Mərakeşdə Azərbaycan haqqında kitabın təqdimatı olub

 

Azərbaycanın Mərakeşdəki səfirliyi Azərbaycan-Mərakeş Dostluq qrupunun təşkilatçılığı ilə İslam Dünyası Təhsil, Elm Mədəniyyət təşkilatının (ICESCO) mənzil qərargahında "İşlah va Tənmiyə" qəzetinin redaktoru, yazıçı-jurnalist Əhməd Mutçunun müəllifi olduğu "Azərbaycan - İslam Şərqində ilk demokratik respublika" kitabının təqdimat mərasimi keçirilib.

 

AZƏRTAC xəbər verir ki, tədbirdə Türkiyənin Mərakeşdəki səfiri Əhməd Aydın Doğan, Ukraynanın səfiri Oksana Vasilyeva, İordaniyanın səfiri Hazem əl-Təmimi, Qambiya, Mavritaniya, Tunis digər ölkələrin Rabatdaki səfirliklərinin nümayəndələri, Azərbaycan-Mərakeş Dostluq qrupunun üzvləri, yerli ictimai-siyasi xadimlər universitet professorları iştirak ediblər.

 

Tədbiri giriş sözü ilə açan Azərbaycan-Mərakeş Dostluq cəmiyyətinin katibi M.Faqiri Azərbaycanın tarixinə müasir dövrünə, xarici siyasətinə iqtisadi nailiyyətlərinə, habelə iki ölkə arasındakı əlaqələrə həsr olunmuş kitabın ölkələrimiz dost xalqlarımız arasındakı münasibətlərdə mühüm hadisə olduğunu tədbir iştirakçılarının diqqətinə çatdırıb.

 

Kitabın müəllifi Əhməd Mutçu çıxış edərək, Azərbaycana etdiyi səfərlərindən, xüsusilə 2020-ci ilin fevral ayında keçirilmiş parlament seçkilərində Mərakeşi təmsil edən jurnalist kimi iştirakından sonra bu dost ölkə haqqında kitab yazmaq onunla bağlı həqiqətləri Mərakeş ictimaiyyətinə çatdırmaq qənaətinə gəldiyini qeyd edib.

 

O, Azərbaycanda səfərdə olarkən burada keçirdiyi görüşlərin onda xoş təəssürat, səmimi hisslər doğurduğunu bildirib. Məhz bu çoxsaylı görüşlərdən sonra bu ecazkar ölkə, uzun illər ərzində apardığı rəşadətli mübarizədən sonra torpaqlarını azad etmiş, onun şücaətli xalqı uzaqgörən, müdrik Prezidenti haqqında fikirlərini mərakeşli oxucularla bölüşmək imkanından məmnunluğunu ifadə edib.

 

Müəllif Azərbaycanın keçmiş müasir tarixinə həsr olunmuş kitabında - ən qədim dövrlərdən başlayaraq, İslam Şərqində ilk demokratik dövlət-1918-ci ildə Azərbaycan Demokratik Respublikasının qurulması, keçən əsrin 90-cı illərində müstəqilliyini bərpa etməsi, bu müstəqilliyin möhkəmləndirilməsində ümummilli lider Heydər Əliyevin, ölkənin müasirləşdirilməsində xarici siyasətində möhtəşəm uğurların əldə olunmasında Prezident İlham Əliyevin Birinci vitse-prezident Mehriban Əliyevanın fəaliyyətlərinin əks olunduğunu vurğulayıb.

 

O, dost Azərbaycan haqqında Mərakeşdə yazılmış ilk kitabın müəllifi olaraq fəxr duyduğunu kitabın bəzi nüsxələrinin Mərakeşin Milli Kitabxanasına təqdim etdiyini qeyd edib.

 

Mərakeşli alim Ridvan Himdi hazırkı dövrdə Mərakeş ictimaiyyətinə Azərbaycan, onun dost xalqı liderləri barədə bilgi çatdırmaq baxımından kitabın müstəsna rol oynayacağını bildirib.

 

Sonra Azərbaycanın Mərakeşdəki səfiri Oktay Qurbanov çıxış edərək, kitabın müəllifi Ə.Mutçuya gərgin əməyə görə təşəkkürünü ifadə edərək, bunun Mərakeşlə Azərbaycan arasında dostluq münasibətlərinin möhkəmləndirilməsində mühüm töhfə olduğunu bildirib. O qeyd edib ki, bu kitab Azərbaycan Respublikasının təşəkkül dirçəliş salnaməsidir bu gün Mərakeş cəmiyyətini dövlətçilik tariximizin şanlı səhifələri, tarixi qələbələrin əldə olunmasında siyasi liderlərinin misilsiz xidmətləri ilə tanış etmək imkanı verən belə bir kitabın olması çox sevindiricidir.

 

Sonda səfir "Azərbaycan - İslam Şərqinin ilk demokratik respublikası" kitabının təqdimatına həsr olunmuş tədbirin ICESCO mənzil qərargahında keçirilməsinə yaratdığı imkana görə təşkilatın rəhbərliyinə, tədbir iştirakçılarına yerli ictimaiyyətin nümayəndələrinə minnətdarlığını kitabın müəllifi Ə.Mutçuya bir daha təşəkkürünü ifadə etdi.

 

Tədbirin sonunda yerli media nümayəndələrinə müsahibələr verildi.

 

 525-ci qəzet.- 2021.- 14 aprel.- S.13.