Məlik Dadaşovun
şəxsi arxivi Dövlət Film Fonduna təqdim olunub
Azərbaycanın xalq artisti Məlik Dadaşovun şəxsi arxivi Dövlət Film Fonduna verilib.
Fondun rəhbəri, əməkdar incəsənət
xadimi Cəmil Quliyevin APA-ya verdiyi məlumata görə, aktyorun şəxsi arxivi onun qızı Gülnarə Dadaşova tərəfindən təqdim
edilib. Artıq fondun arxivinə daxil olan fotolar
və sənədlərin
M. Dadaşovun adı ilə bağlı olan müxtəlif tədbirlərdə istifadəsi
də gözlənilir.
Bununla yanaşı, bu günlərdə əməkdar artist Atamoğlan Rzayevin də oğlu tərəfindən onun şəxsi arxivi fonda gətirilib. A.Rzayevin şəxsi arxivində onun müxtəlif illərdə çəkdirdiyi fotolar, haqqında maraqlı yazılar və sənədlər var.