Cəfər Cabbarlının
110 illiyi qeyd olunub
Böyük dramaturq Cəfər
Cabbarlının ev-muzeyində ölməz sənətkarın 110 illik
yubileyi qeyd edilib. Atasının həyat və yaradıcılığından danışan Gülarə
Cabbarlı onun uğur və çətinliklərlə dolu
qısa, ancaq şərəfli, ibrətamiz
ömür yaşadığını
vurğulayıb.
Filologiya elmləri
doktoru Rəhim Əliyev C.Cabbarlını görkəmli
mütəfəkkir və ustad dramaturq kimi səciyyələndirib.
Dramaturqun nəvəsi
Qəmər Seyfəddinqızı yubiley tədbirlərinin
davamlı olacağını, mərasimlər silsiləsinin
martın 20-nə kimi davam edəcəyini bilidrib.
Tədbirdə
verilən açıqlamaya görə, bu yaxınlarda Cəfər
Cabbarlının "Sevil" pyesinin 80 illiyi qeyd olunacaq və
bu münasibətlə əsər yenidən səhnələşdiriləcək.
S.MÜRVƏTQIZI