Qubada "Doğma
diyar uşaqların gözü ilə" sərgisi açılıb
Azərbaycanda 2009-cu ilin Uşaq İli elan edilməsi ilə əlaqədar Quba rayonunda "Doğma diyar uşaqların gözü ilə" adlı foto-rəsm sərgisi keçirilib. APA-nın şimal bürosunun xəbərinə görə, tədbir Mədəniyyət və Turizm Nazirliyinin təşəbbüsü ilə gerçəkləşib. Sərgidə Xızı, Siyəzən, Quba, Xaçmaz və Qusar rayonlarından olan məktəbli istedadların 150-dək əl işi nümayiş etdirilib. Vətənpərvərlik və təbiət mövzusuna həsr olunan ən yaxşı əl işlərinin bu yaxınlarda Bakıda keçiriləcək ümumrespublika sərgisində nümayişi, eləcə də məktəblilərin "Qarabağ" mövzusunda hazırladığı rəsm əsərlərindən ibarət yeni internet saytının yaradılması qərara alınıb.