Azərbaycan əsgəri.

Yumruq oldu düşmənlərə nifrətin,

Aşıb keçdin səngərlərin, daş səddin.

Hədər getməz igidliyin, zəhmətin,

Sən qovmusan yurddan qəmi, kədəri,

Alqış sənə, Azərbaycan əsgəri!

Şuşadakı zilərində sevinc var,

Anaların üzlərində sevinc var,

Sevgilinin gözlərində sevinc var.

İllər keçdi, verdin bu şad xəbəri,

Alqış sənə, Azərbaycan əsgəri!

Vətənimin hər qarışı əzizdir,

Sevinən qəlb coşub-daşan dənizdir,

Amalların müqəddəsdir, təmizdir.

Halallıqla qazandın bu zəfəri,

Alqış sənə, Azərbaycan əsgəri!

Xan Qarabağ, üzün gülsün beləcə,

Doğma torpaq, üzün gülsün beləcə,

Vüqarlı xalq, üzün gülsün beləcə,

Dastan oldu igidlərin hünəri,

Alqış sənə, Azərbaycan əsgəri!

Şahlar İSMAYILOV

525-ci qəzet.- 2020.- 17 noyabr. - S.15.