Qələmsiz yazılanlar
status-esseləri
Jurnalistlərlə cəngə çıxmaq
yanlış addımdır,
sonu məğlubiyyətdir.
Jurnalistlərlə dost olmağa çalışmaq
lazımdır.
Milli Mətbuat Günümüz
mübarək!
***
Bu bayram günündə
"Media açarı" mükafatını xatırladıq.
Təşəkkürlər, Nigar Abbasova.
***
Media çox qəddarlaşıb...
***
Pis xəbərlərdən
ötrü darıxan,
onları yaymağa hazır dayanan adamlar elə o pis əməlləri törədənlərlə təndir.
***
Fırıldaqçı fırıldaqçının yerin dar eləyər.
***
Təkcə quşların səsi
dəyişməyib, elə
40 il əvvəlki
kimi oxuyurlar...
***
Deyir, adamı sel Almaniyada apara...
***
Sənin fikirlərin, irəli sürdüyün sərsəm
təkliflər insanlar
arasında təfriqə
və nifaq salırsa, onları bölür, qarşı-qarşıya
qoyur, düşmənçilik
yaradırsa, deməli,
şər daşıyıcısan,
şərə xidmət
edirsən.
***
Əvvəllər də belə əcaib hadisələr olurdu. Amma biz onu qəzet
səhifələrinə çıxartmırdıq.
***
Daha nə qəzet-kitab oxuyan olacaq, nə televizora baxan.
Hərənin əlində bir sehirli qutu.
Heç
kim də
ondan gözünü
çəkmir.
***
Havanın qırımından və
xoruzların boğulan
banından günün
isti keçəcəyi
hiss olunurdu...
***
Feysbukda şəxsi zəmində,
kindən-paxıllıqdan doğan,
qisasçı statuslar
çox olur. Amma hərdən
yerinə düşən,
sərrast qınaqlara
da rast gəlinir.
İctimai qınaq qanan, nəticə çıxaran
üçün vacibdir,
xeyirlidir. Məktəbdir. Gələcək səhvlərdən sığortalanmaqdır.
Nəticə çıxarmaq yerinə cığallıq edənlər
isə sonda məğlub olacaq, təzyiqlərə davam gətirməyəcəklər.
Ağıllı və sərrast qınaqlarınız azalmasın.
***
Həm alçadır, həm göyəmdir, həm ərik...
***
Dəyərlər itəndə hamıda iddia yaranır.
***
Jurnalistləri bu qədər aşağılamaq düz
deyildi...
***
Yazanda gərək bir fikirləşəsən ki,
bu uzunluqda səfsəfəni kim oxuyacaq?
***
Külək elə bil nəsə
demək istəyir.
Dili-ağzı olmasa da...
***
Gedənlər getməyənləri sakitləşdirsin.
***
"Sən gecələr
yat, ay Qurban".
Hansı əsərdəndir?
***
"Də"ni ayrı yaza bilməyənlərin dövranı...
***
Dünyanı qoz qabığına - telefona yerləşdirməyin
mənası nə idi?
Onsuz da insanlar yalan-doğru
yaşayırdılar da...
***
Savadsızın dediyi həqiqət
şübhəli olur...
***
Maarifçilik kreativ qiyafədə...
***
Əgər sənin gördüyün
işlər, atdığın
addımlar hər dəfə ictimai qınağa tuş gəlirsə, deməli, nəyisə səhv edirsən, özün barədə düşünməlisən...
***
Fürsətcil şantajçılar...
***
Davamlı cığallıq bezdirir,
usandırır...
***
Yenə
dava salan deputat olmasa, millət vəkillərinin
tətili salamatçılıqla
başa çatar...
***
Bu kişmişi üzüm
niyə Ağdam həyətlərindəki çardaqların
lüminiset işığını
xatırlatsın ki?
***
Toyda hədsiz yüksək səsli musiqi dinləyiciləri aşağılamaqdır,
həqarətdir, düşmənçilikdir,
stress mənbəyidir.
Bunun qarşısını
ala bilməmək fəlakətdir.
Şadlıq evlərini isə
mədəniyyət müəssisələrinə
bağışlamaq lazımdır
- insanları aşağıladıqlarına,
zərər vurduqlarına
görə kompensasiya
kimi...
***
Həqiqi
rəqabət mühiti
olmayanda narazılar artır...
***
Şadlıq evlərinin əksəriyyətində
zalda siqaret çəkməyə icazə
verirlər. Yəqin bunun da səbəbi
var; qanunu pozmağa icazə veririk, siz də
səhvlərimizə göz
yumun...
***
Xalqın
sevgisi çox sürüşkəndir...
***
Bəzi idman növlərinin nə iştirakçılarını,
nə də pərəstişkarlarını başa düşürəm. Nə bir
məna tapıram, nə də zövq almağa, həyəcanlanmağa səbəb.
Məşhur sual da bir yandan rahat
buraxmır: "Nə
olsun?"
***
Cümləsindən, misrasından ağlı bilinir...
***
Biz niyə uduzanda
coşmalıyıq ki? Əvvəlcədən coşsaq, nə olar?
***
Zorla peyvənd
şübhə toxumu
səpir, başqa gizli xəstəliklərə
rəvac verir.
***
Bəsdir metroyla gəzdiniz, düşün bir az da piyada gedin.
***
Türkiyədən yaxşı yağış xəbərləri gəlir.
***
Düşükləmə, şair!..
***
Deyir, sizə Məhərrəmlik qənim olsun...
***
Sən hər ağzını açanda xoruz buraxırsansa, xoruz qovalayanları qınamamalısan...
***
Görəsən, buludların inadkarlığı nəticə verəcəkmi? Damcı düşən tərəflər nə deyir?
Yağacaq, yağmayacaq?
***
Doğulduğun,
uşaqlığın keçən yerlər həm də
qayğısız illərinin xatirələrini
yaşatdığına görə əzizdir. Beyin təzələnir, durulur,
dirilir. Yenidən doğulacağına
ümidlənirsən.
Rəşad
MƏCİD
Azərbaycan
Yazıçılar Birliyinin gənclərlə iş üzrə
katibi, "525-ci qəzet"in baş redaktoru
525-ci qəzet.- 2021.- 11 avqust.- S.11.