsələdə də
ən etibarlıdır.
***
"Qonşudan qalma
dala" düşüncəsi
genimizdə və altşüurumuzda möhkəm
bünövrə qoyub.
***
"Qanun" nəşriyyatında
Anarın "Ağ liman" povesti kitab kimi nəşr
olunub. Şahbaz Xuduoğlu kitabı
mənə hədiyyə
elədi. Yadımdadır, əsəri ilk dəfə
11-12 yaşlarımda oxumuşdum.
İndi bir də oxumaq
istədim.
"Qələmsiz yazılanlar"da,
özümlə söhbətlərdə
belə bir məqam var: "Bilmirəm, mən xarakterimə uyğun əsərlər seçib
oxumuşam, yoxsa bu əsərlər mənim düşüncələrimə
təsir edib, formalaşdırıb?" Elə
həmin vaxtlarda sevə-sevə, dəfələrlə
oxuduğum, gözümə
təpdiyim "Martin İden"i
40 il sonra,
keçən il yenidən mütaliə edəndə də heyrətlənmişdim. Əsərdə unutduğum xeyli məqamlar oxuduqca yenidən yadıma düşürdü. İndi o hissələri
unutsam da, əsərin təlqin etdiyi ideyaların yeniyetməlik illərindən
düşüncələrimə hopub, xarakterimə təsir etdiyi, həyat amalıma çevrildiyi mübahisəsiz
idi. "Ağ liman"da da belə məqamlar
vardı və heç şübhəsiz,
yeniyetmə Rəşada
təsiri olmuşdu.
Görməmişliyin, riyakarlığın, yalanın qəhrəmanın
dilindən saf və səmimi ifşası, pislənməsi,
görünür, xarakterimdə
bu naqis keyfiyyətlərə qarşı
əvvəldən də
mövcud olan qəzəbi daha da artırmış, düşüncələrimə hopdurmuşdu.
İnsan xarakteri lap körpəlikdən
formalaşır. Uşaqlıq illərindəki müşahidələr, mütaliə
və mühit öz izlərini mütləq salır - nə uşaqlıqdakı
zədələr sağalır,
nə də əxz olunan yaxşı keyfiyyətlərdən
"can qurtarmaq" olur.
***
Havadan kitab ətri gəlir.
***
İctimai TV və AzTV necə
sürət götürüblərsə,
o biri telekanalları toz aparıb.
***
Yadda saxlamırsansa,
oxumağın və...
yaşamağın nə
mənası?!
***
İndiki
uşaqlar üç
dildə dil açır - hərəsindən
bir kəlmə...
***
Mən heç
vaxt “Azercell”ə xəyanət etmədim. Amma o, arada
şübhə yaradır
məndə. :)
***
Sizcə, bugün neyləyək?! Məsələn, İsi Məlikzadəni yada salaq.
***
Bütün dahilər elə biraz dəliyə oxşayır.
***
Hərə bir şlaqbaum qoyub, oturub yanında...
***
Qadınlardan yorulanda...
***
Akif Aşırlının rəhbəri
olduğu "Türk
ocağı"nın
təşkilatçılığı ilə Atatürk Mərkəzində professor Vilayət
Quliyevin Əhməd bəy Ağaoğluya həsr olunmuş kitablarının təqdimat
mərasimi keçirildi.
Tədbirdən sonra Fəvvarələr
bağına çıxdıq.
Yağmurlu havada günü
əbədiləşdirdik.
***
Deyir, qadınlar savadlandıqca doğmaq istəmirlər!
Ona görə də Avropada demoqrafik böhran yaşanır...
***
Əzmkarlar sonda həmişə qalib olur. Ən azı
Nəsimi kimi.
***
Deyir, adam danışmağa
da çəkinir. Ağzını açanda kimin
dəyirmanına su tökdüyünü, kimin
alətinə çevrildiyini
bilmir. Qarışıqlıqdır, yoxsa idarə
olunan xaos?!
***
Unutmaq istəyirəm, imkan vermirsən...
***
Sizin ki belə böyük
iddianız var, istedadınız aşıb-daşır,
bəs niyə statuslarınızı 6-7 adam bəyənir?! :)
***
Dörd
tərəfdən hücum
çəkən informasiyalardan
qaça bilmənin rahatlığı...
***
Oxumadığınız kitabları qaytarın...
***
Qadın
həmişə haqlıdır...
***
Təkrar danışmaqdan çəkinməmək
yaddaşın möhkəmliyi
təsəvvürünü yaradır. Təkrar biliyin anasıdırsa,
yaddaşın da atasıdır.
***
Bir adam bəs
edir xoşbəxt olmağa...
***
Deyirəm, Qadınlar yaxşılığı
unutmurlar, deyir, elə pisliyi də... :)
***
Mətbuat Şurasının təşkilatçılığı
ilə Bakı Nəqliyyat Agentliyində görüşdə olduq. Agentliyin sədri
Vüsal Kərimli xoş təəssürat
bağışladı. Sonra avtobusla şəhəri gəzdik, problemləri müşahidə və müzakirə etdik. Çətin və ağır bir iş başlayıblar. Şəhər nəqliyyatını tənzimləmək yolunda
Agentliyə hamılıqla
uğurlar arzulamaq və kömək etmək lazımdır.
***
Zaman mənasızcasına
uçub gedir... 30-u keçənlərdə elədir. Gənclərdə fərqli olar yəqin.
***
Səni
də sellər apardı, şair!..
***
Küləkdən şikayətlənmək haqqımız yox ki! :) Külək taledir -
Bakının və
bizim taleyimiz...
***
İzmirdə teatra gedən tək azərbaycanlı...
***
Kitabı almağınız və evdə saxlamağınız şərtdir, oxumasanız da olar. :)
***
Professor Niyazi Mehdi
"istedadlı yaşamaq"
ifadəsini işlətdi. Çox bəyəndim.
İzahını professor özü verməlidir yəqin.
:)
***
Ağlamağa, şikayətlənməyə həmişə
səbəb-bəhanə tapmaq
olar.
***
Bilirəm də nə danışacaqsınız...
***
Oktyabr Günəşi
də feysbuk dostları kimidir, etibar olunası deyil. :)
***
Deyilməmiş söz qalıb ki?!
***
Ölmək rəngini dəyişib itməkdir, xəbərsiz-ətərsiz
getməkdir.
***
Elə danışın
ki, dinləyənlər
yuxulamasın. Tıntınlara və nünüklərə
aid deyil. :)
***
Sadəlövhlər! Siz Ona dil çatdıra bilərsiniz?!
:)
***
Yaşılın saralsın! Belə
ifadə ( qarğış?)
var dilimizdə?! :)
***
Balaca ölkəyik. Kimin neylədiyini
hamı bilir.
***
Sonra yenidən kökələcəksinizsə,
heç arıqlamayın. :)
Rəşad
MƏCİD
Azərbaycan
Yazıçılar Birliyinin gənclərlə iş üzrə
katibi, "525-ci qəzet"in baş redaktoru
525-ci qəzet.- 2019.- 19 oktyabr.- S.9.