Xarkovda Nizami Gəncəvinin abidəsinə dair memarandum imzalanıb

 

Ukraynanın ikinci böyük şəhəri olan Xarkovda Azərbaycanın dahi şairi mütəfəkkiri Nizami Gəncəvinin abidəsi ucaldılacaq.

 

AZƏRTAC xəbər verir ki, bununla əlaqədar Azərbaycanın Ukraynadakı səfirliyi ilə Xarkov Şəhər Şurası arasında qarşılıqlı Anlaşma Memorandumu imzalanıb. Anlaşma Memorandumunu Azərbaycanın Ukraynadakı fövqəladə səlahiyyətli səfiri Elmira Axundova Xarkov Şəhər Şurasının katibi, merin səlahiyyətlərini icra edən İqor Terexov imzalayıblar.

 

Anlaşma Memorandumunun imzalanma mərasimindən əvvəl çıxış edən İqor Terexov bildirib ki, azərbaycanlı soydaşlarımız Xarkovun inkişafında, bu şəhərdə həyata keçirilən bir çox sosial əhəmiyyətli layihələrdə fəal iştirak edirlər. Belə layihələrdən biri Ukraynanın Xalq rəssamı, azərbaycanlı heykəltəraş Katib Məmmədovun müəllifi olduğu Nizami Gəncəvinin abidəsinin ucaldılmasıdır.

 

Adları dünya tarixinə qızıl hərflərlə yazılmış insanlar var. Belə şəxsiyyətlər arasında dahi mütəfəkkir Nizami Gəncəvi var. Bu abidənin açılışı təkcə şəhər üçün deyil, həm Ukrayna üçün əlamətdar bir hadisə olacaq, - deyə İqor Terexov əlavə edib.

 

Onun sözlərinə görə, abidə demək olar ki, hazırdır sentyabrın 1-dək heykəlin açılışı gözlənilir.

 

Səfir Elmira Axundova çıxışında qeyd edib ki, 2021-ci ilin Nizami Gəncəvi İli elan edilməsinə dair Azərbaycan Respublikasının Prezidenti İlham Əliyevin Sərəncamından irəli gələrək, Ukraynanın Xarkov şəhərində mütəfəkkirin heykəli ucaldılacaq.

 

Xarkov şəhərində dahi şair mütəfəkkir Nizami Gəncəvinin abidəsinin ucaldılması Azərbaycan ilə Ukrayna arasında etibarlı tərəfdaşlığın bariz nümunəsidir. Bu dəstəyə görə Xarkov Şəhər Şurasına təşəkkürümü bildirirəm. Nizami Gəncəvinin abidəsinin Xarkovda ucaldılması tarixi hadisədir, - deyə Elmira Axundova əlavə edib.

 

Səfir vurğulayıb ki, Ukrayna atdığı addımlarla Azərbaycanın yanında olduğunu sübut edib. Biz bunu Azərbaycanın 44 günlük Vətən müharibəsində şahidi olduq. Ukrayna dövləti Azərbaycanın haqlı mübarizəsini dəstəklədi, Ukrayna mətbuatı müharibə haqqında obyektiv məlumatlar yaydı, - deyə diplomat söyləyib.

 

Elmira Axundova, həmçinin qeyd edib ki, Xarkov Gəncə şəhərlərinin qardaşlaşması üçün müzakirələr aparılır. Yaxın gələcəkdə bununla bağlı sazişin imzalanması gözlənilir.

 

Xatırladaq ki, bir neçə gün əvvəl Heydər Əliyev Fondunun dəstəyi təşəbbüsü ilə Ukraynanın paytaxtı Kiyev şəhərinin mərkəzi hissəsində, Taras Şevçenko adına Kiyev Milli Universitetinin Nəbatat Bağında Azərbaycanın dahi şairi mütəfəkkiri Nizami Gəncəvinin abidəsinin ucaldılmasına dair Anlaşma Memorandumu imzalanıb.

 

525-ci qəzet.- 2021.- 3 iyun.- S.9.