Onlarla
həmişəlik qalacaq damğa
Başqasının bədbəxtliyi
üzərində xoşbəxtlik qurmaq mümkün deyil
və müvəqqəti ayaq tuta bilən yalan kimi bir
özgəsinin faciəsi bahasına qazanılmış sevinc
də yalnız keçəri ola bilir.
Həyat bunu saysız dəfə sübut edib - haram şadlıqdan axıracan yarıyanı tarix tanımır. Gec-tez etdiyin mərdimazarlıqlar hökmən
lülək-lülək burnundan gəlməlidir!
Yox,
İkinci Qarabağ savaşında Ermənistanın
darmadağın edilərək diz
çökdürülməsi onun indiyədək
Azərbaycana və insanımıza qarşı törətdiklərinin
cəzası deyil.
Əsl
cəza saatı hələ qarşıdadır və
həmin müdhiş saat Ermənistan və ermənilik
üçün vaxtaşırı, səngimədən
illər boyu dəfə-dəfə gələcək.
27 illik
əsarətdən sonra yenidən qovuşduğumuz
Ağdamı, Füzulini, Zəngilanı, Cəbrayılı,
sıra-sıra kəndlərimizi yalnız bizimkilər deyil,
xarici jurnalistlər də görərkən
qarşılarındakı viranələrin
oyatdığı sarsıdıcı təəssüratdan
heyrətlənməyə bilmirlər.
Nə 27-28 il əvvəlki
Birinci, nə də ki, 2020-nin payızındakı İkinci
Qarabağ müharibələrində bu yerlərdə elə
sürəkli və şiddətli döyüşlər
getməmişdi ki, nüvə partlayışlarından
sonranın təsəvvürünü oyadacaq qədər
belə qorxunc xarabalıqlar əmələ gəlsin.
Ermənilər
işğal illərində bu YERLƏRLƏ dayanmadan
döyüşüblər.
Üz-üzə
dayanıblarmış - bir tərəfdə
quduzlaşmış silahlı erməni quldurları, digər
tərəfdə təklənmiş, insansız
şəhərlərimiz, kəndlərimiz.
Oğurlaya,
talaya bildiklərini sümürüb qurtarandan sonra
ağına-bozuna baxmadan hər şeyi
partladırlarmış, dağıdırlarmış, guya
artıq özlərinin hesab etdikləri Dağlıq
Qarabağla Azərbaycanın digər əraziləri
arasındakı zəbt olunmuş torpaqları ölü
zolağa çevirirlərmiş.
Daha heç bir zaman, yaxud onların
özlərinin lazım bildikləri vaxtacan insansız,
həyatsız, əkin-biçinsiz qalmalı həyula
məskən, vahiməli ada doğururmuşlar!
Belə
doğa bilmək yalnız iblisin xislətindədir.
Divarın o tayında bu cür
bədheybət matəmgah yaradaraq divarın bu
üzündə heç nə olmayıbmış kimi rahatca
yaşamaq - sevişmək, bala böyütmək, kitab oxumaq,
vaxtaşırı əllərini göyə açaraq
Xaliqdən səadət diləmək, Pərvərdigardan
hansısa işlərinin avand olmasını arzulamaq yalnız
riyakarların ən riyakarının, ruhu irinli,
mənəviyyatı çürük xəstələrin
ağlına gələ bilər.
Gözəl dünyada hər
çeşid eybəcərliyə də rast gəlinir - olsun
ki, tək-tək adamlar, lap bir neçə adam belə rəzil kökə düşə bilər.
Bəs
yüzlər, minlər bu azara tutulanda və belə
olmaqlarıyla öz xalqlarını da alçaldaraq hər
kəsdə elə onların hamısının biz bezin
qırağı olmaları qənaətini yaradanda nə
edəsən, neyləyəsən?!
Biz hələ də inanmaq, ümid
bəsləmək istəyirik ki, xeyr, bunca kütləvi
yoluxma ola bilməz, aralarında sağlamları da var.
Həmin
səbəbdən də gələcəkdə
hansılarısa bizimlə qalıb yaşamaq
istəyəcəksə, onlara ləyaqətli həyat boyun
oluruq.
Məhz
insana layiq, insanı insan yerinə qoyan rahat mühit
içərisindəki həyat.
