Ülvi duyğularım dəhnədir, dəhnə,

10 dekabr tanınmış şair və publisist, Azərbaycan Yazıçılar Birliyinin Mingəçevir bölməsinin sədri İsmayıl İmanzadənin doğum günüdür. 80 yaşı tamam olan İ.İmanzadə təkcə öz nəsildaşları arasında və yaşayıb-yaratdığı bölgədə yox, bütövlükdə çağdaş Azərbaycan ədəbi mühitində özünəməxsus yer tutur. 80 illik yubileyi münasibətilə İsmayıl İmanzadəyə səmimi təbriklərimizi və xoş arzularımızı ünvanlayır, yaradıcılığından nümunələri oxucularımıza təqdim edirik.

Ürəyim şeirlə dolu bir təhnə.

Nə bir az təzəyəm, nə də ki köhnə,

Sənin "ol" dediyin gündənəm, Allah!

Qəribəm, heç nəyə gəlmir gümanım,

Sevgindir əbədi dinim-imanım.

Saflıq-halallıqdır andım-amanım,

Yoğurub-yapdığın kündənəm, Allah!

Sənsən tacidarı göyün, yerin də,

Heç vaxt açılmayan sirrin dərində.

Əgər ismim yoxsa "can dəftəri"ində,

Deyim: - İsmayıl adlı bəndənəm, Allah!

lll

Avazıdır ötüb keçən hər anın,

Heç vaxt gizli saxlamayıb ünvanın.

Qobustanda daş köynəkli dastanın,

Mürgüləyən yaddaşında sirdi, söz.

Sədasıymış torpağın da, daşın da,

Şəhiddi, qazidi yurd savaşında...

Saxlamışam ürəyimin başında,

Dəyərlidir sərraf olan yerdə söz.

Hər şah beyti çiçək kimi təzə-tər,

"Bəsləsən" sal daşın üstə də bitər...

Öz qınına tez çəkilər qəm-kədər,

Məlhəm kimi yaxılanda dərdə söz.

Halallığı açıq alnım, ağ üzüm,

Hər misrası göz oxşayan bir düzüm...

Nə yaxşı ki yaddaşında var izim,

Həmdəmimdi qələm-kağız, bir də söz...

lll

Ömrüm boyu yan keçsəm də axından,

Hər yetəni tanımadım yaxından.

Əcəl gəlib yapışanda yaxamdan:

"Tez ol, ölüm şərbətini iç" demə.

Dost bildiyim ürəyimi sındırıb,

Həyat məni "döyə-döyə" qandırıb.

Öz əlinlə körpüləri yandırıb

Mənə: "Namərd körpüsündən keç" demə.

Bu gedişin əyrisi nə, düzü nə,

Tamarzıyam məhəbbətin közünə.

Saf eşqimin kül üfürüb gözünə:

"Özün gedib öz tayını seç" demə.

Gözlərimdə şimşək kimi çaxmısan,

Necə deyim durulanda axmısan?

Bir vədələr axırıma çıxmısan,

Baxışların qatil imiş heç demə.

İsmayıl MƏRCANLI-İMANZADƏ

525-ci qəzet .- 2025.- 11 dekabr (№226).- S.14.