Gələcəyi daha zövqlü edənlər

 

 

 

Şəhərimizin klassik musiqiyə qulaq asan sakinləri (eləcə qonaqları) ötən il yaranmış Cadenza orkestrini artıq yaxşı tanıyır növbəti konsertlərini maraqla gözləyirlər. Bunun əsas səbəbi, kollektivin müxtəlif dövr coğrafiyalarda yazılmış musiqi əsərlərini ifa etməsi eyni zamanda əsas bədii istiqamətinin müasir dövrdə yazılmış yeni əsərlərin yerli dinləyicilərə təqdimatıdır.

Orkestrin fəaliyyətinin bir mühüm istiqaməti var ki, o da məktəblərdə şagirdlərlə keçirdikləri mütəmadi görüş-konsertlərdir. Bu, fenomenal bir işdir. Təsəvvür edin, qədər uşaq yeniyetmə bəlkə heç vaxt fleytanı, violini, violonçeli, Mozartı, Beethoveni, hətta bəlkə Fikrət Əmirovu tanımayacaqdı.Axı necə tanıya bilərdilər? Filan rayonun filan saylı dövlət orta məktəbinin şagirdləri. Yüksək sənət musiqisi ilə həyatlarının hansı məntəqəsində təmas qura biləcəkdilər: evdəmi, toydamı, çayxanadamı, TV-dəmı, gözəllik salonundamı, universitetdəmi, gələcək yerlərindəmi? Demək olar heç yerdə şansları yox idi. Amma indi, beyinlərinin təmiz vaxtında görün hansı gözəlliklərlə tanış olurlar, hansı informasiyaları o təmiz gözəl beyinlərinə həkk edirlər.Uşaqların sənət musiqisi ilə tanışlığı o qədər ciddi məsələdir ki, ən inkişaf etmiş ölkələrdə ən qabaqcıl orkestrlər onillərdir bu işlərə büdcə, resurs zaman ayırır. Ondan qabaq isə bu barədə onillərlə yazıb, müzakirə ediblər.

Üzeyir Hacıbəyliyə heç vaxt bitməyəcək rəğbətimizin, təşəkkürümüzün mühüm bir qismi onun məhz bu fəaliyyəti ilə bağlıdır. Oxuyanlar bilir, o, 1920-30-cu illərdəki yazılarında musiqiyə maraq göstərən uşaqların sayının artmasından necə şövqlə yazırdı. Bunun üçün nələr etdiklərini daha nələrin edilməli olduğundan necə həvəslə bəhs edirdi.Qara Qarayev deyirdi ki, uşaqlara mətni oxumaq üçün əlifbanı öyrətdiyimiz kimi, notları da öyrətməliyik ki, musiqi parçasının nələrdən təşkil olduğunu bilsinlər. Beləliklə, bu gün Cadenza orkestri məhz bu dərəcədə vacib bir işlə məşğul olur; tarixən dahilikləri sübuta yetmiş böyük şəxsiyyətlərin göstərdikləri yolu gedərək, onların arzuladıqları işi davam edir.

Yüzlərlə uşaq yeniyetmə gözlənilmədən yeni bir dünya ilə tanış olur - hələ onların sayı minlərə çatacaq - onlar yeni bir dil, dillərdən bəlkə ən mühümü, hissləri ifadə etmək üçün istifadə olunan musiqi dili ilə interaktiv surətdə tanış olurlar. Şübhəsiz, bu uşaqlar özündən əvvəlki nəsillərlə müqayisədə musiqini daha yaxşı anlayacaq, daha doğru saf-çürük edəcək, daha zövqlü olacaq. Böyük ehtimalla aralarından kimlərsə gələcəkdə musiqiylə peşəkarcasına məşğul olacaq, biz dinləyicilərə estetik zövq bəxş edəcək.

Bütün hallarda, həkim olsalar, tacir olsalar musiqi zövqü olan həkim, ya tacir olacaqlar. Məmur olsalar musiqi barədə daha doğru qərar verəcəklər.Bütün bunların memarı isə bax bu kollektiv - heyrətamiz şəkildə qarışqa kimi işləyən Cadenza orkestridir. Obyektiv deməyə çalışsam, ölkədəki ən vacib işlərdən biri ilə, subyektiv qiymətləndirsəm isə bəlkə elə məhz ən vacib işlə - özü maksimum səriştəli surətdə - məşğul olduqlarını deyərdim.

Görülən bu böyük işlərə görə təşəkkürlər və uğurlar, Cadenza Contemporary Orchestra.

 

Firudin ALLAHVERDİ

 

525-ci qəzet.- 2022.- 11 noyabr.- S.11.