Qələmsiz yazılanlar
İlham
Əliyev Dünya lideri kimi çıxış
etdi
Qoşulmama Hərəkatının Əlaqələndirmə Bürosunun
Nazirlər görüşündə
Azərbaycan Respublikasının
Prezidenti İlham Əliyevin
çıxışı məzmununa,
əhatə etdiyi problemlərə və ötürdüyü mesajlara
görə də, nitqinin rəvanlığı
və təsiri baxımından da möhtəşəm
idi. Cənab Prezidentin BMT Təhlükəsizlik
Şurasının hazırkı
formasını keçmişin
qalığı adlandırması,
qurumun bəşəriyyətin
gözləntilərinə cavab vermədiyini, təşkilatda ciddi islahatların qaçılmazlığını
xüsusi vurğulaması,
Təhlükəsizlik Şurasının
tərkibinin genişləndirilməsi
barədə təklifləri,
özünü yalandan
insan haqlarının və beynəlxalq hüququn müdafiəçisi
kimi qələmə verən Fransanın soyqırım cinayətlərində
iştirakını, rəsmi
Parisin irqçi və neokolonializm siyasətini, başqa dövlətlərin işlərinə
kobud müdaxilə cəhdlərini kəskin pisləməsi, Qarabağ
bölgəsində erməni
separatizmini dəstəkləyərək,
geosiyasi rəqabət,
xarici hərbi mövcudluq və "orientalizm" müstəmləkəçilik
siyasəti ilə Cənubi Qafqaz regionunda da eyni mənfur təcrübənin
tətbiqinə çalışdığını,
bu dövlətin öz müstəmləkə
keçmişinə, qanlı
soyqırımı cinayətlərinə
görə Qoşulmama
Hərəkatına üzv
olan Afrika və Cənub Şərqi Asiya ölkələrindən
üzr istəməli
olduğunu bəyan etməsi Azərbaycan liderinin üstün siyasi-diplomatik bacarığının,
Qoşulmama Hərəkatının
sədri kimi beynəlxalq siyasətə
yüksək təsir
gücünün növbəti
aydın təzahürü
idi. Torpaqlarımızın
işğaldan azad olunması və Azərbaycanın haqlı
mövqeyinin müdafiəsində
göstərdiyi dəstəyə
görə Qoşulmama
Hərəkatı ölkələrinə
təşəkkürünü bildirməklə Azərbaycan
Prezidenti ali səviyyədə, beynəlxalq
miqyasda daha bir nəciblik, qədirbilənlik faktı
nümayiş etdirdi.
Cənab
Prezidentin bu çıxışını hər bir Azərbaycan
vətəndaşının dinləməsi və bu nitqdən öyrənməsi, zəruri
nəticələr çıxarması
olduqca vacibdir. İndi
dünya siyasətinə
düzgün yön verən belə bir tutarlı siyasi-diplomatik mövqeni, bu cür geniş
beynəlxalq təsir gücünü və yüksək nüfuzu məhz Azərbaycan Prezidentinin sərgiləməsi
hər birimiz üçün qürur,
iftixar qaynağıdır.
lll
Peşəkarlıq rəğbət
doğurur...
lll
Medianın İnkişafı Agentliyinin
onlayn və çap mediaya dəstək məqsədilə
reallaşdırdığı müsabiqənin qaliblərini
təbrik edirəm.
Media subyektlərinin fəaliyyətinin
stimullaşdırılmasının faydalı nəticələr
doğuracağına inanıram.
Bu günün faydalı
nəticələri isə
gələcək inkişaf
üçün bazadır.
Əminəm ki, həmkarlarım
işlərinə məhz
bu məqamı düşünərək yanaşacaqlar.
lll
Şəkil paylaşmaq təskinlikdir...
lll
Siz niyə ancaq qorxulu və bəd xəbərlər yayırsız ki?
lll
"Danışan əllər"
layihəsinin müəllifləri
- gənc rəssamlar Namiq Hüseynov və Kənan Əliyevin emalatxanasında
oldum.
Namiq və həmkarı Elşad Əhmədovla bu maraqlı layihənin ideyası, yaranma tarixçəsi barədə söhbət
etdik. Bu istedadlı cavanların yaradıcılıq
şövqü, sənət
eşqi məni valeh etdi. Onların
gələcəkdə böyük
uğurlar qazanacağına
əminliyimi yaddaş
kitabında da qeyd etdim.