Axı onlar indiyədək
yaşadıqları həyatdan, ən azı bu son 30
ilədək sıxıntılı, güzəranlarından,
gözükölgəli dolanışıqlarından,
zülmə, təhqirlərə danışıqsız tabe
olmaları səbəbindən yaxşı bilirlər ki,
ləyaqətsiz yaşamaq nə deməkdir.
Dünyada o qədər
müharibə edənlər olub ki... Müharibə aparıblar, sonra
zamanı gəlib, barışıq da yaranıb, sülh
də bağlanıb, bərabər, iç-içə
də yaşayıblar. Amma onlar
müharibəni də adam kimi aparıblar,
barışmağa üz qoyublar.
Prezident İlham Əliyev kimi qurucu
təbiətli insanlar dünyaya məhz elə bu təyinatla
da gəlirlər - tikmək, ucaltmaq, daha abad etmək,
gözəlliklər üstünə gözəlliklər
artırmaqçün! Dahamüharibələr aparmaqdan ötrü yox. Amma
vətən təhlükəyə ürcaholanda elə
sabahkı quruculuqların naminə düşmənləri
qətiyyətlə yerində oturtmaq qüdrətini də belə
şəxsiyyətlərə Əlahəzrət Zaman
özü həvalə edir.
Müdrik
sözə qulaq asmaqda həmişə fayda var. Lap zəqqutum
kimi acıdırsa da, onda sənə xeyir olanı duyacaq
qədər dərrakən varsa, gərək
nəticələr çıxarasan, dərs alasan.
İkinci
Qarabağ müharibəsi başlanandan, zəfərimizlə
bitib, sevinclərimizlə davam edən günlər boyunca
Prezident İlham Əliyev mütəmadi millətimizə
və dünyaya səslənir, hər çıxışında
da sonra ətrafında saatlarla, günlərlə
düşünməli mətləblərə toxunur.
Düşmən olanda nə olar -
dinləməyinə onsuz da bizdən də diqqətlə
izləyirsiniz, barı öz xatirinizə
eşitdiklərinizdən nəticə də
çıxarın, ibrət də götürün. Əslində,
Prezident İlham Əliyevin nitqlərinin,
müsahibələrinin, müraciətlərinin hər
birində Ermənistan və ermənilik üçün
düçar olduqları köhnə və dərinə
kök atmış mərəzlərdən müalicə
olunmaqdan ötrü çoxlu ciddi reseptlər var.
Dübbədüz demirmi ki, sizi
içəridən məhv edən,
cılızlaşdıran, gələcəksizliyə
məhkum qılan bitib-tükənməyən kininizdir:
"Baxın, dünyada nə qədər
müharibələr olub. Elə
bu son 100 ili, 200 ili götürün. Nə
qədər insanlar həlak olub müharibələrdə. Kim bu ədavəti, kim bu
kini-küdurəti yaşadıb öz ürəyində
illərlə? Kim öz uşaqlarını nifrət hissi ilə
böyüdüb?
Sovet İttifaqı Almaniya ilə
müharibə zamanı on milyonlarla insan itirib, 10 il, 20 il keçəndən sonra artıq barışıq
olub. İndi
Rusiya ilə Almaniya arasındakı münasibətlər
normal inkişaf edir. Avropa
ölkələri özləri. Fransa
İtaliya ilə nə qədər müharibə aparıb. Almaniya
ilə Fransa nə qədər müharibə aparıb. Hansı
ölkənin xalqı bu nifrəti öz ürəyində
yaşadır, bunu, necə deyərlər, alovlandırır?! Bax budur
Ermənistanı bu günə salan. Onlar
bütün öz bəlalarında özləri
günahkardır".
20 ildir -
2001-ci ilin yanvarından, Avropa Şurası Parlament
Assambleyasına üzvlüyümüz başlanandan tez-tez
yola düşdüyümüz Strasburq bizimçün
məhrəm bir şəhərə çevrilib.
Oralara
səfərlərimizin eləsi yoxdur ki, hər gün
Ermənistanın Azərbaycana təcavüzü, Qarabağ
məsələsi əsas söhbət mövzumuz olmasın.
