O gəldi

Dəvətsiz-filansız gəldi qəfildən,

Mənsə qarşılaya bilmədim əzəl.

Birdən cəsarətsiz yuxularımın

Qatı dumanından gəldi o gözəl.

O, çiçək açmışdı, zərifdi gültək,

İncə əllərini mənə uzatdı.

Sehirli bir səsə səslədi: ehey,

O səs səssizliyə sanki rəng qatdı.

Kiməsə nəyisə bəyan eləyən

Sığırçın səsləri yayılıb göyə.

Dəvətsiz-filansız gələn sevginin

Niyə pişvazına çıxmayım, niyə?

Vasiliy SİMONENKO

Tərcümə edən: Firuz Mustafa

525-ci qəzet. - 2025.- 12 sentyabr (№164).- S.15.