"Hökmdarın taleyi"
Şəkidə göstərilib
S.Rəhman adına
Şəki Dövlət
Dram Teatrında "Hökmdarın
taleyi" filminin premyerası olub. Filmin ssenarisini İlyas Əfəndiyevin
"Hökmdar və qızı" faciəsinin
motivləri əsasında
xalq yazıçısı
Elçin qələmə
alıb. Mədəniyyət
və Turizm Nazirliyindən verilən məlumata görə, filmin nümayişindən
öncə yaradıcı
kollektiv tamaşaçılar
qarşısında çıxış
edib.
Filmin baş prodüseri
Vaqif Əsədullayev çıxışında kinoya
dövlət tərəfindən göstərilən
qayğıdan danışıb: "Bu film Mədəniyyət
və Turizm Nazirliyinin sifarişi əsasında çəkilib.
Əsərin ekranlaşdırılmasına dövlət tərəfindən
böyük diqqət göstərilib. BuÖ hazırkı
dövrdə Azərbaycan kinosuna verilən yüksək dəyərin
təzahürüdür".
Ekran əsərində
baş rolu - Qarabağ hökmdarı İbrahim xanı canlandıran
xalq artisti Fəxrəddin Manafov belə bir tarixi obrazı
yaratmasından doğan məmnunluğunu dilə gətirib:
"Özümü çox xoşbəxt hiss edirəm ki,
belə böyük tarixi şəxsiyyəti ekranda
canlandırmaq mənə nəsib olub". Çəkiliş
prosesindən söz açan xalq artisti F.Manafov filmin əksər
kadrlarının Şəki şəhərində çəkildiyini
bildirib: "Əsas çəkilişləri Şəkidə
apardığımız üçün yaradıcı heyət
olaraq Bakı və Gəncədən sonra filmin növbəti
təqdimatının burada keçirilməsini məqsədəuyğun
hesab etdik".
Filmin nümayişindən
sonra şəhər icra hakimiyyəti
başçısının müavini Zərinə Cavadova
ekran əsərilə bağlı təəssüratlarını
bölüşüb: "XIX əsrin əvvəllərində
Azərbaycanda baş vermiş tarixi hadisələrə həsr
olunmuş bu filmdə həmin dövrdə
xalqımızın başına gələn müsibətlər
çox əhatəli və canlı şəkildə öz əksini
tapıb. Filmdə cərəyan edən hadisələr bir
daha onu göstərir ki, həmin dövrdə Azərbaycanda mərkəzləşmiş,
vahid dövlətin olmamasından istifadə edən İran və
Rusiya Azərbaycanı öz aralarında iki hissəyə
bölüblər. Milli faciələrimiz də elə həmin
dövrdən başlanıb". Z.Cavadova XX əsrin sonunda
xalqımızın yenidən belə bir təhlükə ilə
üzləşdiyini də çıxışına əlavə
edib: "Həmin dövrdə ümummilli liderimiz Heydər Əliyevin
hakimiyyətə qayıdışı ilə bu faciənin
qarşısı alınıb, Azərbaycan parçalanmaq təhlükəsindən
xilas olub, dövlətimiz və dövlətçiliyimiz
qorunub".
SARA