Qədim,
göyçək Strasburq görünüşü və
tarixi taleyi ilə də həmişə insanı elə bu
səmtdə düşünməyə sövq edir.
Bugünkü
Fransanın iki əyaləti - Alzas və Lotaringiya uğrunda
son 3 əsrdən artıq müddətdə qızğın
müharibələr aparılıb. Bu yerlər gah
Fransanın əlinə keçib, gah Almaniyanın
ixtiyarında olub. Alzasın
baş şəhəri Strasburqda elə binalar var ki,
onların inşası bu yerlər almanların əlində
olanda başlanıb. Müharibə
düşüb, fransızlar qələbə qazanıb. Almanların tikməyə başladığı
binanı uçurmayıblar, bir az da
səliqə ilə tamamlayıblar. Və neçə dəfə
əksinə olub.
Bu gün
Strasburq aralarında sərhəd dirəkləri olmayan Almaniya
ilə Fransanı qovuşdurur. Hər ikisi
üçün əzizdir və Strasburqdan Almaniyaya tramvay
xətti açılıb. Kimi orada
yaşayıb, burada işləyir, kimisi burada yaşayır,
ofisi oradadır. Zamanında
babaları buraları dağıtmış olsaydı, sonrakı
nəsillərə ədavəti, nifrəti yadigar qoysaydı,
bugünkü mehribanlıqdan da əsər-əlamət
olmazdı, indi göz oxşayan çox memarlıq
abidələri də yox olub gedərdi.
O 300 il müharibə edə-edə
ən barışmaz döyüşlərin cərəyan
etdiyi məkanları sabaha zədəsiz, dağıntısız
təhvil verməyi bacarmış 2 ənənəvi
yolagetməz - Almaniya və Fransa, bu da 30 il ərzində
qəsb etdiyi Azərbaycan şəhər və
kəndlərini cəhənnəmə döndərmiş
Ermənistan.
Bunların indiyədək xaraba
qoyduqları bir yana, hazırda əllərinə son
fürsət düşəndə də yandırıb,
söküb, dağıdıb, məhv edib gedirlər.
30 ilə yaxın müddətdə
özünün tikmədiyi, zəbt etdiyi ərazidəki
azərbaycanlının evində yaşamış erməni
gedəndə də azərbaycanlılara qalmasın deyə
elə azərbaycanlının tikib qurduğu
mülkə od vurur.
Həm
də bunu xəlvəti etmir. Kameralar
çəkir, yazır və o da bu əməli haqqında
fəxrlə, ağzı
köpüklənə-köpüklənə
danışır.
Sağlam adam,
ümumən insan olan belə edərmi?!
Bilmirəm
görəniniz, oxşar hadisəylə
qarşılaşanınız varmı? Uşaqlıq
illərimdə şahid olmuşam - qonşumuzun
inəkləri vardı, südü də onlardan alardıq,
bir gün həyətlərindən həyəcanlı
səs eşidib ora axışdıq. Xəstəliyə
tutulmuşdumu, zədələnmişdimi,
zəhərlənmişdimi, -nə idisə, inək halsız
yerə uzanmışdı, balası da yanında idi və
sanki həyatının sonunun çatdığını
duyan heyvan kədərlə, yəqin ki, tezliklə
ayrılacağınu hiss etdiyi, bir daha görə, yalaya,
qısıla bilməyəcəyi balasına baxırdı
və gözlərindən yaş gəlirdi.
Nə
bilirik axı başqa canlıların bundan da
riqqətoyadıcı hissləri yoxdur?!
Baxılması nə qədər
üzücü olsa belə, bu foto və videolar nəşr
edilməli, yayılmalı, filmlərdə, kitablarda əksini
tapmalıdır: ermənilər işğal altındakı
əraziləri tərk edirlər, yaxşı
yır-yığış edə bilməkçün
əlavə 10 gün vaxt istədikləri (və
aldıqları) Kəlbəcərdən ayrılırlar
(özləri burada azərbaycanlılara doğma
ev-eşiklərini tərk etməkçün 27 il əvvəl 10 saat vaxt qoymuşdular. Hərçənd
bir çox yerlərdə saat nədir, heç göz
açmağa imkan verməmişdilər), yandıra,
dağıda biləcəkləri hər şeyi məhv
edirlər. Tutalım, bunlar
cəhənnəm, zatınızı,
düşmənçiliyinizin ifrat həddini, məkrinizin
aşıb-daşan şiddət dərəcəsini onsuz da
əvvəldən bilirdik, indi yaxından seyr edərək bir
az da dərindən anladıq; Yaxşı, bəs
dilsiz-ağızsız binəva heyvanların günahı
nədir, onları niyə güllə ilə vurub,
zəhərləyib, alışdırdığınız
tövlədə diri-diri yandırıb
öldürürsünüz?! Apara bilmirsiniz, açın
buraxın, qoy hara gedir-getsin, axı onlarada həyatı,
sizə olan kimi, Tanrı verib. Nə
haqqınız var onların əlindən həyatı bu
cür amansızlıqla alırsınız?