Bir daha uğurlar!..
lll
Savab əməl unudulmur!..
lll
İrad
tutmaqdan, qulp qoymaqdan asan nə var ki?!
lll
Xoruz gözətçiləri...
lll
Əbədi narazılar...
lll
Tanımadığımız yaxşı adamlar...
lll
Bayram tətili günlərində,
adətən, həm gündəlik işlərdən
macal olur, həm də beyində, az da olsa, bir rahatlıq
yaranır. Bu da çoxdan
planlaşdırılan kitabları
oxumağa, diqqət çəkən verilişlərə
baxmağa imkan verir.
Bu dəfə də belə oldu. Haqqında öncədən
yayılan anonslardan yutubdakı "Rəybərəy"
kanalının uğurlu
layihə olacağını
təxmin etmişdim.
Bir qədər əvvəl
Qismətin həmin kanalda Ceyms Coysla
bağlı söhbətini
dinlədim və doğrusu, həm təxminimdə yanılmadığım
üçün məmnun
oldum, həm də kanalda sərgilənən yüksək
zövqə, peşəkarlığa
görə çox sevindim.
"Rəybərəy" kanalını,
orada yayımlanan dəyərli verilişləri
son zamanlar bu sahədə baş alıb gedən zövqsüzlüyə qarşı
çarələrdən biri
kimi görürəm.
Belə maraqlı, sanballı və gərəkli layihələr
düşük şou
meyllərinin, get-gedə
kütləviləşən səviyyəsizliyin yaratdığı
dərin məyusluqdan
çıxış yoludur.
Məncə, ədəbiyyata, sənətə
"Rəybərəy"də olduğu kimi ciddi, peşəkar münasibət indi hər zamankından daha vacibdir. Hesab edirəm ki, belə münasibət bu sahəyə ötəri əyləncə,
asanlıqla məşhurlaşmaq
meydanı kimi baxanları, xüsusən
də qrafomanları, istedadsız və savadsız həvəskarları
qorxudub çəkindirəcək
gücdədir.
"Rəybərəy"də, konkret
olaraq, Qismətin timsalında üstün səviyyənin, bilgi zənginliyinin bütün
bəsitliklərə, yüngüllüklərə
meydan oxuduğuna böyük məmnunluqla şahid oldum və bundan qürur duydum. Qismət bu proqramda özünəməxsus
təmkin və rahatlıqla danışır,
mövzuya dair bilgi və düşüncələrini
səxavətlə, həvəslə
paylaşır. Dünya
ədəbiyyatının nəhəng
simalarından olan Ceyms Coysun yaradıcılığının,
xüsusən "Uliss"
əsərinin təqdimatını
və şərhini Azərbaycan oxucusuna, ədəbiyyatsevərlərə professionallıqla çatdırır.
Düşünürəm ki, "Rəybərəy"çilərin
ortaya qoyduqları yüksək səviyyəli
iş bizə başucalığı gətirir
və buna görə
də çox sağ olsunlar!
"Rəybərəy"in yaradıcı
heyətini və şəxsən Qisməti
ürəkdən təbrik
edir, onlara dərin təşəkkürümü
bildirirəm. Yeni uğurlar!..
lll
Köhnələn xatirələr...
lll
Zəng
etmək gerilik əlamətidir?
lll
Xırda
vintciklər...
lll
İşıqfor qoymaqla şəhər
olmaz...
lll
Yatırsansa, gəncsən...
lll
İnsanları sevindirmək, mərhəmət,
empati gözəl keyfiyyətlərdir.
lll
Neqativi adətən uğursuz, kompleksli adamlar yayırlar...
lll
Sosial şəbəkələr arta-arta
gedəcək, axırda
hərənin öz şəbəkəsi olacaq...
lll
Lağlağı köhnə şakərimizdir.
