"Qızıl
kəlmə"yə
əsərlərin qəbulu
yekunlaşıb
Keçən
ilin iyulunda Mədəniyyət və Turizm Nazirliyi tərəfindən
elan edilən "Qızıl kəlmə" ədəbi
mükafatına 4 nominasiya üzrə əsərlərin qəbulu
martın 1-də başa çatıb. Nazirliyin nümayəndəsi
Şərif Ağayarovun verdiyi məlumata görə, nəsr
nominasiyasında Elçin Hüseynbəylinin "On
üçüncü həvari - Don Juan" , Əlisahib Əroğulun
"Boz adam", Yunus Oğuzun "Nadir şah", Aqil
Abbasın "Dolu", Varisin "Sonuncu ölən ümidlərdir"
romanları, Eldar Qəmərlinin "Ağacdələn",
Gülşən Tofiqqızının "Oxatan",
Ülviyyə Heydərovanın "Noutbuk", Rövşənin
"Qadın düşərgəsində", Natiq Rəsulzadənin
"Adacıq" hekayələr topluları, Eyvaz Zeynalovun
"Qarabağ hekayələri" və Hacı Abdullanın
"Qaçqınlar" silsiləsindən "Ulduz"
jurnalında çap olunan hekayələri təqdim edilib. Poeziya
nominasiyasında Elxan Zalın "Türk əsrinin
türküləri", Zakir Fəxrinin "Qalmaz belə,
qalmaz dünya" ,Taleh Həmidin 4 cildlik əsərlərinin
1-ci və 2-ci cildi, Mətləb Misirin "Çadır,
çadır rəngləri", Dayandur Sevginin "50-dən
o yana yollar yoxuşdu", Mehman Qaraxanoğlunun "Sənin nəğmələrin",
Səlim Babullaoğlunun "İlyas Göçmənin
şəkil dəftəri", Firudin Şahbuzlunun "Səbəbli
səbəbsizlər", Qəşəm Nəcəfzadənin
"Qadının ölümü", Şərqiyyə
Süleymanlının "Ürəkdən gələn
misralar", Mənsurə Qaçayqızının
"Dünəndə qalan sabah" şeirlər kitabları
və Ramiz Məmmədzadənin "Zirvə" poeması
mükafata iddiaçıdır.
Ədəbi
mükafata təqdim olunan Hüseynbala Mirələmovun
"Heydər Əliyev" , Həsən Quliyevin "Azərbaycanın
mühacir ədəbiyyatı", Gülxani Pənahın
"Fikrət Qocanın yaradıcılıq yolu", Nəsib
Bayramoğlunun "Arı və demokratiya", Şamil
Süleymanlının "Azərbaycan Ədəbiyyatı
Ensiklopediyası", Mustafa Çəmənlinin "Leyli və
Məcnun" 100 il səhnədə", Qəşəm
İsabəylinin "Ölü bilər, mən bilərəm",
Əkbər Qoşalının "Altun bitig",
Müslüm Hikmətin "Sosial həyatın
ensiklopediyası", Sərvaz Hüseynoğlunun
"İmamverdi Əbilov tənhalığı" və
Mahirə Abdullanın "Əbədiyyət-an"
kitabları ədəbi tənqid və publisistika
nominasiyası üzrə qiymətləndiriləcək.
Saday
Budaqlı, Məmməd Oruc və Bəsti Əlibəylinin orijinaldan
etdikləri bədii tərcümələr uyğun nominasiya
üzrə mükafata təqdim olunub. Onlar Mixail Bulqakovun
"Master və Marqarita", Gülşən Lətifxanın
"Azər və Aida" və Orxan Arasın "Son cənnət"
romanlarını dilimizə çeviriblər.
S.MÜRVƏTQIZI
525-ci qəzet.-2009.- 12
mart.- S.7.