Bu
mənzərələri bu günlərdə
ürəyinizdən qara qanlar axa-axa hamınız
görmüsünüz və tarix, insanlıq bunları
unutmamalıdır. Bunun
adı sadədir: adi faşizm!
Hər sözünün
çəkisi olan, hər kəlməsinin ardında
danılmaz həqiqətlər dayanan Prezident İlham
Əliyev işğalçı Ermənistana və
erməniçilik haqqında səbəbsiz yerə belə
demir axı:
"Görün biz kimlərlə üz-üzə idik
və biz kimi məğlub etmişik?
Bu,
təkcə ərazi bütövlüyümüzün
bərpası deyil, erməni faşizminin belinin
qırılmasıdır. Biz
bölgəni erməni faşizmindən xilas etdik,
dünyanı erməni faşizmindən xilas etdik. Amma
baş qaldıra bilər. Ancaq biz imkan
verməyəcəyik. Hər kəs
bunu bilsin.
Əgər erməni faşizmi bir
də baş qaldırsa, əgər bizə qarşı
hər hansı bir təxribat törədilərsə, on
qatını alacaqlar, on qatını və heç kim bizi durdura bilməz".
Erməniliyin
bu üzünü, belə faşistanə
işləklərini aləmə yaymaq lazımdır ki,
dünya görsün və bilsin.
Ona
görə yox ki, bizim illərcə necə qəddarlarla
qarşı-qarşıya qaldığımıza bir daha
şahid olsunlar, bunları görərək haradasa bizi
müdafiə edəcək kəlmə kəssinlər.
Onsuz da
indiyəcən onlardan bunu görmədik, heç bundan sonra
da ehtiyacımız yoxdur. Həyat
bizə haqlarımızı özümüzün
müdafiə etməyimizi, həm də sadəcə
müdafiə yox, ədalətsiz maneələri
aşa-aşa qorumağı öyrətdi.
Dünyanın
bütün bunları görüb-bilməyini ona görə
istəyirik ki, yazıqdırlar, qoy ermənini yaxşı
tanısınlar və ehtiyatlı olsunlar, dava-dərmanı
olmayan bu taundan özlərini qorusunlar. Bilsinlər ki, bu gün qılıqlarına girib
onlardan dəstək alan məzlum cildi geymiş həmin
tayfanın hər hüceyrəsində əzazillik,
qansızlıq, namərdlik dövr etməkdədir.
Xatırlayıram 1988-ci ili. Qərbi Azərbaycandakı dədə-baba
yurdlarımızdan qaçqın düşmüş,
evindən bir çöp də götürməsinə macal
verilməmiş, nazik ev geyimində qarlı dağlar
aşaraq canını zorla qurtarmış ahıl bir kişi
müsibətini nağıl edir və son sözlərini
deyəndə gözləri dolur, qəhərlənir.
O əhvalatı mən 1993-cü
ildə ilk sayı işıq üzü görmüş
"Azerbaijan international" jurnalında dərc edilən
"Qaçqınların qışı" adlı
yazımda da vermişdim. Həmin zavallı qaçqın evindən nəsə
götürə bilmədiyinə heyifsilənmirdi,
əksinə, şükür edirdi ki, heç olmazsa
ailəsi ilə birgə düşmənin caynağından
salamat qurtula bilib. Onu
qüssələndirən bu idi ki, qaçaqaçda
həyəcanlı olub, özünü itirib və vacib bir
işi unudub: "Həyətdə itimiz zəncirlə
bağlanmışdı. Onu açıb buraxmaq yadımdan
çıxdı". Belə deyir
və səsi qırılır, kövrəlir.
