Film Fondunda Rasim İsmayılovun Arxiv fondu yaradılıb

Azərbaycan Dövlət Film Fondunda Əməkdar incəsənət xadimi, Dövlət mükafatı laureatı Rasim İsmayılovun şəxsi Arxiv fondu yaradılıb.

525.az xəbər verir ki, Fonda görkəmli sənətkarın altı yüzdən çox fotoşəkli, əlyazmaları, eskizləri, ssenariləri və s. arxiv sənədləri daxil olub. Oxucuların nəzərinə çatdırmaq istəyirik ki, Əməkdar incəsənət xadimi Rasim İsmayılov "Gün keçdi", "Yeddi oğul istərəm", "Axırıncı aşırım", "Nəsimi", "Dədə Qorqud", "Babək" və s. filmlərinin təsvir rejissorudur. O, eyni zamanda, "Asif, Vasif, Ağasif", "Şir evdən getdi", "İşgüzar səfər", "Sizi dünyalar qədər sevirdim", "Tələ" və s. bədii filmlərin quruluşçu rejissorudur.

Əməkdar incəsənət xadimi Rasim İsmayılovun şəxsi Arxiv fondunun yaradılması sənətkarın anadan olmasının 85 illiyinə ithaf olunub.

525-ci qəzet.- 2021.- 30 noyabr.- S.9.