Milli Kitabxanada “Müzəffər Ali Baş Komandan - İlham Əliyev” adlı sərgi açılıb

Milli Kitabxanada Müzəffər Ali Baş Komandan, Prezident İlham Əliyevin doğum günü münasibətilə virtual və ənənəvi kitab sərgisi istifadəçilərə təqdim olunub.

Bu barədə AZƏRTAC-a kitabxanadan məlumat verilib.

Bildirilib ki, virtual sərgidə Zəfər diplomatiyasının müəllifi, 200 illik münaqişəyə son qoyan qalib xalqın qalib Lideri, Müzəffər Ali Baş Komandan İlham Əliyevin müdrik və uzaqgörən siyasəti, regionda sülh və normallaşma strategiyası, Vaşinqton sammiti, yüksək diplomatik məharəti, cəmiyyət həyatının bütün sahələrində qazanılmış mühüm nailiyyətlər, 44 günlük qəhrəmanlıq savaşımız haqqında dövri mətbuatda dərc olunan məqalələr, Azərbaycan və müxtəlif dillərdə ədəbiyyatlar nümayiş olunub.

Virtual sərgidə resurslar tam mətni ilə təqdim edilib.

Sərgi ilə tanış olmaq istəyənlər linkdən istifadə edə bilərlər.

Ənənəvi sərgidə Ulu Öndər Heydər Əliyevin siyasi kursunun layiqli davamçısı Müzəffər Ali Baş Komandan İlham Əliyevin həyata keçirdiyi müdrik daxili islahatlar və uzaqgörən, məqsədyönlü xarici siyasəti, müstəqil Azərbaycanda aparılan davamlı inkişaf strategiyası, böyük qətiyyəti, qurub-yaratmaq bacarığı, Vətən müharibəsi və şanlı Qələbə, hərb tarixində misli-bərabəri olmayan, görünməmiş hərbi taktika haqqında Azərbaycan və müxtəlif dillərdə ədəbiyyatlar yer alıb.

525-ci qəzet .- 2025.- 25 dekabr (№236).- S.9.