Bizə qurtuluş
bəxş edən şəxsiyyət
İnsanın arzuları tükənməzdir. Gözəl həyat,
xoşbəxt ailə,
sağlam bədən,
rahat cəmiyyət, yaxşı iş, azad vətən, müstəqil ölkə,
vahid dövlət, möhkəm ordu, ədalətli və cəsarətli lider və s. və
ilaxır bu arzular silsiləsindəndir.
Lakin hər kəs bu arzuların ayrı-ayrılıqda hamısına çata bilmir. Çünki cəmiyyət və orada gedən proseslər, onun əsasında doğan münasibətlər, bir də hər bir insanın şəxsi keyfiyyətləri
və bacarığı
fərqli olduğundan
arzulara yetişmək
də hərədə müxtəlifdir.
Həyat elə yaranıb ki, insan övladı bir yandan nəyisə
əldə edir, digər tərəfdən
nəyisə, kimisə
itirir. Valideynlər yaşa dolur,
həyatdan köçür,
əvəzində dünyaya
övlad gəlir adlarını onlara qoyub qismən təskinlik tapırıq,
cəmiyyətin ziyalı
təbəqəsi, söz
deyən kəsləri
həyatdan köçür,
əvəzində yeni
söz ordusu nəsli, istedad sahibləri yaranır, cəmiyyətdə çürük fikirli siyasi fiqurlar yeni fikirli,
rasional düşüncəli
siyasilərlə əvəzlənir,
insanın zövqünə
oxşayan ən gözəl əşya belə köhnəlir, dəbdən düşür,
əvəzində yenisini
əldə edir və yaxud da
edə bilmir və s. və
ilaxır.
Lakin həyatda elə
bir qiymətsiz məfhum, varlıq var ki, onsuz insanın
arzuları əlçatmaz, mənəviyyatı zəif,
taleyi talesiz, qisməti köləlik, həyatı kədər
ola bilər. O varlığın adı Qurtuluşdur. Onu bizə
canı bahasına bəxş edən şəxsiyyətin
adı isə ümummilli liderimiz Heydər Əliyevdir.
Od içində yanan,
bulanıq fikirlər içində çaş-baş qalan,
taleyi naşı əllərdə oyuncaq olan, gələcəyinə
qaranlıq çökən, torpağı yağmalanan Azərbaycanı
Heydər Əliyev qüdrəti, cəsarəti, inamı, təcrübəsi,
siyasi uzaqgörənliyi ilə özünə qaytardı. Qayıdışıyla
qaytardı. Heydər Əliyevi tapan Azərbaycan
özünü tapdı. 1918-ci ildə o zamankı
Cümhuriyyətimiz üçün qurulan məkr toru
1993-cü ildə Heydər Əliyevin gəlişi ilə
baş tutmadı. O, ölkənin bölünməsinə
yönəlmiş bütün ssenariləri ustalıqla dəf
etdi. Bu gəlişi hiss edib sağ da, sol da yerindən
qalxdı, müxalifət biri-birinə qarışdı, hətta
kiməsə atmaq üçün ətəyə daş
yığanlar daşı ətəkdən atdılar.
Onun gəlişi daxildə
sabitlik, insanlar arasında inam, səriştəli kadrların
iş başına gətirilməsi, ölkənin daxili
resurslarından bacarıqla istifadə edilməsi, qanunlarda
islahatların aparılması, ali məclislərdə ən
ali oğulların təmsil olunması, gənclərə
inam, onlara etimadın göstərilməsi, iqtisadi-sosial sahələrdə
islahatlar, mədəniyyətimizə qayğı, təhsil və
tibbə xüsusi diqqət, ordunun gücləndirilməsi ilə
müşayiət olundu.