Bu, bizim ürəyimizdir, bir millət
olaraq bu bizik - bir heyvanın da dərdinə həmdərd
çıxaraq ağlamağı bacaran mərhəmətli
millət, insan kimi insanlar!
Onlar da ki, onlardır!
Azərbaycan
insanı torpağa həmişə bağlı olub,
həmişə torpağı müqəddəs bilib,
"lövbər atdığı" yer-yurdundan da,
məcbur qalmasa, heç vaxt öz xoşu ilə
ayrılmayıb.
Prezident İlham Əliyev milləti
ilə növbəti dərdləşməsində -
noyabrın 20-də, bəxtəvər bir gündə,
Ağdamın işğaldan azad olunması
münasibətilə xalqa müraciətində çox
mühüm və millətimizin sabit mənəvi dəyərlərindən
olan məqama toxundu:
"Nə Cəbrayılda, nə
Füzulidə bir dənə də salamat bina qalmayıb.
Mən
orada, o dağıntılar arasında Azərbaycan xalqına
müraciət edərək demişdim ki, biz bu torpaqları,
bu şəhərləri, bu kəndləri bərpa
edəcəyik. Ermənilər
hesab edirdilər ki, bu dağıntılardan sonra heç vaxt
Azərbaycan əhalisi bu torpaqlara qayıtmayacaq. Səhv
etdilər. Onlar bilmirlər ki, Azərbaycan xalqının
ürəyində - bizim xalqımızın qəlbində
doğma torpaqlar əbədi yaşayır və yaşayacaq. Bizim
bütün köçkünlərimiz bu illər
ərzində bir arzu ilə yaşayıblar ki, öz doğma
torpaqlarına qayıtsınlar, dövlətin dəstəyi
və köməyi ilə orada özləri üçün
yeni həyat qursunlar".
Dövlət
başçımızın ifadə etdiyi və hər bir
azərbaycanlının qəlbinə yaxın olan bu
gerçəyin, torpağa məhəbbətin və doğma
yurda bağlılığın necə ülvi duyğu
olduğunu erməni heç vaxt dərk etməz. Ona
görə anlamaz ki, bu hiss onlarda təməldən yoxdur. Nə
torpaqları, nə vətənləri olub. Elə
qaraçılar kimi burdan ora, ordan bura köç
etməklə dolanıblar. Ancaq
qaraçılardan fərqli olaraq, ayaqları dəyən,
döşlərinə yatan hər yerə tamah salıblar,
"buralar minillər qabaqdan bizimkidir"
söyləyiblər, yalanlarına özlərini də
inandırıblar, başqalarını da inandırmağa
çalışıblar.
Elə ona
görə də bizi öz arşınları ilə
ölçərək bu xülyadaymışlar ki,
azərbaycanlılar daha altı üstünə
çevrilmiş yerlərə geri dönməzlər.
Onlar Şəhriyarın bu
misralarının hər azərbaycanlının dilində
niyə and kimi səsləndiyini özlərində
bilmərrəhəqiqi doğma torpaq, gerçək Ana
Vətən duyğusu olmadığından heç vaxt anlaya
bilməzlər:
Vətən eşqi
məktəbində
can verməyi öyrənmişik,
Ustadımız deyib:
"Heçdir
vətənsiz can", Azərbaycan.
Prezident İlham Əliyev milləti
millət edən belə ümdə dəyərlərdən
ermənilərin agah olmadıqlarından Azərbaycanın
gücünü də dəqiq qiymətləndirə bilmədiyini
çox sərrast müəyyənləşdirib:
"Əgər Azərbaycan Ermənistanı
döyüş meydanında məğlub etməsəydi,
Ermənistan öz xoşu ilə bizim torpaqlarımızdan
çıxmayacaqdı.
Bilmirdilər
ki, bizi o Qələbəyə aparan həm
gücümüzdür, texniki təchizatımızdır,
həm də mənəvi ruhumuzdur.
Bilmirdilər
ki, Azərbaycan xalqı bütün bu illər ərzində
bir arzu ilə yaşayır ki, öz dədə-baba
torpağına qayıtsın".
