Azərbaycanlı ifaçı Türkiyədəki
festivalda gümüş
medal qazanıb
Sumqayıtdakı Qara Qarayev adına musiqi məktəbinin şagirdi Gülzar Fərəcova Türkiyədə
keçirilən beynəlxalq
musiqi festivalında gümüş medala layiq görülüb. Ankaradakı Topqapı salonunda keçirilən konsertdə "Asiyanın
qızıl səsi"
fəxri adı ilə mükafatlandırılmış
G.Fərəcova daha sonra İstanbulda ikinci yerə sahib olub. Laureatın
dediyinə görə,
o, əvvəlcə möhtəşəm final
konsertindən öncəki
seçim mərhələlərində
iştirak edib və Azərbaycandan olan 5 iştirakçı
sırasından musiqi
yarışının həlledici
mərhələsinə keçib.
Türkiyənin incəsənət
xadimlərindən ibarət
münsiflər heyətinin
qərarı ilə
G.Fərəcova 115 ölkənin
nümayəndələrinin qatıldığı VII Beynəlxalq
türk olimpiadasına
vəsiqə qazanıb.
Gənc ifaçı
Türkiyənin Kayseri, Adana, Ceyhan şəhərlərindəki
konsertlərə qatılıb, qardaş ölkə
telekanallarının efirində çıxış edib.
SARA