"Nizami dünyası"nda sonuncu tamaşa göstərilib.

 

 

Naxçıvanda keçirilən "Nizami dünyası" teatr müsabiqəsi çərçivəsində Naxçıvan Müəllimlər İnstitutunun teatr studiyası tərəfindən dahi şairin həyat fəaliyyətindən bəhs edilən "Nizami Afaq" adlı kompozisiya səhnələşdirilib.

 

Naxçıvan Muxtar Respublikası Gənclər İdman Nazirliyinin mətbuat xidmətindən AZƏRTAC-ın Naxçıvan bürosuna bildirilib ki, tamaşa qüdrətli söz fikir ustadının insanları daim əxlaqi kamilliyə çağıran yüksək mənəvi keyfiyyətlər aşılayan zəngin yaradıcılığının təbliği məqsədi daşıyır.

 

Müsabiqənin şərtlərinə əsasən, tamaşanın qiymətləndirilməsi təqdim edilən səhnə əsərinin aktyor ifası, rejissor şərhi, musiqi tərtibatı, ifaçıların səhnə mədəniyyəti meyarları üzrə aparılıb. Müsabiqənin qalibləri münsiflər heyətinin yekun qiymətləndirməsinə əsasən müəyyən olunacaq adları mayın 26-da - mükafatlandırılma mərasimində açıqlanacaq. İlk üçlükdə qərarlaşan komandalar təşkilatçılar tərəfindən diplom hədiyyələrlə mükafatlandırılacaq.

 

Qeyd edək ki, "Nizami Gəncəvi İli" çərçivəsində Naxçıvan Muxtar Respublikası Gənclər İdman Nazirliyi, Mədəniyyət Nazirliyi Yeni Azərbaycan Partiyası Naxçıvan Muxtar Respublika Təşkilatının Heydər Əliyev adına Gənclər Birliyinin birgə keçirdiyi teatr müsabiqəsi şairin əsərlərində qeyd olunan insan səadəti, mənəvi yüksəklik, mənalı ömür, azad ədalətli cəmiyyət kimi əhəmiyyətli ideyaların gənclərə təbliğ edilməsi, tələbə gənclərin asudə vaxtlarının səmərəli təşkili, gənclərin öz yaradıcılıq qabiliyyətlərini nümayiş etdirmələrinə şərait yaradılması, istedadlı gənclərin üzə çıxarılması məqsədilə keçirilir.

 

 525-ci qəzet.- 2021.- 8 may.- S.9.