Elxan Yurdoğlunun yeni kitabı təqdim olundu

 

Aprelin 23-də "kitabevim.az"da şair Elxan Yurdoğlunun "Payızda gilənar dadı" adlı şeirlər kitabının təqdimat imza mərasimi keçirilib. Mərasimdə AMEA N.Gəncəvi adına Ədəbiyyat İnstitutunun əməkdaşları, müəllifin qələm dostları, tanınmış ədəbiyyat incəsənət nümayəndələri, oxucular jurnalistlər iştirak ediblər.

 

Tədbiri moderator Fariz Yunisli açaraq bildirib ki, Elxan Yurdoğlu təkcə Naxçıvan ədəbi mühitində deyil, ümumən bütün Azərbaycan ədəbi mühitində tanınan sevilən şairlərdən biridir. Onun şəxsiyyətiylə yaradıcılığı vəhdət təşkil edir. Həmçinin, E.Yurdoğlunun Naxçıvan Milli Elmlər Akademiyasındakı fəaliyyətindən bəhs edən F.Yunisli onun ədəbiyyatşünaslığın inkişafına da öz töhfələrini verdiyini vurğulayıb.

 

Sənətşünas Əsəd Quliyev çıxışında diqqəti şairin ədəbi təxəllüsünə çəkib bildirib ki, Elxan Yurdoğlu sözünün mayasında yurd, vətən durur. O, yurduna, elinə, vətəninə bağlı insandır. Onun bütün fəaliyyəti məhz vətəninə layiqli vətəndaş ola bilmək yönündədir. E.Yurdoğlu yaradıcılığında da hər zaman bunu tərənnüm edir.

 

AMEA N.Gəncəvi adına Ədəbiyyat İnstitutunun əməkdaşları Fidan Nizaməddin, Gülnar Qəmbərova çıxış edərək E.Yurdoğlu poeziyasının məziyyətlərindən danışıb, onu həmçinin, bir həmkar kimi dəyərləndiriblər.

 

Milli Məclisin Mədəniyyət Komitəsinin eksperti, şair, publisist Əkbər Qoşalı E.Yurdoğlundan həm şair, həm alim, həm ictimai xadim kimi bəhs edib. O, vurğulayıb ki, E.Yurdoğlu paytaxtdan uzaqda yaşasa da, hər zaman qaynar ədəbi mühitin içərisində olub. O, təkcə şeirləriylə, poeziyasıyla deyil, eləcə , ayrı-ayrı qələm sahibləri haqqında ədəbiyyatşünas mövqeli yazılarıyla ədəbi tənqidin inkişafına da öz töhfələrini verməkdədir. Şairi yeni kitabı münasibətiylə təbrik edən Ə.Qoşalı ona daha böyük yaradıcılıq uğurları arzulayıb.

 

 

 

Azərbaycan Dövlət Pedaqoji Universitetin müəllimi İlkin Əsgər çıxışında qeyd edib ki, E.Yurdoğlu təkcə öz hisslərini qələmə almır. O, həmçinin, dövrünün, yaşadığı zamanın nəbzini tuta bilən, oxucusuna xitab edərək onu düşündürməyi bacaran şairdir.

 

Şair Arzu Nehrəmli müəllifin Vətən sevgisindən yurd məhəbbətli poeziyasından bəhs edib. Bildirib ki, Elxan Yurdoğlu təkcə doğulub, boya-başa çatdığı, hazırda həyatını davam etdirdiyi Naxçıvana deyil, bütünlüklə Azərbaycana bağlı bir şirdir. Onun Vətən müharibəsi ondan sonrakı dövrdə qələmə aldığı vətənpərvərlik mövzulu, şəhidlərimizə xitabən yazılmış şeirlər bunu bir daha sübut edir.

 

Daha sonra yazıçı Aləm Kəngərli, folklorşünas alim, dosent İlhamə Qəsəbova, şairin ilk müəllimi Mehriban Məmmədova, şairlər Sevda İbrahimova, Gülnar İbrahimli, İbrahim Yusifoğlu, AMEA-nın Nizami Gəncəvi adına Ədəbiyyat İnstitutunun Orta əsrlər Azərbaycan ədəbiyyatı şöbəsinin aparıcı elmi işçisi, filologiya üzrə fəlsəfə doktoru, dosent Zəki Bayram, yazıçı Güllü Məmmədova, ədəbiyyatşünas, dosent Seyfəddin Eyvazov, Əməkdar jurnalist Mətanət Məmmədova və başqaları şairi yenicə çap olunmuş "Payızda gilənar dadı" kitabı münasibətiylə təbrik edib, ona daha böyük yaradıcılıq uğurları arzulayıblar.

 

Tədbirdə Vətən müharibəsi şəhidi Toğrul Hacıyevin qızı Ləman Hacıyeva E.Yurdoğlunun şəhidlərimizə həsr olunmuş şeirini ifa edib.

 

Sonda müəllif E.Yurdoğlu tədbirdə iştirak edən və söz alan hər kəsə öz təşəkkürünü bildirib.

 

Şahanə MÜŞFİQ

 

525-ci qəzet.- 2022.- 26 aprel.- S.11.