Azərbaycanda Qətər mədəniyyəti
nümayiş etdiriləcək
İyunun 8-dən 12-dək Azərbaycanda Qətər dövlətinin
Mədəniyyət Günləri
keçiriləcək. Mədəniyyət və Turizm Nazirliyinin mətbuat katibi İntiqam Hümbətovun APA-ya verdiyi məlumata görə, 58 nəfərdən
ibarət nümayəndə
heyətinə Qətərin
Mədəniyyət, İncəsənət
və İrs Milli Şurasının baş katibi Mübarək bin Nasir əl-Xəlifə
başçılıq
edəcək. Azərbaycanda
Qətər Mədəniyyət
Günlərinin rəsmi
açılış mərasimi
iyunun 9-da Muzey Mərkəzində keçiriləcək.
Mərasimdə Qətər
və onun adət-ənənələri
haqqında qısametrajlı
sənədli filmlərin
nümayişi, təsviri
sənət nümunələrindən
ibarət sərgi təşkili nəzərdə
tutulur. Mədəniyyət
günləri çərçivəsində
muzeyin qarşısında
ənənəvi Qətər
çadırları qurulacaq,
gəmidüzəltmə və
xınaçılıq sənətlərinin
nümayişi keçiriləcək,
milli şirniyyatlar hazırlanacaq. Mədəniyyət
günləri çərçivəsində
M.F.Axundov adına Milli Kitabxanada Xalid Yusif ər-Dərbəşti tərəfindən
Qətərdə investisiya
imkanları barədə
mühazirə oxunacaq,
R.Behbudov adına Mahnı Teatrında isə folklor rəqs qrupunun çıxışı olacaq.
Nümayəndə heyətinin
eyni proqramla 10 iyunda Mərdəkan qəsəbəsində, ertəsi
gün isə Suraxanı rayonunda olması planlaşdırılır.