Sirliqalanın yaxınlığında qədim sənətkarlıq
məhəlləsi tapılıb
Bərdə və Gəncə şəhərlərinin
ticarət yolunun üstündə yerləşən,
V əsrə aid, el arasında Sirliqala kimi tanınan tikilinin yerləşdiyi ərazidə
arxeoloqlar tərəfindən
sənətkarlıq məhəlləsi
və emalatxana sexi aşkar olunub. Bu barədə məlumat
verən AMEA Arxeologiya
və Etnoqrafiya Institutunun şöbə müdiri Arif Məmmədov ərazidə
həmçinin V və
IX əsrə aid xeyli sayda nümunə,
o cümlədən Atabəylər, Hülakilər
kimi bir sıra sülalələrin
hakimiyyəti dövrünə
aid sikkələr
tapıldığını da qeyd edib.
Burada eləcə də XIII əsrə aid monqol hərbi
düşərgəsi də
aşkarlanıb.
A.Məmmədov burada torpaq qatının kül rəngdə olmasını
monqolların Şutur
şəhərini işğal
etdikdən sonra tamamilə yandırdığı
ilə əlaqələndirib.
Şöbə müdiri həmçinin monqolların
ərazidə Çin
səddinə oxşar
sədd də tikdiyini, onların bu ərazilərdə məskunlaşmasının azərbaycanlıların
hərbi sənətkarlıq
sahəsinə marağını
daha da artırdığını
bildirib. Bu kimi tədqiqatların tariximizin öyrənilməsi
üçün vacib
olduğunu vurğulayan
A.Məmmədov ərazidə
işlər yekunlaşdırıldıqdan
sonra Naxçıvan və Ağcabədidə
də arxeoloji tədqiqatlar aparılacağını
deyib.
SARA