“Ulduz”un yeni sayı çıxıb

Bu günlərdə “Ulduz” jurnalının növbəti sayı işıq üzü görüb. Dərgi Şaiq Vəlinin şeirlərilə açılır. Jurnalın bu sayında poeziyasevərlərə Qəşəm Nəcəfzadə, Xuraman Hüseynzadə, Ayişə Nəbili, Oqtay Rza, Saday Şəkərli, Fəxrəddin Meydanlı, vusal Nazimoğlu, Xalid Mahmud, Nazilə Gültac, Nazir Rüstəm və Həsrətin şeirləri də təqdim olunub. Xanəmirin “Yük” dastan-poeması, Əlabbasın “İkinci oğul” povesti, professor Əzizxan Tanrıverdinin “Vətən sevgisi, dil gözəlliyi”, Etimad Başkeçidin “Ocaq şairi”, Qulu Ağsəsin “İkicə kəlmə: Mənsum İbrahimov” yazıları da jurnalın bu sayında dərc edilib. Tənqidçi Vaqif Yusiflinin “Ünvan: Sumqayıt” məqaləsində Sumqayıt ədəbi mühitinin seçilən imzalarından söhbət açılır. “Ulduz”un ilk ulduzları” rubrikasında yazıçı Nahid Hacızadənin mərhum şair-publisist Səyavuş Sərxanlı ilə bağlı yazısı verilib. Ənənəvi “Anım” bölümündə jurnalın əməkdaşı Fərqanə mərhum şair-tədqiqatçı Ağalar Mirzə haqqında yazını və onun şeirlərini təqdim edib.

S.MÜRVƏTQIZI

525-ci qəzet.- 2009.- 5 noyabr.- S.7.