"Şərəfsizlik tarixi, yaxud Vernadski prospektində"

Ötən il sentyabrın 27-dən başlayıb 44 gün davam edən və sonda işğal altındakı ərazilərimizin azad olunması ilə bitən Vətən müharibəsi tariximizin ən parlaq səhifəsinə, Azərbaycan xalqının iftixar və qürur mənbəyinə çevrildi. Müzəffər Azərbaycan Silahlı Qüvvərinin Ali Baş Komandanın rəhbərliyi altında cəmi 44 günə mümkünsüzü mümkün etdi. 30 il davam edən ədalətsizliyə dözən, böyük səbr göstərən Azərbaycan xalqı sonda sarsımaz birlik nümayiş etdirərək bu mənfurların ədalətsizliyinə son qoydu. Azərbaycan xalqı öz liderinin ətrafında sıx birləşərək bütün dünyaya gücünü, mətinliyini, mübarizliyini nümayiş etdirdi. Noyabrın 8-i xalqımızın tarixinə şanlı, qızıl hərflərlə yazıldı.

Bəli, məhz Vətən müharibəsi dövründə Azərbaycan hərbçisinin nümayiş etdirdiyi cəsarət, rəşadət, qarşısına qoyulan bütün tapşırıqları şərəflə, dəqiqliklə yerinə yetirməsi nəticəsində bu gün yeni əsrin müharibəsini aparmış qalib Azərbaycan Ordusunun qüdrətindən danışılmaqdadır. Böyük Qələbə, ordumuzun qalibiyyəti barədə artıq kitablar, hərbi dərsliklər, elmi və publisistik məqalələr yazılmaqdadır. Yazıçı Hüseynbala Mirələmovun bu günlərdə işıq üzü görən "Şərəfsizlik tarixi, yaxud Vernadski prospektində" sənədli əsəri də məhz belə nümunələrdəndir. Kitabda misli görünməmiş erməni qəddarlığı danılmaz faktlar və tarixi sənədlər əsasında, müəllifin ədəbi ümumiləşdirmələri və dolğun bədii təsvirləri vasitəsilə oxuculara təqdim olunur. 30 illik həsrətimizə, nisgilimizə son qoymuş Vətən savaşını bir möcüzə adlandıran yazıçı həmin hərbi əməliyyatların dünyanın müxtəlif ölkələrinin hərbi məktəblərində XXI əsrin ilk yeni tipli savaş taktikası və strategiyası kimi öyrəniləcəyindən əminliyini ifadə edir. Rəşadətli Ordumuzun, Vətən yolunda canından keçmiş fədakar şəhidlərimizin, qəhrəman qazilərimizin və heç şübhəsiz ki, xalqı öz ətrafında bir yumruq kimi birləşdirən Silahlı Qüvvələrimizin Ali Baş Komandanın müəllifi olduğu böyük qələbə əsərdə milli birliyi möhkəmləndirən tarixi sınaq kimi qiymətləndirilir.

Kitabın əsasını təşkil edən sənədlərdə dövlətin və onun başçısı - İlham Əliyevin fəaliyyət xətti aydın izlənilir. Məhz onun iradəsi və liderlik keyfiyyətləri, strateji məqsədlərlə düşünmək və onlara çatmaq bacarığı, möhkəm siyasi və mənəvi mövqeyi ölkənin inkişaf sürətini müəyyən etmiş, onun dünya miqyasında tanınmasını, Vətən müharibəsində qələbəsini təmin etmişdir.

