Sanksiyaların qüdrəti
Rusiyanın Ukraynaya hərbi müdaxiləsindən sonra
Qərb dövlətlərinin
işğalçıya qarşı
tətbiq etdikləri sanksiyaların doğura biləcəyi təsirlərlə
bağlı fərqli
fikirlər mövcud idi. Rusiya rəsmiləri bu
sanksiyaların ciddi təsir etməyəcəyini
bildirirdilər. Onların əminliyi
təhlilçilərin də
fikirlərinə təsir
göstərirdi. Rusiya mətbuatının
müharibədən öncəki
dövrünün təhlili
aparılsa, aşkar görünər ki, sanksiyaların fəlakətli
nəticəyə səbəb
olmayacağı qənaəti
formalaşmışdı. Lakin sanksiyaların tətbiqi əksər təhlilərin
əksinə olaraq öldürücü təsir
göstərdi. Öncə Rusiyanın
maliyyə sistemi dağılmağa başladı.
Rusiya Mərkəzi Bankının
rəhbər şəxslərinin,
aparıcı bank rəhbərlərinin
sanksiyalardan öncə
maliyyə sisteminin dayanaqlığı haqqında
iddialarının tamamilə
əsassız sözlər
olduğu üzə çıxdı.
Rusiyanın ən böyük
bankı və üç böyük şirkətindən biri olan "Sberbank"ın
4 səhmdən ibarət
depozitar qəbzinin biri ötən ötən il
London birjasında 20 ABŞ dollarına satılırdı.
İndi isə cəmi 11 sentə düşüb.
Bunun nəticəsində
ötən il
101 milyard dollar qiymətləndirilən"Sberbank"
100 milyard dollar dəyər
itirib. Hazırda"Sberbank"
1 milyard dollar qiymətləndirilir.ğ
Qərb dövlətləri sanksiyalar
tətbiq etdikdən sonra Rusiya Mərkəzi
Bankı təxminən
400 milyard dollar həcmində
valyuta ehtiyatı üzərində nəzarətdən
məhrum olub. Moskva birjası
bir neçə gün ərzində dəyərinin üçdə
birini itirib. Buna görə də,
birjanın fəaliyyəti
dayandırılıb. Rusiyanın maliyyə itkilərinin ümumi məbləğinin
bir trilyon dollara çatması haqqında məlumatlar
var.
Mərkəzi Bank kredit faizini
8,5 faizdən 20 faizə yüksəldib. Heç şübhəsiz, bütün
bunlar son deyil. Üstəlik, Rusiya zənginlərinin
sərvətləri də
əllərindən çıxıb.
Hələlik heç
kim Rusiya
zənginlərinin itirdiyi
sərvətin tam miqyasını
bilmir. Çünki üzərinə həbs qoyulan sərvətin məbləği
açıqlanmır. Aralarında İqor Seçin, Aleksey Miller, Andrey
Kostin, Roman Abramoviç,
Oleq Deripaska, Sergey Çemezov, Arkadi və Boris Rotenberq qardaşları, özbək
əsilli Əlişir
Usmanov, İqor Şuvalov, Nikolay Tokarev, Yevgeni Priqojin və digər zənginlərin adlarının yer aldığı sanksiya siyahısı isə genişlənməkdə davam
edir. Rusiyalı ekspertlər hesab
edirlər ki, sanksiya tətbiq edilən şəxslərin
sərvətlərinin ümumi
məbləği bir trilyon dollardan çoxdur. Ancaq məlumdur ki,
bu, son deyil. İddialara görə, sanksiya tətbiq edilən şəxslərin sayı
1500 nəfərə çatacaq.
Ekspertlərin iddialarına görə,
həmin 1500 nəfər
ümumilikdə üç
trilyon dollar sərvətə
malikdir. ABŞ prezidenti Co Bayden Konqressə müraciətində
rusiyalı məmur, oliqarx və zənginlərin sərvətlərinin
bütün dünya boyu müsadirə olunacağını elan edib. Fransa Gömrük xidmətinin
"Rosneft"in baş
direktoru İqor Seçinə məxsus
"Amore Vero" yaxtasını həbs etməsi prezident Co Baydenin vədinin icra edilməyə başlandığını
göstərir.
