Gənclər Kitabxanasında “Bir könül sevindirdim”

Cəfər Cabbarlı adına Gənclər Kitabxanasında “Qafqaz Media” İctimai Birliyinin təşkilatçılığı ilə “Bir könül sevindirdim” adlı tədbir keçirilib. Tədbirdə Respublika Gözdən Əlil Uşaqlar üçün İnternat məktəbinin 11-ci sinif şagirdləri Nuranə Nursuzun “Körpə ömrüm səni arar” və Mansur Qadirin “Necə sevməyim” kitablarının təqdimatı olub. Birliyin rəhbəri Azadə Talehin verdiyi məlumata görə, tədbirdə çıxış edən şair Nurəngiz Gün, Əli Xankişiyev, şair Rauf İlyasoğlu və başqaları hər iki gəncə uğur arzulayıb, onların kövrək hisslərlə yazdığı bu şeirlərdə bir ümid olduğunu bildiriblər.

SARA

525-ci qəzet.- 2009.- 20 noyabr.- S.7.