Gözlərinə

 

 

 

1995-ci ildə Kosovonun Prizren şəhərində doğulub. "Mələklərin qoxusu" və "Məçhul Şairə" adlı iki şeir kitabı var. İstanbul Universiteti Türk dili və ədəbiyyatı fakültəsindən məzun olub. Hazırda Marmara Universitetində magistr təhsilinə davam edir.

 

 

(gözlərinə - əqrəbsiz, yelqovansız

o gözəl saatlara)

Ağlama,

Damlamasın qəmzələrinə,

Hər gülüşündə uçub getməsin "zaman",

Qanadlarıyla hüznümü dağıdan bir quş.

 

Solumda yüklüdür sevda,

Yükdürmü bilmirəm amma

"Ömür"

mənzərənin ardından boylanan bir yoxuş.

 

Çoxdan töküldü ruhumdan bahar çiçəkləri,

Qovaq yelləriylə gəldi mənə qış.

sevməyə başlamaqla başladı yoxluq.

 

Gözlərinə, əqrəbsiz, yelqovansız

o gözəl saatlara,

Baxım əcəli gözlərkən

görüş vaxtını bilmədən

Ölüm kimi ayrılıqlar,

ayrılıq kimi ölümlər gəlmədən...

 

 

 

Canan ÖZƏR

 

525-ci qəzet.- 2020.- 19 dekabr.- S.19.