“Təyyarəmiz vətənə enəndə

həyəcanlanır və qəhərlənirik”

 

AVSTRİYADA YAŞAYAN AZƏRBAYCANLI MUSİQİÇİ ABUZƏR MANAFZADƏ: "KONSERTLƏRDƏ AZƏRBAYCAN MUSİQİLƏRİNİ HƏYAT YOLDAŞIMLA BİRLIKDƏ İFA EDİRİK"

 

Avstriyada yaşayan azərbaycanlı musiqiçi Abuzər Manafzadə ölkəmizi dünya arenalarında təmsil edən istedadlı gənclərdəndir.

 

Abuzər bəy karantin günlərində öz fəaliyyətini dayandırmır sevənləri ilə onlayn konsertlər vasitəsilə görüşür.

Canlı ünsiyyətin məhdudlaşdığı bu günlər biz onunla onlayn əlaqə yaratdıq.

Abuzər Manafzadə ilə müsahibəni təqdim edirik.

 

Vyana Musiqi Səhnə Sənətləri Universitetinin

Dirijorluq fakültəsinin ilk azərbaycanlı tələbəsi

 

- Atam - Azərbaycanın Əməkdar artisti, pianoçu İslam Manafov, anam piano müəllimi Şükufə Manafovadır.

Təbiidir ki, valideynlərin musiqiçi olması bir çox hallarda övladlara da öz təsirini göstərir.

 Anamla atam balacalıqdan bacım Turan Manafzadənin mənim musiqi duyumumuzun olduğunu hiss ediblər.

Məktəb çağlarında isə hər ikimizi Xırdalan rayon uşaq musiqi məktəbinə yazdırıblar.

- Bu günə gəlib çatana qədər hansı mərhələlərdən keçmisiniz?

- Musiqi məktəbində aldığımız təhsildən sonra İstanbula köçdük. Üç ildən sonra bacımla birlikdə Memar Sinan Universiteti Dövlət Konservatoriyasına imtahan verdik. Olduqca ağır çətin bir mərhələ idi. 400 nəfərin içindən həmin konservatoriyaya cəmi üç nəfər qəbul olundu, onların ikisi biz idik. Burada sırasıyla piano, bəstəkarlıq dirijorluq fakültələrində təhsil almağa başladıq. Türkiyədəki təhsilim bitdikdən sonra Vyana Musiqi Səhnə Sənətləri Universitetinin Dirijorluq fakültəsinə ilk azərbaycanlı kimi qəbul oldum. Həmin fakültədə Herbert fon Karayan, Klaudia Abbado, Zubin Mehta, Nikolaus Harnonkourt kimi böyük dirijorlar yetişib. Eyni zamanda Lins şəhərində Anton Brukner adına Universitetdə Fortepiano üzrə magistratura təhsili alıram. Bununla yanaşı, bir çox Beynəlxalq ölkədaxili müsabiqələrin laureatıyam.

 

"Azərbaycan xalqı ən istedadlı xalqlardan biridir"

 

- Bu gün Azərbaycan musiqisinin əvvəlki səviyyədə olmadığından çox gileylənirlər. Bəs, sizcə, klassik musiqi sahəsində vəziyyət yerdədir?

- Dünya səviyyəsində keçirilən konsertlərdən irəli çıxaraq deyə bilərəm ki, Azərbaycan xalqı ən istedadlı xalqlardan biridir. Bu gün Azərbaycanı dünyada tanıtmaq uğrunda çalışan gənclərimiz çoxdur. Ancaq bu yeni tendesiya deyil. Dahi bəstəkar Üzeyir Hacıbəyli maestro Niyazidən sonra davam edən bir ənənədir. Azərbaycanda Niyazi Tağızadənin sənətini davam etdirə biləcək layiqli ardıcılları da var. Hazırda insanlar elə zənn edirlər ki, klassik musiqiyə maraq yoxdur. Ancaq klassikaya yetərincə rəğbət göstərənlər var.

- Almaniya vətəndaşı olan həyat yoldaşınız Karen Danger musiqiçidir. Xanımınız Azərbaycan musiqilərini ifa edirmi?

- Karen musiqili teatrın aktrisasıdır. O, Azərbaycan musiqilərini çox sevir repertuarında həmin musiqilərə geniş yer verir. Dünyanın bir çox yerlərində verdiyimiz konsertlər zamanı Azərbaycan musiqilərini həyat yoldaşımla birgə ifa edirik.

 

"Dirijorsuz orkestr, orkestrsiz dirijor olmaz"

 

- Dirijorluq sənəti idarəetmə deməkdir. Səhnədə orkestrı idarə etməyin hansı çətinlikləri var?

