Aşıq Bilal Şamaxıda
yad edilib
Şamaxıdakı "Dədə yurdu"
istirahət mərkəzində
Azərbaycan aşıq
sənətinin görkəmli
nümayəndəsi Mirzə
Bilala həsr edilmiş "Şamaxının
bayramıdır, Aşıq
Bilal günləri"
devizi altında tədbir keçirilib.
Mədəniyyət və Turizm Nazirliyi, Aşıqlar Birliyi və Şamaxı Rayon İcra Hakimiyyətinin təşkilatçılığı
ilə gerçəkləşən
tədbirdə ölkənin
tanınmış elm,
mədəniyyət xadimləri
iştirak ediblər. Nazirlikdən
verilən məlumata görə, tədbiri rayon icra hakimiyyətinin
başçısı Nazim
İsmayılov açaraq,
Azərbaycanda mədəniyyətin
inkişafı, tanınmış
sənətkarların fəaliyyətinin
qiymətləndirilməsi istiqamətində
ulu öndər Heydər Əliyevin və prezident İlham Əliyevin xidmətlərini önə
çəkib. N.İsmayılov
Azərbaycan mədəniyyətinin
inkişafına verdiyi
töhfələrə görə
Heydər Əliyev Fondunun prezidenti, millət vəkili Mehriban Əliyevaya da tədbir iştirakçıları adından
minnətdarlığını bildirib.
Tədbirdə
çıxış edən Aşıqlar Birliyinin sədri Zəlimxan
Yaqub, folklorumuzu araşdıran alimlər Azərbaycan
aşıq sənətinin təşəkkülü və
inkişafı, Mirzə Bilalın, folklor nümunələrinin,
dastanlarımızın mahir ifaçısı və təbliğatçısı
kimi, bu sənətə verdiyi töhfələr barədə
ətraflı söz açıblar.
Tədbirdə
iştirak edən türkiyəli qonaq, folklorşünas alim
Nizaməttin Onk ölkəsində Azərbaycan aşıq sənətinə
maraqdan, tanınmış aşıqların təbliği
sahəsində işlərdən danışıb,
Aşıq Bilalla bağlı monoqrafiya
hazırlayacağını bildirib.
Mərasimdə Azərbaycanın
ayrı-ayrı bölgələrindən olan
tanınmış aşıqlar konsert proqramı ilə
çıxış ediblər.
Aşıq Bilalın
oğlu Səfi Bilaloğlu, aşığın nəvəsi
Bilal Mikayılov böyük sənətkarla bağlı xatirələrini
tədbir iştarkçıları ilə
bölüşüb, qonaqlara minnətdarlıqlarını
bildiriblər.
Qeyd edək ki, görkəmli
aşıq Mirzə Bilal sovet rejiminə qarşı
barışmaz mövqeyinə görə təqiblərə
məruz qalıb və Stalin repressiyasının qurbanı
olub. Sənətkarın sonrakı taleyi barədə
mübahisəli fikirlər mövcuddur. Bəzi alimlərin
fikrincə, ölməz aşığa verilən ölüm
hökmü 1937-ci il oktyabrın 26-dan 27-nə keçən
gecə icra olunub. Bəzi tədqiqatçılar isə onun
ölüm hökmündən sonra Sibirə göndərildiyini
bildirirlər.
SARA
525-ci qəzet.- 2009.- 26 iyun.- S.24.