"Novruz - Bahar bayramı" müsabiqə-sərgisinin qalibləri mükafatlandırılıb

Ötən gün Muzey Mərkəzinin İncəsənət Qalereyasında uşaq, yeniyetmə və gənclərin rəsmlərindən, əl işlərindən ibarət "Novruz. Bahar bayramı" adlı müsabiqə-sərginin açılışı olub. Mədəniyyət və Turizm Nazirliyinin təşkilatçılığı ilə keçirilən müsabiqə uşaqlar, yeniyetmələr və gənclər arasında təsviri və tətbiqi-dekorativ sənətin inkişaf etdirilməsi məqsədilə gerçəkləşib. Nazir Əbülfəs Qarayev istedadlı uşaqların, yeniyetmə və gənclərin vaxtında aşkara çıxarılması, onlara dövlət qayğısının artırılmasında bu tədbirin də müəyyən rolu olduğunu, müsabiqənin ənənəyə çevriləcəyini bildirib.

300-ə yaxın rəsm və əl işi nümayiş etdirilən müsabiqənin münsiflər heyətinin qərarı ilə iki yaş qrupu üzrə qaliblərə və fərqlənən iştirakçılara Nazirliyin diplomları, pul mükafatları verilib. Müsabiqədə birinci yerləri Günel Kərimli və Elməddin Yusifli tutub. İştirakçılara sərgiyə təqdim olunan işləri özündə əks etdirən kataloqlar və DVD-lər paylanılıb.

ARİFƏ

525-ci qəzet.- 2009.- 17 mart.- S.7.