Türk gənclərinin şeirləri "Ulduz"un yeni nömrəsində

"Ulduz" jurnalının növbəti nömrəsi işıq üzü görüb.

525.az xəbər verir ki, jurnalının oktyabr nömrəsi "Ulduz" jurnalı ilə Dünya Gənc Türk Yazarlar Birliyinin birgə layihəsi" olaraq çap edilib. Nəşrin Həsən Kürün şeirləri ilə açılır. "Şeir vaxtı"nı türk şairi Özgür Bacaksız, Özbəkistandan Mehrinaz Abbas, Rəhmət Babacan, Firuzə Xeyrullayeva, Sevinc Xuşnazarova, Masihullah, Qırğızıstandan Altınbek İsmail, Kıyalbek Kamıtoğlu, Rızkul İzatova, Qazaxıstandan Sayat Kamşıqer, Gülnaz Fayzulla, Monqolustandan Dauletkerey Kapoğlu, Cənubi Azərbaycandan Əli Çağla, Türkmənistandan Faroqat Cabbarova, Azərbaycandan Fərid Hüseyn, İntiqam Yaşar, Taleh Mənsur, Ruslan Dostəli, Xəyalə Sevil, Şükür Əli, Cəmil Cəmilbəyli, Nofəl Ümid, Səddam Laçın, Tural Adışirin, Şahanə Müşfiq, Ayşən Rəhim, Yusif Nazim Ərəbsoy, Valeh Qoca, Qabil Ədalət, Fuad Cəfərli və Elvin İntiqamoğlu davam etdirir.

"Tribuna"da filologiya üzrə fəlsəfə doktoru Şəfa Əliyeva "Şairin ruh dünyası" yazısında Əhməd Qəşəmoğlu yaradıcılığında mələk və məleykələrdən söz açır. Bakı Dövlət Universitetinin doktorantı Məleykə Mirzəli "Məhtimqulu Fəraqi-300" yazısı ilə türkmən şeirinin günəşini yad edir.

"Nəsr" Rizvan Fikrətoğlunun "Son əlvida", qazax yazıçı Erkinbek Serikbayın "Bu da bayram günlərində", Anar Adilin "Şöşü", Şəfa Vəlinin Sədnik Paşa Pirsultanlının xatirəsinə həsr etdiyi "Ruh quşu", Yeqzar Cəfərlinin "Ağac oğrusu", Amin Namazlının "Ömrün işığı", Elmin Nurinin "Bozqırın mürəkkəb qoxusu", türk yazıçısı Ənvər Aykolun "Qırmızı və Qara", Ulucay Akifin "Cin dərəsi", Aygün Yaşarın "Naməlum əsgər" hekayələrini təqdim edir.

"Dərgidə kitab"da Ramazan Qafarlı "Salam"ın şeir məkanı" - Mahirə Nağıqızının yaradıcılığından söz açır.

"Dərgidə sərgi"də rənglər dünyası ilə Tünzalə Ağabalayevadır.

525-ci qəzet .- 2025.- 22 oktyabr (№ 192).- S.10.