Milli Kitabxanada Xocalı şəhidləri
anılıb
Ötən gün M.F.Axundov adına
Milli Kitabxanada Xocalı faciəsinə həsr olunmuş anım tədbiri və Milli Kitabxananın
əməkdaşı M.Həmidovanın
hazırladığı "Azərbaycanın Milli Qəhrəmanları" biblioqrafik
göstəricisinin təqdimat
mərasimi keçirilib.
Kitabxananın direktoru Kərim
Tahirov Xocalı müsibətinin Azərbaycan xalqının
yaddaşından heç zaman silinməyəcəyini qeyd edərək,
soyqırım həqiqətlərini gələcək nəsillərə
çatdırmaqda bu mövzuda nəşrlərin xüsusi
rolu olduğunu bildirib.
Mədəniyyət və Turizm
Nazirliyinin nümayəndəsi Firudin Qurbanov gənclərin
soyqırıma dair bilgilərlə maarifləndirilməsinin
vacibliyini önə çəkib. F.Qurbanov Xocalı faciəsinin
beynəlxalq səviyyədə tanınması
üçün bir sıra sənədlərin beynəlxalq
qurumlara göndərildiyini, xarici ölkələrdə də
bu faciəyə həsr olunmuş tədbirlərin
keçirildiyini diqqətə çatdırıb.
Təhsil Nazirliyinin şöbə
müdiri Ağababa İbrahimov Xocalı
soyqırımını ermənilərin Azərbaycan
xalqına qarşı XX əsrin əvvəllərindən
başlayan məqsədyönlü terror və etnik təmizləmə
siyasətinin bir mərhələsi kimi səciyyələndirib.
Yazıçılar
Birliyinin mətbuat xidmətinin rəhbəri şair Ədalət
Əsgəroğlu Qarabağdakı müsibətlərin
şahidi olduğunu, Azərbaycan həqiqətlərini
dünya ictimaiyyətinə çatdırılmasının əhəmiyyətini
qeyd edib.
Tədbir çərçivəsində
"Xocalı - əsrin faciəsi" adlı sərgi təşkil
olunub. Sərgidə Xocalı faciəsilə bağlı 200-dən
artıq kitab, jurnal və qəzet materialları nümayiş
etdirilib.
ARİFƏ