Mikayıl Müşfiq
Cəfər Cabbarlı
ocağında anılıb
Görkəmli dramaturq Cəfər Cabbarlının
ev-muzeyində unudulmaz şair Mikayıl Müşfiqin
100 illiyinə həsr
olunmuş ədəbi-bədii gecə keçirilib. C.Cabbarlının
nəvəsi, muzeyin baş elmi işçisi
Qəmər Seyfəddinqızının
verdiyi məlumata görə, tədbirdə
muzeyin direktoru Gülarə Cabbarlı M.Müşfiqin yubileyilə
əlaqədar görülən
işlərdən danışıb.
Tədbirdə çıxış
edənlər M.Müşfiqin
həyat və yaradıcılığının müxtəlif cəhətlərindən
ətraflı söz açıblar.
Gecədə filologiya
elmləri namizədi Firudin Qurbansoy, şair Oqtay Rza, professor
Gülhüseyn Hüseynoğlu Müşfiqin Azərbaycan ədəbiyyatının
inkişafındakı misilsiz xidmətlərindən bəhs
ediblər: "Mikayıl Müşfiq qısa ömür
yaşasa da, yaratdığı poetik nümunələrlə,
təkrarolunmaz bədii yaradıcılığı ilə
onun adı yaddaşlara əbədi həkk olunub".
Tədbirdə xalq
artisti Əminə Yusifqızının, Bakı Uşaq
Teatrının aktyorlarının ifasında şairin
şeirləri səsləndirilib, müğənnilər
M.Müşfiqin sözlərinə bəstələnmiş
mahnıları oxuyublar.
S.MÜRVƏTQIZI