Əsərin əsas ideyası illərlə davam edən erməni işğalçılığını, torpaqlarımızın azad olunması ilə nəticələnən Vətən müharibəsinin gedişini, həmin ərəfədə baş verən prosesləri xroniki qaydada oxucuya çatdırmaqdan ibarətdir. Kitabı vərəqləyən hər kəs Böyük Qələbənin əsas formulu kimi Azərbaycan Respublikasının Prezidenti İlham Əliyevin dönməz siyasi iradəsini, proseslərə strateji baxışı və sistemli yanaşmasını, son illərdə yürütdüyü uğurlu daxili və xarici siyasəti, erməni işğalı ilə barışmayan xalqımızın və gənc nəslin torpaqlarımızı azad etmək əzmini, Prezident-Xalq-Ordu birliyinin vahid dəmir yumruq kimi birləşdiyini görür və bununla qürur duyur. Kitabda Osmanlı imperiyası dövründən bu günə qədər ermənilərin törətdikləri vandalizm, qanlı terror aktları sistemləşdirilib bədii ensiklopediya formasında tərtib edilib. Kitab uzun dövr ərzində davam etmiş erməni terrorizmini ifşa etmək, son illər baş vermiş hadisələri, Azərbaycan Prezidentinin bütün fəaliyyətinin məhz torpaqların işğaldan azad olunmasına yönəldiyini daha müfəssəl təqdim etmək üçün 39 hissəyə bölünüb. Müəllif kitabda erməni qəddarlığını konkret faktlar, tarixi sənədlər əsasında təqdim edir. Mətn oxucuya müəllifin öz dilindən, habelə əsgərlik dostu, Moskvada, Vernadski prospektində yaşayan rus türkoloqun təsvirləri və onun mənzilində kirayənişin kimi yaşayan üç erməni gəncin yazdığı kitab şəklində çatdırılır. Əsərdən aydın görünür ki, erməni gəncləri nədənsə başa düşmək istəmirdilər ki, onların törədilən vəhşiliklərlə öyünmələri əslində, cinayətə rəvac verməkdir. Xalqlarının guya "Şərəf tarixi"ni yazdıqlarını güman edən bu alitəhsilli tələbələr on illərlə millətçi həmyerlilərinin törətdikləri qanlı terrorları qəhrəmanlıq aksiyaları adlandırmaqla ən böyük pisliyi elə özlərinə qarşı edirlər.

Kitabda da qeyd olunduğu kimi, əslində, erməni millətçilərinin ərazi iddiaları təkcə Osmanlı imperiyasının varisi olan Türkiyə və Azərbaycanla bitmir, onlar hələ lap SSRİ-nin yaranışının ilk dönəmlərində Kremldə mövqelərinin güclü olmasından istifadə edib Azərbaycanın Dağlıq Qarabağ və Naxçıvan, Gürcüstanın Axalkalaki bölgələri ilə yanaşı, Rusiyanın Krasnodar diyarına da iddialarını ortaya qoyub, Rusiyanın cənubunda yerləşən Armavir şəhərini dırnaqarası Böyük Ermənistanın paytaxt şəhərlərindən biri adlandırıblar. Krasnodar diyarında yerləşən Soçiyə qarşı iddialar da zaman-zaman irəli sürülüb. Bir neçə il əvvəl isə onlar Rusiyanın Yakutiya Respublikasının qədim erməni diyarı olduğunu iddia edən və bununla bağlı həqiqətə uyğun olmayan informasiyalar yayıblar. Budur, erməni xalqının əsl siması... Yolları ermənilərlə kəsişmiş hər bir xalqın məşhur şəxsləri bu xalqın iç üzünü görən kimi onlar barədə neqativ fikir səsləndiriblər. "Şərəfsizlik tarixi" əsərində həmin sitatların bir qismi toplanaraq oxuculara təqdim olunub. "Sən köləsən, sən qorxaqsan, çünki sən ermənisən" (A.S.Puşkin), "Erməniləri bir millət kimi yer üzündən silmədiyimiz üçün gələcəkdə ya məni alqışlayacaqlar, ya da lənətləyəcəklər" (Əmir Teymur), "İndi olduğu kimi, keçmişdə də qədim hayların ağızdan-ağıza keçən nəğmələrə həvəsləri olmayıb. Ona görə də kəmağıl, nadan və vəhşi adamlar haqqında danışmaq lazımsızdır" (Musa Xorenatsi), "Ermənilər qədimdən ikiüzlü və riyakardır" (Korneli Tatsit), "Ermənilər sağ qalmaq üçün öz qadınlarını digər xalqlara satan ilk millətdir" (Karl Marks) və s.