İndi
erməniləri axın-axın Xankəndiyə
gətirirlər. Məhz
gətirirlər, özxoşuna gəlmirlər. Gətirirlər
ona görə ki, hələ başbilənlərinin
iltihablı beyinlərində sabahla əlaqədar nəsə
xam xəyallar tamam sönməyib. Amma haranın
yaşamaq üçün əlverişli, ya əlverişsiz
olduğunu ömrü boyu mənimsədiyi
vərdişlərdən iy bilirmiş kimi tez hiss edən,
sərfəli olmayan yerdə qərar tutmayaraq
əlüstü yeni vətən axtarışına
çıxan sadə ermənilər buralarda bir müddət
candərdi qalsalar da, yavaş-yavaş başlarının
çarəsini qılacaqlar. Gözləməyə
adətkərdə olan bizlərçün 5-6 ili yola
vermək nədir ki!.. Asta-asta vasil olacaqlar getməli olduqları yerlərə.
Bizlərinsə dodaqlarımız o
yanıb qaralmış torpaqlarımızı
öpməkçün təşnədir!
Məcburi
köçkünlərimizin 30 ilə çatan əzablı
illər boyunca həsrətini çəkdikləri yurdlara
necə qayıdacaqlarına cavab olacaq bir hekayət var.
1993-cü ilin payızında,
bir-birinin ardınca gələn işğal soraqlarının
sızıltısını yaşadığımız günlərdə
unudulmaz alimimiz Əziz Mirəhmədov mənə az öncə ona Türkiyədə
bağışlanmış bir kitab verdi. Bu,
əslən Azərbaycandan olan Ələddin
Məhəmmədoğlunun şeirlər toplusu idi. Ön
sözünü və şeirləri oxuyunca təsirli bir
ömür novellası ilə qarşılaşdım.
Müəllifin
atası 1918-ci ildə Anadoludan Azərbaycana gələn
xilaskar əsgərlərdənmiş. Gəlir,
qəhrəmanlıqla döyüşür və sevdaya
düşür. Bir
azərbaycanlı qızla evlənir. Sonra
Cümhuriyyət devrilir, yollar bağlanır və Əli
oğlu Mehmət İzmir vilayətinə, Aydın
sancağına, Bozdoğan qəzasına, Asma
köyünə daha heç vaxt qayıda bilmir.
Və günlərin birində
ölüm yatağında olan ana yeganə oğluna 55 il ürəyində gizli saxladığı sirri faş
edir ki, sənə zərər toxunar deyə uşaqkən
itirdiyin atanın əslində, kim olduğunu heç vaxt bildirməmişəm. Amma indi son
nəfəsimdir, sənə həm həqiqəti
söyləyirəm, həm də vəsiyyətimi edirəm. İstəyirəm
yollar açılanda gedib Türkiyədəki
əqrəbanı tapasan.
1988-ci ilin sonlarında SSRİ-də
siyasi iqlimin yumşalmağa üz qoyduğu, Türkiyə
ilə get-gəllərin başladığı
çağlarda artıq alim, institut müəllimi olan
Ələddin Əliyev anasının anlatdığı
ünvanı soraqlayır, tezliklə əlaqələr də
yaranır və o, 4 övladını da
götürərək ata yurduna səfərə
çıxır.
İzmirdə
onu elə bir zamanlar buradan Mehmət Əfəndini yola
saldıqları hərarətlə qarşılayırlar,
söyləyirlər ki, onu şəhid olmuş
sayırdıq, 70 ildir ki, həmişə
"Fatihə"lərimizlə anırıq.
Və Ələddin
Məhəmmədoğlunun kükrəyən
duyğularının əks-sədası olan "Salam, baba
yurdum" kitabındakı ilk şeir ata ocağı ilə
görüş haqqında idi:
Kirpiyimlə köz
götürdüm,
Hər yetəndən söz
götürdüm
Bircə səni görmək
üçün,
Ata yurdu.
Həsrətinlə
alışıram,
Neçə ildir
çalışıram
Sənə salam vermək
üçün,
Ata yurdu.
Bir gör neçə nəvən
gəlib,
Candan artıq sevən gəlib
Səndə ömür sürmək
üçün,
Ata yurdu.