- Bu idarəetmə sənəti insan əlaqələri ilə bağlı olduğu üçün, əslində, çox çətindir. Səhnədə təkbaşına olursan, 60 ya 120 adam sənin gözlərinə, əllərinə baxır. Bu mənada lider özəlliklərin olmalıdır. Bir zamanlar dirijorluq sənətində diktatura məsələsi var idi. Amma indi dünyanın heç bir yerində belə bir tendensiya yoxdur. Orkestr üzvləri ilə dost olmaq lazımdır. Çünki dirijorsuz orkestr, orkestrsiz dirijor olmaz. Düzdür, bəzi yerlərdə dirijorsuz orkestrlər olur, ancaq bunun da bir limiti var. Dirijor orkestr işi birlikdə çalışmaqdan ərsəyə gəlir. Fikirləri ortaya qoyanda konfliktlər yarana bilər. Ancaq bunları mümkün qədər aradan qaldırmaq lazımdır. Hər halda hər kəsin amalı həmin konserti yaxşı bir şəkildə tamaşaçıya təqdim etməkdən ibarət olmalıdır.

 

“Biz dünyanın hər yerində Azərbaycanı təmsil edirik

 

- Vətən həsrətinizi hansı musiqi sözlərlə ifadə edərdiniz?

- Artıq iyirmi ildir, vətəndən uzaqda yaşayırıq. Harda yaşamağımızdan asılı olmayaraq vətən hər zaman vətəndir. Hələ təyyarəmiz vətənə enəndə həyəcanlanır qəhərlənirik. Biz dünyanın hər yerində Azərbaycanı təmsil edirik. Yazdığımız, ifa etdiyimiz musiqilərdə vətən həsrəti muğam notları da əks olunur. Keçən il Kaliforniyanın Monterey şəhərində "Balaban simfonik orkestr üçün konsert" əsərimin premyerası keçirilmişdi. Həmin əsər balaban simfonik orkestr üçün yazılan ilk konsert idi. Onda Monterey şəhərinin küçələrini Azərbaycan bayrağı ilə bəzəmişdilər. Məncə bir musiqiçi üçün bundan böyük qürur ola bilməz.

 

"Arzuların sərhədi olmur..."

 

- Ən böyük arzunuz nədir?

- Mənə elə gəlir ki, arzuların sərhədi olmur. Bir musiqiçi kimi arzum dünyanın hər yerində konsertlər verməkdir. Bəstələrimin hər yerdə ifa edilməsi, tanınması Azərbaycan mədəniyyətinə əlimdən gəldiyi qədər töhfə vermək ən çox istədiyim məqamlardan biridir.

 

"Yaxşı sənətçi olmağın önündə əvvəlcə yaxşı bir insan olmaq dayanır"

 

- Atanız - Əməkdar artist İslam Manafov bir müsahibədə bildirib ki, övladlarıma ən birincisi sadə olmağı tövsiyə edirəm. Ata tövsiyəsinə dərəcədə əməl edirsiniz?

- Sənətdə ən çox ucalan şəxslərin hər biri sadə təvazökar insanlardır. Biz ana atamızdan bunları görmüşük. Necə deyərlər, ağac bar verəndə başını aşağı əyər (gülür). Musiqidə həm estetik, həm fəlsəfi cəhətdən fərqli baxış bucaqları var. Ona görə heç kim deyə bilməz ki, filankəs dünyanın ən yaxşı bəstəkarıdır, dirijorudur ya pianoçusudur. Həmişə öz-özünlə rəqabətdə olmalısan. Yaxşı sənətçi olmağın önündə əvvəlcə yaxşı bir insan olmaq dayanır.

 

"Musiqiçinin həyatı daha çox notlarla özü ilə baş-başa keçir"

 

- Artıq 4 ildir Avstriyada yaşayırsınız. Bu günlər karantin günlərini necə keçirirsiniz?

- Musiqiçinin həyatı daha çox notlarla özü ilə baş-başa keçdiyi üçün o qədər böyük dəyişiklik olmadı. Dəyişən bir tək konsertlərin dayandırılması oldu. Yenə onlayn konsertlər vasitəsilə insanlara dəstək olmağa çalışırıq. Hazırda evdə daha öncədən bitirə bilmədiyim işlərlə məşğul oluram. İnsanlara da tövsiyə edirəm ki, təkcə bu müddətdə yox, həmişə gigiyena qaydalarına əməl etsinlər. Hər şeyin qaydasına düşməyini yenidən öz işlərimizə qaldığımız yerdən davam etməyi arzulayıram...

 

Günel ABBAS

 

525-ci qəzet.- 2020.- 15 aprel.- S.17.