Gənclər Kitabxanasında Xalq artisti Rəşid Behbudovun xatirəsi anılıb

Respublika Gənclər Kitabxanasında Xalq artisti, Dövlət mükafatı laureatı, korifey sənətkarımız Rəşid Behbudovun 110 illiyi münasibətilə “Bir ömürlük alqış” adlı videomaterial hazırlanıb.

Kitabxanadan AZƏRTAC-a bildirilib ki, materialda sənətkarın həyat və yaradıcılığından bəhs olunub.

Videomaterialda Rəşid Behbudovun ifasında xalq yaradıcılığını, vokal sənətini, estrada janrını böyük məharətlə uyğunlaşdırdığı, bir sıra ölkələrdə geniş konsert proqramları ilə Azərbaycan xalq mahnılarının və bəstəkar əsərlərinin tanınmasında əvəzsiz xidmətlərinin olması qeyd edilib.

Kitabxana əməkdaşlarının hazırladığı materialda Xalq artisti Rəşid Behbudovun səs yazıları, ifaları səsləndirilib, ona dünya şöhrəti qazandıran “Arşın mal alan” filmindən fraqmentlər sərgilənib.

525-ci qəzet .- 2025.- 16 dekabr (№229).- S.9.