Bu cahana xoş gəlmişik,
Bir getmişik, beş gəlmişik
Torpağını öpmək
üçün,
Ata yurdu.
İndi bu misraları oxuyuram və
mənə elə gəlir ki, bu sözləri bitməz kimi
görünən hicranlardan sonra elə doğma
Şuşasına, Ağdamına, Füzulisinə, Cəbrayılına,
Zəngilanına, Laçınına,
Kəlbəcərinə, Qubadlısına qayıdanlar deyir.
Və aradan 27-28 il keçib. Gedəndə bir olanlar beş olub qayıdırlar. Oğullu-uşaqlı,
nəvəli-nəticəli qayıdırlar. Ata yurdundan aralıda doğulmuş övladları
gətirirlər ki, illərcə onlara şirin nağıl
kimi söylədiklərini balalar özləri duysunlar, bu
torpağın üstündə ayaqyalın gəzib onun
hərarətini canlarına hopdursunlar, buraların
havasını udsunlar, suyunu içsinlər, bu torpağın
yavrusu olmağın əlifbasını
mənimsəsinlər və əl-ələ verib yaralara
məlhəm qoymağa başlasınlar...
Bəzən
insanlarımız narahatlıq keçirirlər ki, axı
nədən ermənilərin haqsızlığı gün
kimi aydın olduğu halda dünyada onlara bu qədər
havadar, müdafiəçi tapılır,
əsəbiləşirik ki, külli-aləm niyə bizim
haqqımızı qoyub onların nahaqını tutur?
Çünki
binədən bunlar belə olublar, ta
keçmişlərdən ermənilik də qədim
peşənin məxsusi növü kimi özünü
təsdiqləyib, bunlar şəbəkə qurublar, qarmaq
atıblar, yağlı dillə, rüşvətlə,
hiyləylə, hər millətə sırıdıqları
qadınlarıyla çoxlarını torlarına salaraq
öz məqsədlərinə xidmət etməyə
yönəltməyi bacarıblar.
Amma
hər şərin də bir puçolma məqamı var
və ermənilik artıq gəlib yetişib həmin iflas
fəslinə.
Ermənilərə
yox yerdən dövlət düzəldilmişdi, ərazi
verilmişdi, tarixin qızıl nimçəsinin
içərisində əllərinə müstəqillik kimi
bir qiymətəsığmaz sərvət keçmişdi.
Müstəqil ola bilmədilər. Ola da bilməzdilər. Çünki
müstəqillik kimi ali nemət, Prezident İlham
Əliyev demiş, "mələyə-mələyə,
sürünə-sürünə onun-bunun ətəyindən
yapışanlar"a, "Mənə kömək edin"
yalvarışlarını "ideologiyasının əsas
prinsipi"nə çevirənlərə yar olmaz.
Onsuz da çoxdan elə sözdə
müstəqil olan, vassal olduğunu haçandır ki, etiraf
etmiş, indi isə düşdüyü burulğanda
çabalaya-çabalaya əldəqayırma
müstəqilliyini də itirməyin astanasında vurnuxan
Ermənistan Prezident İlham Əliyevin belə əzici
ittihamlarının qarşısında
cınqırını çıxara bilmirsə, elə
ölüb yerə girmişkən varsa, bəlkə elə
Azərbaycan dövlət başçısının
məsləhətinə qulaq asaraq bayrağı ilə
bağlı tədbir görmək barədə
düşünsə yaxşıdır:
"Bu
ideologiya ilə hansı xalq inkişaf edə bilər?
Elə bil
ki, bütün dünya bunlara borcludur. Müstəqil
ölkəsən, müstəqil ölkə kimi yaşa. Müstəqil
ölkə kimi yaşaya bilmirsən, get başqa
ölkənin tərkibinə gir. Endir
o bayrağı dirəkdən, bük qoy cibinə, get
başqa ölkənin tərkibində yaşa".
... Arxada qalan 30 ilə yaxın
müddətdə Qarabağ camaatı indi azadlığa
çıxmış yerlərimizdə olsaydı,
gecə-gündüz torpaqla əlləşəcəkdi.