Hərdən Əbdürəhim bəy
Haqverdiyevi oxuyun, feysbukla "Uca dağ başındakı" şəhər
arasında oxşarlıq
tapacaqsınız: "Camaat
tərəfindən ikinci
dəli edilən bir nəfər Avanes adlı tacir erməni idi. Hər sabah,
əlində açarları,
qoltuğunda dəftərləri,
gəlib dükanını
açardı; ticarətini
edib axşam yenə evinə qayıdardı. Bir dəfə
yenə dükanına
getdikdə qonşu dükançı səslənib
deyir:
- Sabahın xeyir, Avanes!
Bu səsə qonşulardan
da bir neçə adam:
- Sabahın xeyir, Avanes! - deyib səs verirlər.
Avanes:
"Aqibətiniz xeyir"
- deyib cavab verməklə dükanına
keçir. Doğrudur,
bu, bir artıq
söz deyil. "Sabahın xeyir" deyərlər, cavabında
"Aqibətin xeyir"
alarlar. Amma bir gündə altmış adam gəlib bir "Sabahın xeyir, Avanes!" - deyə, onda adam dəli ola bilər. Avanes də beləliklə, az qaldı dəli
olsun. Çünki bazara çıxanda məşribdən, məqriqdən,
göydən, yerdən,
hər yandan "Sabahın xeyir, Avanes!" sədası gəlirdi. Axırda dükanı bağlayıb
şəhərdən baş
götürüb qaçmağa
məcbur oldu".
lll
Hər qafiyə tapan özü haqda yüksək fikrə düşür...
lll
Dəqiq
müşahidə qabiliyyəti,
obyektivlik, ədalət,
səmimiyyət hər
kəsdə olmur. Xora qoşulmamaq, kütlənin küyünə
getməmək üçün
möhkəmlənmiş dünyagörüşü,
təcrübə, həm
də cəsarət lazımdır. Azər Ayxan Anar müəllimin
"Laçın" mahnısını
oxumasına fərqli və soyuqqanlı baxışı, müdrik
mövqeyi ilə görə həm də özünə hörmət və etibar qazandırır! Təşəkkürlər!
lll
Siyasət həm də baş verən hadisələrin səbəbini
hiss etmək sənətidir...
lll
Bilən
də, bilməyən
də ağlına gələni yazır...
lll
Lağlağı şakərə çevrilib
feysbukda...
lll
Zəvzəklərin yeri tez dolur...
lll
İsrafçılıq axır-əvvəl
cəzalandırılır...
lll
Vaqif Poeziya Günləri çərçivəsində Şuşada Natəvanın
evi qarşısında
"Dövri-səda" adlı
konsert proqramını
çox maraqla izlədik. Əməkdar
artist Vüqar Camalzadənin
bəstələdiyi musiqilər
ecazkar idi. Vüqar Camalzadəyə,
Qədim Musiqi Alətləri Ansamblının
üzvlərinə, bütün
əməyi olan sənətkarlara təşəkkür
edir, minnətdarlığımızı
bildiririk.
lll
Mədəniyyət naziri Adil Kərimli ilə media rəhbərlərinin görüşü
keçirildi. Milli Mətbuat
Günü münasibətilə
görüş iştirakçılarını
təbrik edən nazir
bu sahədə görüləcək işlər,
Mədəniyyət konsepsiyası,
milli mədəni irsimizin
qorunması və təbliği, qarşıdakı
Azərbaycan dili və Ədəbiyyatı
Forumu, həmçinin
media ilə əlaqəli
məsələlər barədə
ətraflı danışdı.
Nazir Mədəniyyət Nazirliyinin
bir sıra istiqamətlərdə gördüyü
işlərə medianın
fəal dəstək verməsi ilə bağlı arzusunu dilə gətirdi.
Adil Kərimlinin media rəhbərləri
ilə belə bir auditoriyada ilk görüşündəki çıxışı
rəğbətlə qarşılandı.
Onun dərin bilgisi, problemlərə bələdliyi, eyni zamanda onların həlli yolları barədə söylədiyi
fikirlər ciddi maraq doğurdu.
Media rəhbərləri də
bu sahəyə aid məsələlər haqqında
düşüncələrini, təkliflərini səsləndirdilər.
Elə bilirəm ki, bu görüş Media həftəsinin
uğurlu başlanğıcı
oldu.
Rəşad MƏCİD
525-ci qəzet.- 2023.- 22 iyul. S. 9.