Nizami irsinin tədqiqi və beynəlxalq miqyasda təbliği ilə bağlı Gəncədə görüşlər

 

"Azərbaycanın dahi şair və mütəfəkkiri Nizami Gəncəvinin irsinin müasir elmin və beynəlxalq münasibətlərin tələbləri baxımından daha geniş və çoxşaxəli öyrənilməsi istər bu sahədə çalışan tədqiqatçılarımızın, istər də ictimaiyyətimizin qarşısında yeni tələblər qoyur".

Bu fikirlər Nizami Gəncəvinin irsinin dünyada daha geniş tanıdılması təbliği ilə bağlı AMEA-nın Gəncə Bölməsində təşkil olunan görüşdə səsləndirilib.

Görüşdə Azərbaycan Respublikası Prezident Administrasiyasının nümayəndəsi Elmar Məmmədov, Gəncə Şəhər İcra Hakimiyyəti başçısının birinci müavini Səməd Tomuyev, AMEA-nın Gəncə Bölməsinin sədri, akademik Fuad Əliyev, millət vəkili Pərvin Kərimzadə, şəhərdəki ali təhsil müəssisələrinin rəhbərləri, nizamişünas alimlər ədəbiyyatçılar iştirak ediblər.

AMEA Gəncə Bölməsinin sədri, akademik Fuad Əliyev qonaqları görüşə qatılan alim tədqiqatçıları salamlayaraq, dahi Nizaminin neçə-neçə əsrlərdir ki, Azərbaycan milli mənəvi ruhunun simvolu kimi dərk edildiyini vurğulayıb. O, dahi şair mütəfəkkirin doğma yurdu Gəncədə çalışan elm adamlarının daim Nizami irsinin öyrənilməsi təbliğinə töhfələr verdiklərini qeyd edərək, AMEA Gəncə Bölməsində bu sahədə aparılan geniş tədqiqatlar nəşr edilmiş kitablar haqda da danışıb. 

Çıxışlarda qeyd olunub ki, Nizaminin bütün həyatı zəngin yaradıcılıq fəaliyyəti Yaxın Orta Şərqin mühüm mədəniyyət mərkəzlərindən olan Gəncə ilə bağlıdır Nizami Gəncəvi irsinin öyrənilməsi təbliği geniş təbliği Azərbaycanın zəngin mədəniyyətinin dünya ictimaiyyətinə nümayiş etdirilməsi dahi şairin doğma şəhərində çalışan alimlərimizin üzərinə böyük məsuliyyət qoyur.

Görüşdə Nizami Gəncəvi irsinin daha geniş araşdırılması, dünyada tanıdılması təbliği ilə bağlı bir sıra təkliflər verilib. O cümlədən, AMEA Gəncə Bölməsinin verdiyi təkliflər sırasında dahi şairin şəcərə tarixinin araşdırılması, Nizaminin sələfləri xələfləri olan fikir adamlarının, yəni Nizamidən əvvəl sonra Gəncədə yaşamış şair filosofların yaradıcılığının təbliği, Avropa, Şərq ölkələri Amerikada Nizami yaradıcılığı nümunələrinin nəşri, Nizami fəlsəfəsinin bu günümüzdəki proseslərlə səsləşməsini əks etdirən tədqiqatların aparılması, müvafiq mövzular üzrə hər il beynəlxalq elmi konfransların keçirilməsi dahi mütəfəkkirin irsinin beynəlxalq miqyasda tanıdılmasına aid digər məsələlər yer alıb.

İşgüzar görüş Gəncə Dövlər Universitetində təşkil edilib. Burada yuxarıda haqqında bəhs olunan mövzularla yanaşı, Nizami Gəncəvi Məqbərəsi ətrafındakı meşə zolağının genişləndirilməsi, bu istiqamətdə görülə biləcək işlər və digər məsələlər ətrafında danışılıb, bu yöndə görüşdə iştirak edən torpaqşünaslar, ekoloq və digər müvafiq sahələr üzrə mütəxəssislərin təklif və fikirləri dinlənilib.

Nizami irsinin tədqiqi və təbliği ilə bağlı işgüzar görüşlər çərçivəsində Gəncə Şəhər İcra Hakimiyyətinin dəstəyi və Gəncə Regional Mədəniyyət İdarəsinin təşkilatçılığı ilə dahi şairin məqbərəsinin ərazisində iməçilik də keçirilib. Təmizlik aksiyasına şəhərin Mənzil Kommunal Təsərrüfatı İstehsalat Birliyinin və Kəpəz Bələdiyyəsinin canlı qüvvə və texnikaları cəlb olunub.

 

Zakir MURADOV,

Gəncə

 

525-ci qəzet.- 2022.- 23 avqust.- S.6.