Polad Bülbüloğlunun 75 illik yubileyinə dost təbriki

 

Böyük sənətkar, böyük ictimai xadim, böyük diplomat, təkcə Bülbül ocağının deyil, həm Azərbaycan mədəniyyət incəsənətinin çırağı olan böyük dostumuz Polad Bülbüloğlu!

Uzun illər Sizi ailənizi yaxından tanıyan qardaşınız Çingizlə haqq-salamı olan dostlar adından 75 illik yubileyiniz münasibətilə təbrik edirik.

Tarixdə öz izini qoymuş, hər bir azərbaycanlının qəlbində özünə bir musiqi abidəsi ucaltmış Azərbaycan incəsənətinə gətirdiyi yeniliklərlə misilsiz xidmətlər göstərmiş atanız, korifey sənətkarımız Bülbül kimi Siz həyatınız boyu yenilik, müasirlik, inkişaf, daha uca zirvələri fəth etmək arzusu ilə yaşayıb çalışırsınız.

Çox sevinirik ki, Siz bu gün içimizdən gələn Vətən sevgisi, Vətən məhəbbəti, Qarabağ Şuşa həsrəti ilə çalışır, mübarizə aparır, qələbəyə inanır bu inamı başqalarına da təlqin edirsiniz.

Təkcə Azərbaycanda deyil, Azərbaycanın fövqəladə səlahiyyətli səfiri olduğunuz Rusiyada da, təmsil olunduğunuz beynəlxalq təşkilatlar da, getdiyiniz ölkələrdə , orada görüşdüyünüz insanlarla söhbətlərinizdə Azərbaycanın haqq səsini çatdırır bizi qələbəyə aparan yollara bir işıq tutursunuz.

Hörmətli Polad müəllim, Sizin 75 yaşın zirvəsindən geriyə boylanıb fəxr etməyə, gördüyünüz işlərdən qürur duymağa, Qarabağda qələbə arzusu ilə yaşamağa yazmağa, yaratmağa haqqınız var. Siz bu haqqı hələ 14 yaşlı yeniyetmə ikən böyük atanız Bülbüllə birlikdə Azərbaycan səhnəsini bölüşəndə, ilk bəstələrinizlə Azərbaycan dinləyicisinin qəlbini fəth edəndə, təkcə müğənni kimi deyil, həm mədəniyyət sahəsində böyük təşkilatçı kimi özünüzü təsdiq edəndə qazanmısınız.

Əzizimiz Polad müəllim, Sizin olduqca məhsuldar, rəgarəng, ibrətamiz, hər bir azərbaycanlı üçün gözəl nümunə olan şərəfli həyat yolunuz bizim nəslin gözü qarşısında keçib. Sizin hər bir uğurunuz sensasiya kimi qarşılanıb. Dahi bəstəkar Qara Qarayevin bəstəkarlıq məktəbini keçməyiniz , 28 yaşında "Əməkdar mədəniyyət işçisi" fəxri adını almağınız da, müxtəlif vəzifələrə, o cümlədən, Azərbaycanın Mədəniyyət naziri təyin olunmağınız da cəmiyyətdə geniş rezonans doğurub.

"TÜRKSOY"un rəhbəri kimi türk xalqlarının mədəniyyət tarixinin öyrənilməsində, bu xalqların öz kökünə, öz soyuna qayıtmasında xidmətləriniz böyük rəğbətlə qarşılanıb. "Kitabi Dədə Qorqud" dastanı əsasında yazdığınız artıq dünya səhnəsində oynanılan "Eşq Ölüm" ya "Ölümlə rəqs edən məhəbbət" baletinə tamaşa edəndə, hesab edirik ki, hamıdan çox sevinən biz dostlar olmuşuq. Bu təbrikə qoşulanlardan biri olaraq fəxrlə deyirəm ki, atam Xosrov Ağayev həmişə dostluq etdiyi atanız Bülbül haqqında xoş xatirələrini danışmaqdan yorulmurdu.

Əzizimiz Polad müəllim, biz Sizi bir ona görə çox sevirik ki, Siz Bülbül ocağının istisinin qorunmasında, yaradıcılığının öyrənilməsində təbliğində, onun adını daşıyan müsabiqələrin keçirilməsində öz ictimai missiyanızla yanaşı, həm övladlıq missiyanızı yerinə yetirmiş, sevimli ananız Adelaida xanımın qayğısını çəkmiş doğmalarınızdan - qardaş, ata dost nəvazişini əsirgəməmisiniz.

Sizin bu günlərdə Azərbaycan Respublikasının Prezidenti cənab İlham Əliyev tərəfindən dövlətimizin ən yüksək mükafatı - "Heydər Əliyev" ordeni ilə təltif olunmağınız isə bütün Poladsevərlər kimi bizi çox sevindirdi bunu tək Sizin yox, bütün ailənizin, Sizi sevənlərin mükafatı hesab edirik.

Əziz qardaşımız, Sizi həm yubileyiniz, həm bu yüksək mükafata layiq görülməyiniz münasibətilə ürəkdən təbrik edir, Sizə uzun ömür möhkəm cansağlığı arzulayır, Azərbaycan mədəniyyətinə verəcəyiniz böyük töhfələri, o cümlədən, "Qələbə" marşını yazmağınızı səbirsizliklə gözləyirik.

 

Hörmətlə,

Yaxın dostlardan - Professor Rafiq Əliyev, Rövşən Ağayev, Rafiq Əliyev, İsrafil Məmmədov, Rəhim Məmmədov, Səməd Bayramzadə, Şahin Rüstəmov

 

525-ci qəzet.- 2020.- 8 fevral.- S.16.