"Gəmiqaya-Qobustan
mədəniyyəti" ictimaiyyətə
təqdim olunub
Atatürk Mərkəzində
Əjdər Fərzəlinin
"Gəmiqaya-Qobustan
mədəniyyəti" kitabının
təqdimat mərasimi
keçirilib. Mərasimi
giriş sözü ilə açan şair Ənvər Əhməd çıxışında
nəşrin tariximizin
araşdırılması baxımından
xüsusi əhəmiyyət
kəsb etdiyini vurğulayıb: "Bu kitab tariximizi işıqlandırmaqla bərabər
həm də gənc nəslə həqiqətlərimizi, mədəni
irsimizi tanıtmaq, öyrətmək baxımından
çox əhəmiyyətli
nəşrdir. Təqdimatı
keçirilən kitab
daş tariximizin qızıl hərflərindəndir".
Daha sonra tədbirdə Əhməd
Qəşəmoğlu, İslam
Sadıq və başqaları çıxış
edərək kitabın
əhəmiyyətini vurğulayıblar.
Təqdimat mərasimində
müxtəlif universitetlərin
tələbələri də
iştirak ediblər.
Kitabın elmi redaktoru filologiya elmləri doktoru Qara Məşədiyevdir.
Araşdırmada Gəmiqaya-Qobustan mədəniyyəti
haqqında maraqlı məqamlar yer alıb. 4 fəsildən ibarət kitabda eləcə də Orxon-Yenisey əlifbasının
qrafik açımı
da oxuculara təqdim olunub.
SARA