Ata xatirəsi

ŞƏHİD KÖRPƏSİNİN DİLİNDƏN

Sən gedəndən

qəlbim də gedib sanki,

Dəfn olunan Sənsən,

mən - məzar kimi.

Ağlamaq çarə deyil,

dərmanım Sən idin,

Bir dəfə görüşsək,

qucaqlasam səni, Ata!..

Şəkil tək dayanmışam

Sənin qarşında,

“Öl” desən, ölərdim mən

Sənin yolunda.

Canını Vətənə qurban vermisən Sən,

Mən Sənə son sözlərimi

necə çatdırım, Ata?!

Sən gedəndən

günəş tərk edib evimizi,

Sən gedəndən

sözlərim yarım qalıb mənim.

Əllərim yanıma düşəndə

Sən tutardın, indi

Sən getmisən, yoxsan,

qalmışam Sənsiz!..

Ata, ruhum, dostum, uşaqlığım,

hər şeyim!

Atam, ömrüm, dünyam, nəfəsim mənim!

İsti nəfəsində gizlənmək,

səni qoxlamaq,

Sənin ətrində qocalmaq istərdim, Atam!..

Əfsanə RƏHİMLİ

525-ci qəzet .-2022.- 22 iyul.- S.14.