Mirbəhram Əzimbəylinin
"Səssizliyin harayı"
kitabı təqdim olundu
Ötən gün istedadlı gənc yazar Mirbəhram Əzimbəylinin
"Səssizliyin harayı"
kitabının təqdimatı
keçirilib. Tədbiri giriş sözü ilə açan yazıçı Yaşar
Mirbəhram Əzimbəylinin,
hələ çox gənc olmasına baxmayaraq, yaradıcılığının
bədii sanbalı ilə seçildiyini bildirib: "Bu gün sözünün işığına toplaşdığımız
15 yaşlı Mirbəhramın
ömrü boyu öz kitabını yazmasını arzu edirəm. Fərqi yoxdur, kəmiyyətcə
yazıçının nə
qədər kitabı
olursa olsun, əsas keyfiyyətdir. O, hələ yeniyetməliyindən
sözə məhəbbət
bəsləyib. 7-8 yaşından
sözlə kəbinini
kəsdirən Mirbəhram
gələcəyin böyük
söz adamı olmazdan öncə həssas qəlb sahibidir. Mirbəhram nümunəvi bir ailənin övladı olmaqla bərabər, həm də Yazıçılar Birliyinin
ən gənc üzvüdür. İndiyədək
Birliyin tarixində ən gənc üzv ən azı 25 yaşında olub. Bu, Mirbəhramın
gənc yaşında
əldə etdiyi böyük uğurdur. Bütün bunlar göstərir ki, Mirbəhram çox erkən yaşdan sözə bağlanmaqla, bədii sözlə nəfəs almaqla əslində öz gələcəyini müəyyənləşdirib".
Gəncliyə Yardım
Fondunun nümayəndəsi Salih Meliç Mirbəhramın
yazmaq istedadını Allahın ona bəxş etdiyi
böyük lütf kimi dəyərləndirib:
"Böyüklərin,
valideynlərin də əsas vəzifəsi onun bu
istedadını üzə çıxarmaq, bu çətin
yolda ona dəstək olmaqdır".
"İlk kitablar ilk sevgi kimidir. Bu baxımdan mən Mirbəhramın hələ
gənc ikən çap etdirdiyi kitablarını ilk sevgi kimi müqəddəs hesab edirəm. Mirbəhram, yaşı çox az
olsa da, həyatdan, insanlardan, dünyadan nə istədiyini yaxşı bilir. Bu da onun parlaq istedadından
xəbər verir.
Mən Mirbəhramda daha çox şair ruhu görürəm.
Amma gələcəkdə ədəbiyyatın
hansı sahəsini seçmək, əlbəttə
ki, Mirbəhramın qələmini hansı istiqamətə yönəltməsi
ilə bağlıdır.
Yazan adamın ən böyük xoşbəxtliyi
və eyni zamanda əzabı öz obrazları ilə baş-başa qalmasıdır. Mən bu
gənc qələm dostumuza həmişə yaradıcılığın şirin
əzabları ilə
bir yerdə olmasını arzu edirəm". Bu fikirləri isə tanınmış yazıçı
Sabir Azəri səsləndirdi.
Tədbirdə iştirak edən
Türkiyə səfirliyinin təhsil və dini xidmətlər
üzrə müşavirləri Halis bəy və Müzəffər
Şahin Mirbəhramın gələcəkdə türk
dünyasının böyük şairləri Bəxtiyar
Vahabzadə, Mehmet Akif, Nəcib Fazil Qısakürək kimi
söz ustadları ilə bir ədəbi səviyyədə
durmasını dilədilər. Tədbirdə Mirbəhramın
gənc qələm dostları Günel Eminli, Sevinc Mürvətqızı,
Əli Əlioğlu, Nahid, Ayxan Kiçikbəy də həmkarlarını
təbrik edərək, təqdim olunan kitab haqqında fikirlərini
bölüşdülər. Mirbəhramın təhsil
aldığı Türk Dünyası Bakı Atatürk
liseyinin müəllim və şagird kollektivi də öz
ürək sözlərini və arzularını dilə gətirdilər.
Tədbirin sonunda
çıxış edən müəllif kitab haqqında
söylənilən xoş sözlərə görə
qonaqlara və tədbir iştirkaçılarına minnətdarlığını
bildirdi: "Gənc Ədiblər Məktəbinin bir
toplantısında ədəbiyyata iddia ilə gəlməkdən
söhbət açmışdıq. Onda qeyd etmişdik ki,
hamı ədəbiyyata iddia ilə gəlir. Mənim əsas
arzum odur ki, iddiam uğuruma çevrilsin, faciəmə
yox". Kitaba yazılmış önsözlərdən
birinin müəllifi Gənc Ədiblər Məktəbinin (GƏM)
rəhbəri, AYB-nin katibi Rəşad Məciddir. "Gənc
Ədiblər Məktəbinin ən gənc üzvü"
adlı yazıda R.Məcid M.Əzimbəylinin ədəbiyyata,
bədii yaradıcılığa yetkin
bağlılığı olduğunu vurğulayıb:
"İndi Mirbəhram Yazıçılar Birliyi ilə Mədəniyyət
və Turizm Nazirliyinin birgə təşəbbüsü sayəsində
yaradılmış Gənc Ədiblər Məktəbinin ən
gənc üzvüdür. Ancaq onu fərqləndirən təkcə
gəncliyi deyil. Mirbəhram ədəbiyyata böyük
marağı, mütaliəyə həvəsi və
yaradıcılığını təkmilləşdirmək
istəyilə də diqqəti çəkir". İndiyədək
onun bir çox təqdirəlayiq nəticələrə imza
atdığını vurğulayan R.Məcid gənc
yazarın istedadının və bədii təfəkkürünün
get-gedə cilalanacağına inamını da ifadə edib.
Kitabın ikinci ön söz müəllifi
professor Kamil Vəli Nərimanoğlu Mirbəhramın
yaradıcılığını yüksək qiymətləndirərək,
onun həm nəsr, həm də nəzmlə
yaratdıqlarının kifayət qədər maraqlı və
oxunaqlı olduğunu "İkinci addım qətiyyətdir"
adlı yazısında ifadə edib. K.V.Nərimanoğlu M.Əzimbəylinin
bədii axtarışlarını, mövzu genişliyini və
dilinin obrazlılığını bəyəndiyini də
diqqətə çatdırıb.
Xatırladaq ki, "Səssizliyin
harayı" gənc yazarın oxucularla ikinci
görüşüdür. Bundan əvvəl M.Əzimbəylinin
"Bir çocuğun dünyasından səslər"
kitabını oxuculara təqdim edilib. "Adiloğlu" nəşriyyatında
çap edilən yeni kitabdakı poetik nümunələr
"Şeirlər" və "Duyğularım"
başlıqları altında toplanıb.
Sevinc MÜRVƏTQIZI