Həmkarlar İttifaqının nümayəndələri Xalq artisti Arif Babayevi ziyarət ediblər

Azərbaycan Həmkarlar İttifaqları Konfederasiyasının üzv təşkilatı Mədəniyyət İşçiləri Həmkarlar İttifaqı Respublika Komitəsinin sədri Elkiyar Ziyadov görkəmli xanəndə, Xalq artisti Arif Babayevi ziyarət edib.

İttifaqdan AZƏRTAC-a bildirilib ki, görüşdə sənətkarın səhhəti ilə maraqlanılıb, ona diqqət göstərilib.

Görüş zamanı Respublika Komitəsi tərəfindən mədəniyyət işçilərinin sosial rifahının yaxşılaşdırılması, peşəkar inkişafının və yaradıcılıq imkanlarının genişləndirilməsi istiqamətində həyata keçirilən tədbirlər barədə danışılıb. Xalq artisti göstərilən diqqət və qayğıya görə Həmkarlar İttifaqının nümayəndələrinə təşəkkür edib.

525-ci qəzet .- 2025.-4 iyun(№96).- S.9.