Məsləki və
varlığı böyük olan Heydər Əliyevin
Qurtuluş əsərinin əsas qayəsi ondan ibarət idi
ki, böyük siyasət kiçik hisslərə, xırda mənfəətlərə
bağlı olmamalıdır, demokratik cəmiyyətin
göstəricilərindən olan müxalifət Vətəninə,
xalqına, məsləkinə müxalifətdə
dayanmamalıdır, xalq öz hüquqlarını anlamalı
və qoruya bilməlidir ki, kiçik dövlət
böyük məmləkət qədər güclü olsun. Heydər
Əliyev ümumdünya mədəniyyətinə və
sivilizasiyasına ölkəmizin töhfə verməsi
üçün dövlət tərəfindən atılan
rasional addımlar nəticəsində xalqın birliyinə
nail oldu. İqtisadiyyatın lazımi səviyyədə
inkişaf etdirilməsi üçün çərçivələri
qırıb əhatə, əməkdaşlıq dairəsini
dünya dövlətlərilə əlaqələr kontekstində
qurdu. Ölkənin təbii sərvətlərindən
xalqın rifahı, ölkənin gələcəyi naminə
istifadə edilməsi konsepsiyasını irəli
sürdü. O, dövlətin güclü olmasını
iqtisadiyyatın güclü olması təcrübəsi ilə
təsdiqlədi.
Biganəlik Heydər Əliyev
üçün ögey bir məfhum idi. Dövlətin
bütün sahələrinə şəxsən nəzarət
edən O, elə bütün sahələrdə də biganəliyi
aradan götürdü. Ölkənin bütün
strukturlarında canlanma yaratdı.
Heydər Əliyevə
görə demokratiya insanların şüurunda dəyişiklik
idi. Lakin o bu dəyişikliklərin inqilabla deyil,
ağılla, bacarıqla, biliklə, məntiqlə, haqq və
ədalətlə, mərhəmətlə, təkamül yolu
ilə, tədricən həyata keçirilməsində
görürdü və fədakar əməyi ilə sübut
edirdi.
Nəbzi Vətənin,
zamanın nəbzi ilə döyünən Lider daim
axtarışda idi. Onun ölkənin qapılarını
dünyanın üzünə açması, qitələri
fəth edən səfərləri, bu səfərlər
çərçivəsindəki saysız-hesabsız
görüşləri, Azərbaycan həqiqətlərinin
dünyaya çatdırılması, Qarabağ dərdlərini
cəsarətlə, arqumentlə, isbatla dilə gətirməsi
dünyanı Azərbaycana addım-addım
yaxınlaşmağa məcbur etdi. Azərbaycan
dünyanın diqqət mərkəzində olan dövlətlərdən
birinə çevrildi. Dünyanın ali kürsülərində
söz, beynəlxalq təşkilatlarında yer aldı.
Bu gün ölkəmizə
edilən saysız-hesabsız səfərlər, dünya
ölkələri ilə ikitərəfli, çoxtərəfli
sazişlər, sərmayə qoyuluşları, Qarabağ məsələsində
ölkəmizin beynəlxalq təşkilatlarda dəstəklənməsi,
səfirliklərimizin sayının artması, ölkələrlə
əlaqələrin yeni müstəvidə inkişafı Heydər
Əliyevin hakimiyyət ustalığının, zəhmətinin
məntiqi davamıdır.
Vətəndən kənarda
çalışdığım İndoneziyada rəsmi
görüşlərə qatılarkən yeni insanlarla ilk
görüşdə Azərbaycandan olduğumu deyəndə,
o andaca qarşı tərəfdən "Ooo, Heydər Əliyev"
kəlməsini eşidirəm. Elə o andaca qürur hissi
duyuram. Həm Azərbaycanı tanıtdırmış Heydər
Əliyevə, həm də onu bizə bəxş etmiş Azərbaycanıma
görə.
O bizə Qurtuluş
verdi. Onun içindəsə arzularımıza çatmaq
haqqını. Bəs görəsən, biz onun haqqını
qaytara biləcəyikmi?
Yenə də birini
tapdıq, birini itirdik.
Yaşasın
Qurtuluş günü.
Mətin MİRZƏ
Azərbaycanın İndoneziyadakı
Səfirliyinin müvəqqəti işlər vəkili