Parça memarlığı sahəsində seminar keçirilib

Ötən gün "Bravo Tent" şirkəti parça memarlığı sahəsində növbəti seminarı keçirib. Seminarın əsas məqsədi iştirakçıları parça memarlığındakı müasir tendensiyalarla yaxından tanış etmək olub. Bildirilib ki, hazırda parça memarlığı memarlığın qotika və barokko kimi növlərinin bir hissəsidir: "Burada əsas materialı gün və yağışdan qorunmaq üçün çəkilən yelkən daha dəqiq desək, tent-örtü təşkil edir ki, bu da şüşə, ağac, dəmir və daşdan sonrakı tikinti materailı hesab olunur. Bu, asan və yüngül quraşdırılmaq, təzyiqədavamlılıq xüsusiyyətləri daşıyır. Artıq tikintiləri sürətli və müasir görkəmli edən, xay-tekin siması olan bir komponent də mövcuddur. Bu paradoksal innovasiyanın adı parça memarlığıdır. Şeyxlər və oliqarxlar da özlərinin və ya uşaqlarının toy mərasimlərində bu cür tent konstruksiyalarından istifadə edirlər, idman yarışları da bunsuz keçinmir. Hətta sonuncu Pekin Olimpiadasında da bunlardan istifadə olunub. "Valter SAS", "Memranbau SA", Vektor Foiltek, "Ferrari SAS" kimi aparıcı şirkətlər ilə bu günədək əldə edilən təcrübə Azərbaycanda parça memarlığı sahəsində təkrarolunmaz, orijinal və əhəmiyyətli obyektlərin yaradılması mümkünlüyündən söhbət açmağa imkan verir".

Ülkər NƏBİYEVA

525-ci qəzet.-2009.- 5 mart.- S.6.