Gənc Tamaşaçılar Teatrı
festivaldan qayıdıb
Dövlət Gənc Tamaşaçılar Teatrı
iyunun 2-dən 7-dək Tatarıstanın Kazan şəhərində
keçirilən türk
xalqlarının "Nauruz"
IX Beynəlxalq Teatr Festivalında uğurla çıxışdan sonra
vətənə dönüb.
Teatrın mətbuat xidmətindən verilən
məlumata görə,
Mədəniyyət və
Turizm Nazirliyinin dəstəyi ilə festivala qatılan yaradıcı kollektiv beynəlxalq tədbirdə
Ə.Haqverdiyevin "Pəri
Cadu" tamaşasını
nümayiş etdirib. Tamaşa iştirakçıların
və tanınmış
teatrşünasların alqışları
ilə qarşılanıb.
Festivalda ikinci dəfə iştirak edən teatr Türkiyə və Kazan şəhərlərinə
qastrol səfərinə
dəvət alıb.
Sözügedən
tamaşa rejissor Nicat Kazımovun quruluşunda ərsəyə
gəlib. Səhnə əsərində rolları əməkdar
artist Naibə Allahverdiyeva, aktyorlardan Kəmalə Hüseynova,
Elşən Rüstəmov, Mehriban Abdullayeva, Eyvaz İbrahimov,
Güşvər Şərifova, Ceyhun Məmmədov, Rasim Cəfərov
və başqaları ifa ediblər.
Tamaşanın rəssamı
Lətifə Quluzadə, tryukların quruluşçusu
İsa Əsədovdur. Sinxron tərcüməni isə Səriyyə
İsmayılova həyata keçirib.
SARA