Oturan və gülən
adam
Əsrarəngiz
Benjamin Bennet hadisəsi
Yutubda
ilk videosunu 2014-cü il
iyulun 28-də paylaşan
Benjamin Bennet videoda çöməlib oturur və 4 saat boyunca sadəcə gülür. Bu vaxta qədər həmin konspektdə 268 video paylaşan
Bennet, hər birində 4 saat oturmaqla, toplam 44 gün sadəcə oturmuş olur...
Bunu hər gün etdiyini və gündə 8 saat yatdığını
düşünsək, Bennetin
ömrünün yarısını
sadəcə, oturmaqla
və yatmaqla keçirdiyini anlaya bilərik.
Paylaşdığı ilk videosunda yayımı açır, oturmazdan əvvəl bir sıra hazırlıqlar görür, zəngli saatı 4 saat sonraya qurur və
oturub gülməyə
başlayır. Bəs bu "gülən adam"ın gerçək üzü nədən ibarətdir? Hər şey göründüyü
qədər bəsitdirmi,
yoxsa məsələnin
əsrarəngiz tərəfləri
də var?
Bir reportajında Benjamin Bennet
belə deyir: "Bir çox mesaj alıram, bunların çoxu meditasiya ilə bağlı olur. Etdiyim şey insanların xoşuna gəlir. Gülməyim onlara daha rahat hiss etdirir". Ancaq bunlardan əlavə,
daha qorxunc və qəribə detallar var.
Benjamin Bennet 251-ci videosunda
yenə həmişə
olduğu kimi oturur və gülümsəyir. Lakin dəqiqələr 03.01.07-ni göstərəndə bir
anda ürküdücü
şəkildə ağlamağa
başlayır və təqribən 2 dəqiqə
boyunca ağlamağa davam edir. Burada baş verən hadisə, ağıllara
"görəsən, bütün
bunları kimsə Benjaminə zorlamı etdirir?" sualını gətirir. Belə bir şey üçün təhdidetmənin
mənasız olduğunu
nəzərə alsaq,
ağlama səbəbinin
ailəvi problemlərdən
qaynaqlandığını da düşünmək olar. Ya da, kim bilir, öz içində "Mən
burada neynirəm, həyatım bundanmı ibarətdir?" deyərək
duyğulanmış da
ola bilər.
Başqa bir videoda, "meditasiya" zamanı Bennetin arxasındakı qapı açılır,
kimsə səslənir
və qapını təkrar bağlayır. Bunu fərqinə
varan Bennet yenə qəribə bir reaksiya verərək
izləyənləri ürküdür.
Onun bu reaksiyanı göstərməsi qapını
açan həmin adamı tanımadığı
fikrini ortaya çıxarır. Kim bilir,
bəlkə də, evi soymağa gəlmiş bir oğruya sırf özü iş başında olduğu üçün heç nə edə bilmədiyindən narahatdır?
Digər videolarının birində
5 saniyəlik gözlərinin
rənginin dəyişdiyini,
başqa bir videosunda isə oturduğu və güldüyü anda özündən asılı
olmadan sidik ifraz etdiyini görən izləyicilər
tamamilə çaş-baş
qalmış, Bennetin bunu niyə etdiyini daha çox
sorğulamağa başlamışdılar. Haqqında
çox az
şey bildiyimiz bu şəxs, özünün başqa bir reportajında "Bunu etməyimdə heç bir səbəb yoxdur, sadəcə etmək istəyirəm və edirəm. Bunun ən yaxşı
etdiyim şey olduğunu düşünürəm"
- demişdi.
Fikrimcə, bütün bu hadisələr həmin illərdə özünü
ön plana atmaq, vərdiş ediləndən daha fərqli üsullarla göz önündə olmaq, insanlarda maraq yaratmaq və bütün diqqətləri öz üzərinə çəkməkdən
başqa bir şey deyil. Bu silsiləni,
sonradan yutub platformasında "Poppy", "Ashley Vlogs" və s. kanallar da müxtəlif
konspektlərlə çıxış
edərək davam etdirmişdilər.
Məncə, Benjaminin ötürdüyü
şüuraltı mesaj
gülməyin vacibliyi,
istənilən situasiyada
gülməkdən vaz
keçməməli olduğumuzun
önəmi ilə bağlıdır. Əslində, bu, meditasiyanın
məşhur bir ünsürüdür, lakin
Benjamin bunu özünəməxsus
şəkildə təqdim
edir, daha yaddaqalan və diqqət cəlb edən bir formada
göstərir.
Siz nə düşünürsünüz?
4 saat boyunca oturan və sadəcə gülən bir adamı izləmək sizə də özünüzü daha
yaxşı hiss etdirərdimi? Yoxsa bu hal
sizi daha çox narahat edərdi?
El ROMAN
525-ci qəzet.- 2021.- 15 iyun.- S.16.