İncəsənət Muzeyində heykəltəraş
Münəvvər Rzayeva
yad edilib
Rüstəm Mustafayev adına Dövlət
İncəsənət Muzeyində
Şərqdə ilk monumentalist,
əməkdar rəssam,
tanınmış heykəltəraş
Münəvvər Rzayevanın
80 illik yubileyi münasibətilə anım
mərasimi keçirilib.
Muzeyin direktoru İsrafil İsrafilov çıxışında M.Rzayevanın
şərəfli ömür
yolundan söz açıb: "Münəvvər
Rzayeva 1929-cu ildə anadan olub. 1950-ci ildə Ə. Əzimzadə
adına Rəssamlıq
məktəbini, 1956-cı
ildə V.İ.Surikov adına Moskva Dövlət Rəssamlıq
Akademiyasını heykəltəraşlıq
fakültəsini bitirib.
Məşhur heykəltəraş Nikolay Tomskinin tələbəsi olub.
1953-cü ildən Rəssamlar
İttifaqının üzvlüyünə
qəbul edilib və həmin vaxtlardan müxtəlif respublika, ümumittifaq və beynəlxalq miqyaslı sərgilərə
qatılıb. Əsərləri
ona böyük uğurlar qazandırıb.
AMEA-nın Nizami adına Ədəbiyyat Muzeyində bərpaçı
rəssam kimi səmərəli fəaliyyət
göstərib".
Rəssamlar
İttifaqının heykəltəraşlıq bölməsinin
katibi Xanlar Əhmədov M.Rzayevanın heykəltəraşlıq
sahəsindəki xidmətlərini vurğulayıb: "İncəsənət
tariximizə nəzər salsaq, orada qadın heykəltəraşların
barmaqla sayılacaq qədər azlığının
şahidi olarıq. Heykəltəraşlıq həm fiziki, həm
də mənəvi cəhətdən çox ağır sənətdir.
Münəvvər Rzayeva bu çətin sahədə öz
silinməz izini qoyub. Elə bir iz ki, illər keçsə də,
silinməyəcək və gələcək nəsillər
bundan bəhrələnəcəklər".
"Yaratdığı
obrazların daxili aləmini, psixoloji dünyasını əks
etdirmək üçün obrazın gözlərinə
böyük önəm verən M.Rzayeva istedadı, zəngin
təxəyyülü, yüksək professionallığı
ilə digər rəssam və heykəltəraşlardan fərqlənirdi".
Bu fikirləri tədbirdə yazıçı Aqşin Babayev
səsləndirib.
Tədbirdə alim və
şair Gülhüseyn Hüseynoğlu, şair Ədalət Əsgəroğlu,
M.Rzayevanın davamçısı Fəxrəddin Əliyev,
eləcə də digər sənət xadimləri görkəmli
heykəltəraş haqqında xatirələrini
bölüşüblər.
Sonda Zemfira Mirqədirova
çıxış edərək, anasının xatirəsinə
ehtiram göstərdiklərinə görə tədbir təşkilatçılarına
və mərasimə qatılanlara minnətdarlığını
bildirib.
Tədbir çərçivəsində
muzeyin zalında sənətkarın əsərləri ilə
yanaşı onun həyat və
yaradıcılığını əks etdirən fotolar, məktublar,
məqalələr də nümayiş etdirilib.
Hüsniyyə İSMƏTQIZI