Bir ay öncəyə
kimi qüdrətli görünən rusiyalı
zənginlərin sərvətləri
o qədər sürətlə
azalır ki, hesablamaq da bəzən
çətin olur. Rusiyanın
ən varlı qadını sayılan
Tatyana Bakalçukun sərvəti
ötən il
13 milyard dollar idi. İki gün öncəki məlumata görə, Tatyana Bakalçukun
sərvəti 4,2 milyard dollara qədər azalıb. Çox böyük ehtimalla, bir həftə sonra Tatyana Bakalçukun sərvəti milyard dollarla deyil, milyonlarla ölçüləcək.
Sanksiyalar maliyyə və bank sistemi ilə yanaşı, iqtisadiyyatın digər sahələrini də dağıtmaqdadır. Sanksiyaya məruz qalan iş adamlarından biri Aleksey Mordaşova məxsus "Severstal" metallurgiya şirkəti Avropaya ixracını dayandırıb. Şirkətin ixracının üçdə biri Avropanın payına düşdüyü üçün indi ciddi problemlə üzləşib. Yeni müştəri tapmaq və məhsulları tamamilə başqa bazarlara yönləndirmək mümkün deyil. Eyni aqibət Aleksey Mordaşova məxsus ağac emalı şirkəti "Sveza"nı da gözləyir.
Avropa Birliyi, Böyük Britaniya və ABŞ-ın Rusiyaya qarşı sərt sanksiya tətbiq edəcəyi halda vəziyyətin belə olacağı gözlənilən idi. Çünki Rusiyanın ixracatının yarısından çoxu məhz bu ölkələrin, əsasən də Avropa Birliyinin payına düşür. Rusiyanın enerji xammalının əsas alıcısı Avropa İttifaqıdır. Rusiya qaz ixracının 60 faizindən çoxunu Avropa istiqamətində həyata keçirir. Neft və neft məhsullarının 50 faizdən çoxunun alıcısı da Qərb ölkələridir. Alüminium ixracının 35, kömür ixracının təxminən 30 faizi Qərbin payına düşür. Böyük Britaniya idxal etdiyi qızılın 90 faizindən çoxunu Rusiyadan alır. ABŞ-ın platin idxalının təxminən 30 faizini Rusiyadan alınan məhsullar təşkil edirdi. Bütün bunlara görə sanksiyalar maliyyə sektoru ilə yanaşı, istehsal və hasilat sektorlarını da məhv edir.
Rusiya iqtisadiyyatının "özünütəminatlı" olması və alternativ inkişaf yollarının mövcudluğu haqqında bir neçə gün öncə Rusiya rəsmilərinin təkidli fikirlərinin əsası olmadığı ötən 10 gün ərzində tam aydın oldu. Bütün bunların belə olacağı gözlənilən idi. Çünki Rusiya Sovet İttifaqından fərqli olaraq dünya iqtisadiyyatına dərindən inteqrasiya edib. Bu baxımdan da dünya iqtisadiyyatı ilə əlaqələrin kəsilməsinin ağır nəticələr verəcəyini proqnozlaşdırmaq mümkün idi.
Rusiyanın üzərində nəzarəti itirdiyi valyuta
ehtiyatlarının gələcəyi ilə bağlı
aydın fikir mövcud
deyil. Rusiya müxalifəti isə üzərinə həbs qoyulan sərvətin Ukraynanın ehtiyacları
üçün xərclənməsini
istəyir. Çox böyük
ehtimalla, müharibə başa
çatdıqdan sonra Rusiyanın üzərinə
həbs qoyulan valyuta
ehtiyatı məhz Ukraynanın dağıdılmış ərazilərinin
bərpasına yönəldiləcək.
Xaqani
CƏFƏRLİ
525-ci qəzet.- 2022.- 5 mart.- S.8.