Mehdi Hüseynin
100 illiyilə bağlı
kitab sərgisi açılıb
Ötən gün M.F.Axundov adına Milli Kitabxanasında xalq yazıçısı Mehdi Hüseynin 100 illiyinə həsr olunan kitab sərgisi keçirilib. Tədbir başlamazdan əvvəl qonaqlar yazıçının əsərləri və haqqında yazılmış ədəbiyyatın nümayiş etdirildiyi sərgi ilə tanış olublar. Milli Kitabxananın direktoru Kərim Tahirov çıxışında görkəmli yazıçının həyat və yaradıcılığından söz açıb: "İllər keçsə də, Mehdi Hüseyn irsi unudulmur. Çünki onun əsərlərində qələmə alınan aktual mövzular, bədii həllini tapan məsələlər, problemlər bütün zamanlar üçün müasirdir". Mədəniyyət və Turizm Nazirliyinin şöbə müdiri, şair Vaqif Bəhmənli yazıçını hərtərəfli biliyə və əhatəli yaradıcılığa malik olan mübariz sənətkarlardan biri kimi səciyyələndirib. Akademik Teymur Bünyadov Mehdi Hüseyn yaradıcılığının müasir Azərbaycan ədəbiyyatının yaranması və inkişafında xüsusi rolu olduğunu vurğulayıb: "Mehdi Hüseynin əsərləri həmişə xalqımızın yaddaşında yaşayacaq. Çünki yazıçı bu əsərlərdə xalqımızın milli-mənəvi dəyərlərini qələmə alıb".
SARA