Müəllif əsərdə ermənilərin müxtəlif illərdə törətdikləri Quba qırğını, Xocalı soyqırımı, Şamaxı qırğını kimi terror aktlarını bütün bəşəriyyətin faciəsi adlandırır. "Hətta ən qəddar manyak belə törətdiyi cinayətdən ermənilər qədər ləzzət almayıb, almayacaq da", - deyə H.Mirələmov qeyd edir.

"On milyonlarla insanın ölümünə səbəb olan, döyüş meydanlarında, əsirlikdə, konslagerlərdə 27 milyon hərbi xidmətçinin həyatını sona yetirən, bundan başqa, 25 milyona yaxın dinc əhalinin həyatına son qoyan müharibədə faşist cəlladlarının silahdaşları olmaları ilə fəxr edən bir xalqdan nə gözləmək olar axı?! Hətta müasir almanlar özləri belə faşizm tarixlərindən utandıqları halda, Adolf Hitlerin adını aşağıladıqları halda bu xəstələr faşizmə xidmətləri ilə qürurlanırlar, Njdeni peyğəmbər adlandırıb ona təzim edirlər", - deyə müəllif qeyd edir.

Bəli, Azərbaycan xalqı 44 günlük müharibənin sonunda təkcə işğal altında olan torpaqlarını azad etmədi, həm də ilahi ədaləti bərpa etdi. Erməni xainləri ordumuzun bu rəşadətli hünəri qarşısında diz çökdü. Yalan və hiylə ilə qurulan qondarma rejim özünün çürüklüyünü və iflasa uğradığını etiraf etdi. Dünyanı öz çirkin, bəd əməlləri ilə əsas həqiqətlərdən yayındırmaq istəyən xain düşmən ilahi həqiqəti aldada bilmədi. Otuz il bundan əvvəl ayaqyalın evindən, doğma yurd-yuvasından didərgin saldıqları insanların taleyini bu gün özləri yaşadılar. Terrorçu dövlət olan Ermənistanın dəstəklədiyi terror siyasətinin sülhü təhdid edən vasitə kimi ortadan qaldırılması istiqamətində işğalçı ölkəyə yaxşı dərs verildi. Özü haqqında məğlubedilməzlik sindromu yaradan Ermənistan silahlı qüvvələri qısa müddət ərzində darmadağın edildi. Azərbaycan hərb tarixinə yenilik kimi düşən strategiyanı tətbiq edərək, ən müasir silahlardan istifadə etməklə, habelə minimal itkilər verərək qısa müddət ərzində düşmənin əksər hərbi texnikasını məhv etdi, canlı qüvvəsinə ciddi zərbə vurdu. Ermənistanın və onun havadarlarının işğala və tədricən Azərbaycan ərazilərinin ilhaqına əsaslanan planları alt-üst oldu. Regionda Azərbaycanın maraqlarına cavab verən yeni siyasi reallıq yarandı. Yekun nəticədə Azərbaycan vətəndaşlarının 30 ilə yaxın davam edən torpaq həsrətinə son qoyuldu.

"Beləcə, ermənilərin özlərinin "Şərəf tarixi" kimi yazdığı kitabı "Şərəfsizlik tarixi" adı altında oxumaq azərbaycanlılara qismət oldu. Hazırda təqaüddə olan sadə bir türkoloqun zərbəsi ilə laxlayan, saxtalığı önə çıxan bir ideologiya olan erməni millətçiliyinin bu aqibəti həqiqətən də tarixin əsl ironiyasıdır. Yüz illərdir ki, qulaqları dəng edən bir milləti yola verənlərə, onların qəlbini qırmaq istəməyənlərə, nəticədə onların havadarlarına çevrilənlərə isə bir ittihamdır. Bu tarix həm də bizim ayılma, bir daha qəflət yuxusuna getməmə, hər zaman ayıq-sayıq qalma tariximiz olmalıdır. Çünki tarixin bir ümdə xüsusiyyəti də onun təkrarlanmağa meyilliliyidir. Azərbaycan xalqının bundan sonra səhv etməyə haqqı yoxdur", - deyə müəllif sonda bildirir.

Rafiq ƏLİYEV

525-ci qəzet.- 2021.- 7 sentyabr.- S.12.