Budapeştdə Azərbaycan Kinosu Həftəsi olacaq

 

Macarıstanın paytaxtı Budapeştdə mayın 6-dan 16-dək Azərbaycan Kinosu Həftəsi keçiriləcək. Mədəniyyət Turizm Nazirliyindən verilən məlumata görə, proqramda "Günaydın, mələyim", "40-cı qapı", "Hökmdarın taleyi", "Girov", "Hər şey yaxşılığa doğru", "Özgə vaxt", "Əlvida, Cənub şəhəri", "Ovsunçu" kimi nisbətən yeni filmlərlə yanaşı, "O olmasın, bu olsun", "Şərikli çörək", "Gün keçdi", "Nəsimi", "Dədə Qorqud" başqa klassik ekran əsərlərinin nümayişi nəzərdə tutulub.

Macarıstana gedəcək Azərbaycan nümayəndə heyətində aktyorlardan Fuad Poladov, Ayan Mirqasım, Mehriban Zəki başqaları təmsil olunurlar. Azərbaycanlı aktyorların macarıstanlı tamaşaçılarla, oradakı həmkarları ilə görüşmək, bu ölkənin kino sənayesi ilə tanışlıq imkanının olacağı gözlənilir.
   

 

S.MÜRVƏTQIZI

 

525-ci qəzet.- 2009.- 14 aprel.- S.7.