Əsrlər boyu
dədə-babalarının etdikləri kimi bu torpaqları
yaşadacaqdılar, bu torpaqlarla danışacaqdılar,
əkib-becərəcək, gen düzlərdən
əllərinin bəhrəsini, bar-bərəkət
yığacaqdılar.
Ermənilər
də bekar qalmayıb. Onlar da
27 il boyunca durmadan əkiblər.
Ölüm əkiblər,
fəlakət basdırıblar!
Sabah insan
ayağı dəyə biləcək hər bucağa
şitil kimi ucdantutma minalar yerləşdiriblər.
Artıq
neçə gündür ki, döyüşlər
dayanıb, noyabrın 10-dan bəri Qarabağ
cəbhəsindən atəş səsləri gəlmir. Amma minalar
partlamaqda davam edir və müharibədən salamat
qurtarmış, qalib çıxmış
əsgərlərin, dinc insanların canını alır.
Bu gözəl yurdların üstünü
viran qoymuş ermənilər yerin altını da urvatdan
salıblar, hər an baş qaldıra biləcək
ölümlərlə doldurublar.
Söz
yox, bunun da çarəsi tapılacaq. Bəziləri
guya buraları ermənilərin basdırdığı
saysız minalardan təmizləyib başa
çıxmaqçün azı 5-10 il lazımdır
deyirsə də, müasir qabaqcıl texnoloji
vasitələrlə bu erməni fitnəkarlığına da
lap qısa vaxtda əncam çəkiləcək,
torpağımızın üstü kimi, altı da erməni
murdarlıqlarından xilas ediləcək.
Amma
Ermənistan və ermənilik üçün minalar
hələ çox uzun zamanlar boyu partlamaqda davam
edəcək.
Çünki
artıq onların üstündə damğası var.
Elə bir
damğa ki, daha nə qədər sular axıb keçə, o
damğanı silə bilməz.
Noyabrın 10-dan, Ermənistanın təslim sənədini imzalamasından sonra savaş dayanıb. Amma əslində, müharibə əvvəlkindən
qat-qat şiddətlə davam edir.
Prezident
İlham Əliyevin hər çıxışı
Ermənistanın və erməniçiliyin başına
yağdırılan ən öldürücü, ən
dağıdıcı raketlər, mərmilər kimidir. Azərbaycanın
Baş sərkərdəsinin qalib hökmü ilə dediyi bu
sözlərin yükünü çəkmək
ağırdır, çox ağırdır, qanan
üçün ölümdən də betərdir. Ən əvvəl ona görə ki, bunlar elə
həqiqətlərdir, ermənilərin boynundan asılı
elə boyunduruqdur ki, daha onlardan qaçıb qurtarmaq
mümkünsüzdür:
"Ermənistan bu 30 ilə yaxın
müddətdə müstəqil ölkə ola bilmədi, bu gün də müstəqil deyil. Ermənistan
faktiki olaraq müstəmləkədir. Bu idimi
erməni xalqının arzuları? Bu idimi
onların gözləntiləri? Onlar
nə üçün müstəqil ölkə ola bilmədilər? İşğala görə. İşğaldan
nə qazandılar? Heç
nə. Biabır oldular siyasi müstəvidə.
Onlar
döyüş meydanında məğlub olaraq bütün
dünya qarşısında rəzil oldular. Bundan sonra
bu damğa ilə yaşayacaqlar, "məğlub edilmiş
ölkə" damğası ilə yaşayacaqlar".
Dənizdən-dənizə uzanacaq
qədər intəhasız iştahaları və acgözlükləriylə
əsrlərcə löyün-löyün
təşbihlər uyduraraq özlərinə "ən
qədim", "çox əzabkeş",
"məzlum" demiş ermənilər və ermənilik,
nəhayət ki, tarixlərində ilk dəfə
saxtakarlıqsız, təmiz və tam layiq olduğu əsl
adı da qazandı: "DAMĞALI!"
Azərbaycanın qarı düşmənin
başını əzərək ona əbədilik vurduğu
məğlubluq damğası hec cürə
zərərsizləşdirilə bilməyən minalar kimi onların yaddaşında,
ruhunda, bütün gələcəyində həmişə
partlamaqda davam edəcək!..
23 noyabr, 2020
Rafael HÜSEYNOV
525-ci qəzet.- 2020.- 25 noyabr.S.
6-7.